Забава
Најбогатите жени во Јужна Африка
Со изобилни природни ресурси, вклучувајќи разни минерали, како и огромни можности за инвестирање и, секако, талентирани луѓе, Јужноафриканската Република е една од најбогатите земји во Африка.
И покрај фактот дека на листата најбогати луѓе во Јужна Африка, како и на светската листа, доминираат мажи, некои жени собрале доволно богатство да го заслужат своето место меѓу мажите.
Ова се петте најбогати жени во Јужна Африка вклучувајќи краток опис на она што го работат и нивната нето-вредност.
Мамфела Алета Рамфеле е супержена: лекарка, успешна деловна жена, активистка и политичарка. Таа е коосновач на ReimagineSA и моментно работи како копретседател на Клубот на Рим. Таа е и управник на фондацијата „Нелсон Мандела“. Рамфеле беше првата Јужноафриканка што стана вицеканцелар, а работеше и како проректор на Универзитетот во Кејптаун помеѓу 1996 и 2000 година.
Нхланила Мјоли-Мнкубе е позната јужноафриканска деловна жена. Таа е извршен директор на „Мјоли дивелопмент компани“ и „Езико инвестментс“. Работи во неколку компании, кои котираат на берзата во Јоханесбург. Нејзината нето-вредност е проценета на околу 94 милиони рани, што ја прави една од најбогатите жени во Јужна Африка.
Џуди Дламини е деловна жена, авторка и актуелна проректорка на Универзитетот во Витвотерсренд.
Таа е основачки претседател на Групацијата Мбекани, а претходно беше претседател на управниот одбор на „Аспен фармкеар холдингс“. Таа е исто така една од најбогатите жени во Јужна Африка, со проценета нето-вредност од речиси 124 милиони ранди. Во 2020 година магазинот „Форбс“ ја стави на листата 50 најмоќни жени во Африка, а во 2022 година на листата 50 водечки жени на глобално ниво.
Шон Мхизе е успешна деловна жена и телевизиска личност. Шон Мхизе има проценета нето-вредност од речиси 300 милиони ранди, што ја прави една од најбогатите жени во Јужна Африка.
Голем дел од нејзиното богатство произлегува од инвестиции во рударството, градежништвото и индустриите за чистење преку нејзината групација „Зикулисе“. Мхизе е и сопственик и на „Ројал АМ ФЦ“.
Брижит Радебе е моментно најбогатата Јужноафриканка, таа е и сестра на најбогатиот Јужноафриканец Патрис Моцепе.
Брижит, која е актуелна претседателка на Јужноафриканската асоцијација за развој на рударството, беше една од првите јужноафрикански жени што поседуваа и управуваа со рудници во земјата, а во оовој бизнис е од 80-тите.
Таа е основач и извршен директор на Mmakau Mining Ltd, рударска компанија во сопственост на Африканци со интереси во злато, платина, ураниум и јаглен. Има добиено неколку престижни награди и признанија за својата работа како извонреден претприемач и лидер, вклучително и неколку статии во „Форбс“.
Нето-вредноста на Брижит Радебе е проценета на околу 1 милијарда ранди.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Лепа Брена итно оперирана во Загреб: снимен моментот кога камерманот падна врз пејачката
Балканската ѕвезда Лепа Брена е оперирана рано утринава откога добила страшна повреда на зглобот за време на концертот што го одржа синоќа во „Арената Загреб“.
Имено, по концертот, кој го изведе додека беше повредена, Брена веднаш беше однесена на итна операција.
Во меѓувреме, се огласија организаторите на концертот, а беа откриени и првите информации за состојбата на Брена.
@24sata Kamerman je išao unatrag i pao na nju, odradila je koncert do kraja #24sata #zagreb #hrvatska #lepabrena ♬ original sound – 24sata
„Регионалната ѕвезда утрово имаше операција на зглобот. Операцијата е успешно извршена и пејачката се чувствува добро“, стои во соопштението.
Инаку, несреќата се случила кога член на екипата, поточно снимател, преку спуштен лифт паднал директно врз Лепа Брена, која била на платформата и чекала да излезе на бината.
Забава
Селена Гомез проговори по номинациите за „Златен глобус“, за малку ќе заплачеше
Објавени се номинациите за 82. доделување на наградите Златен глобус што ќе се одржи на 5 јануари. Филмот Емилија Перез води во номинациите. Крими комедијата, во режија на Жак Аудиар, доби десет номинации.
Во филмот играат Селена Гомез, Зое Салдања, Карла Софија Гаскон, Едгар Рамирез и други. Селена Гомез е номинирана за најдобра споредна женска улога во филм и најдобра главна женска улога во серијата Only Murders in the Building.
Таа се огласи преку Инстаграм за номинациите и не криеше колку е среќна за филмот Емилија Перез и нејзините колешки кои исто така беа номинирани. Карла Софија Гаскон е номинирана за најдобра актерка во филм, а Зое Салдања е во конкуренција со Селена за најдобра споредна женска улога. Номинација доби и режисерот Жак Аудиар.
„Честитки за моите од филмот Емилија Перез. Зое Салдања, да!!!” напиша таа на својата приказна на Инстаграм. На следната приказна, таа објави видео како го гледа преносот на номинациите. „О Боже мој“, извика додека ја држеше раката над устата. За малку ќе заплачеше од среќа.
„Не знам ни што да напишам. Толку сум горда на Зои Салдања и благодарна сум за номинацијата, чест ми е“, додаде таа. Селена објави и колку е горда на номинациите кои ги доби серијата Only Murders in the Building.
Забава
Манекенката Бјанка Балти се бори со рак на јајчниците, снимена е во Милано, им се насмевна на камерите
Италијанската манекенка Бјанка Балти (40) неодамна објави дека и е дијагностициран рак на јајниците. Иако и претстои тежок период во животот, таа се труди да биде позитивна.
„Отидов во итната помош и дознав дека болката во долниот дел на стомакот е всушност рак на јајниците во стадиум 3C. Беше една недела полна со страв, болка и солзи, но уште повеќе љубов, надеж, смеа и сила. (Видете ги овие слики за доказ, ха , ха.) Имам долг пат да одам, но знам дека ќе победам.
За себе, за своите најблиски (моите ќерки се на прво место) и за сите вас на кои им треба сила – можете да позајмите некоја моја затоа што ја имам премногу. Животот се случува; дај му причина. Ракот досега ми даде можност да најдам убавина и покрај животните препреки“, напиша Бјанка покрај фотографијата од нејзиниот болнички кревет.
Во јавноста речиси никогаш не ја симнува насмевката од лицето и покрај тешката животна борба, па деновиве беше фотографирана зад воланот на својот автомобил на улиците на Милано. Таа се насмевна и им мавна на папараците.
Минатата година таа ги покажа лузните од двојната мастектомија, на која беше подложена како превентивна мерка, откако откри дека има генетска предиспозиција за развој на рак на дојка и матка.
Манекенката од 2016 година е во брак со тренерот Метју Мекреј, со кој во 2015 година ја доби ќерката Миа. Таа има уште една ќерка, 16-годишната Матилде, со фотографот Кристијан Луциди, со кој беше во брак од 2006 до 2010 година.