Забава

Модниот гигант „Прада“ доби тужба од два милиона долари поради набавка на крокодилска кожа

Објавено пред

4 месеци

- 5 април, 2018

Од

Италијанската модна куќа „Прада“ набргу ќе се најде на суд поради проблеми при набавката на крокодилска кожа од 700 млади и 26 возрасни крокодили. Тужбата против модниот гигант е тешка речиси два милиона долари.

„Прада“ се најде во правни проблеми кога компанијата „Капо“ од САД откри дека склучиле договор за набавка на кожа од 700 младенчиња американски крокодили, со цел „Прада“ да ја користи за производство на егзотични модни додатоци.

Додека другите модни компании се борат да го обезбедат производството преку доставувачи на скапи материјали, „Прада“ со помош на „Капо“ стапила во директен контакт со одгледувачи на крокодили и со тоа обезбедила полесен начин на директна испорака кон својата фабрика „ГНП Пели“ во Италија.

Компанијата „Капо“ била платена за секој обезбеден крокодил, а дополнително заработувала и од продажбата на кожа. Оваа фирма тврди дека нејзините вработени самостојно пренеле 726 крокодили во фарма што „Прада“ специјално ја подготвила во Луизијана, каде што крокодилите се одгледувале поради нивната кожа.

Меѓутоа, од „ГНП Пели“ наводно не ја платиле провизијата за „Капо“ од САД, со што била предизвикана штета од два милиона долари, кои оваа американска компанија си ги бара преку тужба.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Шест дена на музички фестивал за 1100 денари во Скопје

Претходно

Научниците се заканија со бојкот на универзитетот кој развива „роботи убијци“

Естрада

По Бени Нон Стоп, вечерва на Три Круши Блага Петреска и Ѓоко Дончев

Објавено пред

3 часа

- 21 јули, 2018

Од

Mak Fax

Синоќа на Три круши во селото Драчево, во рамки на културното лето на Општина Кисела Вода „Три Круши 2018“, концерт одржа Бени со Нон Стоп.

Меѓу бројната публика беше и градоначалникот на Општината Филип Темелковски со своето семејство. До доцна вечерта, заедно со Бени, се пееше и се играше на хитовите По навика, Ај ма пиши ми, Сам, Пушти коси, Be my brother.

Културното лето Три круши 2018 продолжува вечерва, на истата локација, Три круши, во селото Драчево. Концерт ќе одржат Блага Петреска и Ѓоко Дончев. Почетокот е закажан за 20 часот, а влезот е бесплатен.

Прикажи повеќе...

Uncategorized

Кои се најплатените славни личности во светот

Објавено пред

1 ден

- 20 јули, 2018

Од

Mak Fax

Познатото списание „Форбс“, според својата долгогодишна традиција, ја објави листата на најплатените личности од јавниот живот.

На чело на годинашната листа е боксерот Флојд Мејведр со заработка од неверојатни 285 милиони долари, а на второто место е актерот и филантроп Џорџ Клуни, кој заработи 239 милиони долари.

CANNES, FRANCE – MAY 12: Actor George Clooney attends the “Money Monster” photocall during the 69th annual Cannes Film Festival at the Palais des Festivals on May 12, 2016 in Cannes, France. (Photo by Pascal Le Segretain/Getty Images)

Третото место ѝ припадна на ѕвездата Кајли Џенер, која заработи 166 милиони долари во изминатата година.

Меѓу првите пет се најде и Двејн Џонсон, поранешен професионален борач, а сега познат актер и продуцент, со заработка од 124 милиони долари.

Овие имиња ги следат бендовите „У2“ и „Колдплеј“, како и Кристијано Роналдо и Лионел Меси.

Прикажи повеќе...

Естрада

Том Џонс во болница, ги откажа сите концерти

Објавено пред

1 ден

- 20 јули, 2018

Од

Mak Fax

Легендарниот британски пејач Том Џонс, кој беше префрлен во болница поради бактериска инфекција, ги откажа сите концерти во Велика Британија.

Овој 78-годишен уметник, познат по хитовите Delilah и It’s not unusual, им се извини на своите обожаватели преку „Твитер“.
„Сер Том Џонс има бактериска инфекција и е во болница. Неговата состојба е добра, и се надеваме на брзо закрепнување. Тој е многу разочаран и се жали дека не може да настапи вечерва“ – стои во соопштението на неговиот твитер-профил.

Пејачот, чиј прекар е „Тигарот од Велс”, порача дека планира да ја продолжи турнејата во Обединетото Кралство во август.

Во септември минатата година, Џонсон, кој исто така е дел од жирито на популарната музичка емисија „Глас на Велика Британија”, ја одложи турнејата низ САД поради операција на колк.

Прикажи повеќе...