Контакт

Забава

Најголемиот тепих од свежи лалиња во светот изложен во Истанбул

Објавено пред

Во рамките на тринаесеттиот по ред Фестивал на лалето кој секоја година во месецот април се одржува во Истанбул, на плоштадот Султанахмет, во историскиот дел на метрополата во кој се наоѓаат познатите историски знаменитости како Аја Софија и Сината џамија, Општината на градот го изложи најголемиот тепих од свежи лалиња во светот.

Тепихот има површина од 734 метри квадратни и е сочинет од 565 илјади разнобојни лалиња, целосно од домашно производство, и го красат мотиви од турското традиционално килимарство.  Бројката 565 ја симболизира годишнината од освојувањето на Истанбул од страна на Османлиите.

Актуелната влада на Турција последните години посветува особено внимание на ревитализација на лалето како значаен елемент во турско-исламската материјална и духовна култура и традиција, особено поради фактот што Турција е татковина на лалето според кое е именуван и цел еден период од османлиската историја од првата половина на 18 век, познат како Ера на лалето. Во склад со тој тренд годинава во Истанбул се засадени 30 милиони лалиња од 125 вида.

Тепихот од лалиња пред Ајасофија

Градоначалникот на Истанбул, Мевлут Ујсал, истакна дека Истанбул е татковина на лалето и дека тој во 18 век со своите 1.588 видови лалиња бил споменуван како „рај на лалето“. „Фестивалот кој го започнавме во 2005 г. со мотото ‘Лалето се враќа дома’ денес веќе го следи целиот свет“, рече тој. Гувернерот на градот, Васип Шахин, по овој повод истакна дека Турците може само да се задоволни што лалето е распространето низ целиот свет, но исто така тие имаат право повторно да го заживеат лалето во неговата татковина и да покажат дека тоа од неа се распространило во светот.

Тепихот од лалиња привлекува голем број домашни и странски туристи во Истанбул и ќе биде изложен до 30 април до кога ќе трае и самиот Фестивал на лалето.

Како било пренесено лалето во Холандија

Иако постојат различни мислења за тоа како и кога точно лалето било донесено во Европа, познат е податокот дека откривањето на лалето од страна на Европа се случило во втората половина на 16 век. Познато е дека тој што го однел лалето во Европа бил Огиер Гиселин де Бусбек (1522-1592), амбасадорот на Австро-унгарската империја во Истанбул од времето на Сулејман Величествениот, кој меѓу други растенија однел и повеќе главици лалиња во Европа.

Единствено не е познато дали лалињата му биле дадени на подарок или тој самиот ги земал од љубопитство. Бусбек бил седум години на должност во османлиската престолнина и во тој период го напишал делото „Турски писма“, еден од првите видови на жанрот патописни писма, кое и денес се смета за едно од најзначајните извори за животот на Истанбул од тој период. Освен тоа што бил амбасадор, Бусбек голем дел од своето време во Турција посветил и на истражување на нејзината флора, па така и лалето го привлекло неговото внимание. Главиците на растението ги дал на еден свој пријател ботаничар, кој подоцна ги претставил на Холанѓаните. Со време лалето привлекло големо внимание во Холандија и главиците на лалето еден период се продавале по астрономски цени. Лалето кое во 16 век од османлиската држава било пренесено во Европа, веќе во 18 век Османлиите почнуваат да го увезуваат од Холандија.

Поштенска кола со лалиња го напушта Истанбул 1960 г.

Во име на прославата на 400-годишнината од пренесувањето на лалето во Холандија, во 1959 г. Турција и Холандија приредуваат интересна церемонија. На 1 април 1960 г. една симболична поштенска кола во придружба од 5 камиона ги напушта ѕидините на Истанбул и се упатува кон Европа. Во текот на патувањето, кое траело 38 дена, запрежните коњи биле заменувани во различни центри од маршрутата која поминувала низ Грција, Југославија, Австрија и Германија.

Поштенската кола ги посетила Солун, Белград, Грац, Салцбург, Минхен, Франкфурт, Бон, Хаг и на крајот на 38. ден стигнала во Ротердам каде што била дочекана со голема свеченост приредена по повод 400-годишнината од турско-холандското пријателство.

Асуде Абдул Кочан



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава

Лоши навики кои ги „убиваат“ бубрезите

Објавено пред

Докажано е дека здравјето на бубрезите е од клучно значење за здравјето на коските, бидејќи бубрезите филтрираат токсини кои ги прават коските послаби со стареењето. Но, освен за здравјето на коските, бубрезите се клучни за целокупното здравје на луѓето.

Бубрезите се меѓу најважните органи во човечкиот организам, а некои од дневните навики, кои ни се чинат сосема банални, можат многу да им наштетат.

Не пиете доволно вода

Бубрезите, како и другите органи, имаат потреба од вода. Недостатокот на вода може да доведе до послаб проток на крв во бубрезите, што ќе ги спречи да ги исфрлаат штетните материи преку урината.

Јадете премногу сол

Со конзумирање премногу сол може да му се наштети на целиот организам, а не само на бубрезите. Сепак, поради тоа што најголемата количина сол оди во бубрезите, се случува тие да станат најизложени на таа нездрава навика. Преголемо количество на сол во телото ги активира бубрезите, што може да доведе до дехидрација и недостаток на вода во телото што е неопходно за правилно функционирање на целиот организам.

Премногу протеини

Протеините се неопходни за нашиот организам. Оние кои активно се занимаваат со спорт, односно оние кои активно работат на зголемување на мускулната маса, се особено запознаени со тоа. Сепак, претерувањето со протеини негативно ќе влијае на здравјето на бубрезите.

Премногу алкохол и цигари

Алкохолот и цигарите немаат корист за здравјето на луѓето. Тие се штетни за целиот организам, вклучувајќи ги и бубрезите. Може да доведат до слаб проток на крв во бубрезите, што може да го блокира исфрлањето на токсините од телото, за што се задолжени бубрезите.

Премногу кофеин

Иако конзумирањето кофеин има здравствени придобивки, треба да ја ограничите дозата на максимум 3 кафиња на ден за да го зачувате здравјето на бубрезите.

Прикажи повеќе...

Забава

Таткото на Меган Маркл: На нејзината прва свадба се делеше марихуана

Објавено пред

Таткото на Меган Маркл одлучи да реагира на написите во медиумите дека тој не бил на нејзината прва свадба. Томас Маркл не дојде во Лондон за да ја предаде ќерка си на принцот Хари, а војвотката, поради неговите чести испади во медиумите, ја прекина комуникацијата со него.

Томас повторно ја поткопа репутацијата на Меган во кралското семејство со нова изјава за деталите за нејзината свадба со Тревор Енгелсон во 2011 година.

„Бев на свадбата на мојата ќерка, но на фотографиите кои се објавени во медиумите ме нема, имаше многу млади луѓе и не сакав да се сликам премногу“, рекол Томас.

Меган Маркл со првиот сопруг

Новинарите го прашале дали на свадбата се конзумирала марихуана и тој одговорил дека на сите гости им биле дадени кесички со марихуана, бидејќи на Јамајка не само што е легална, туку е и дел од обичајот.

„Не пушев марихуана, мислам дека и мојата ќерка не го прави тоа, му ја дадов мојата кесика на еден од гостите“, рече Томас.

Тој и понатаму продолжува да се обидува да контактира со неговата ќерка која го избриша од нејзиниот живот. Постојано ѝ праќа писма и се обидува да ѝ се јави, но таа не одговара. Тој потврдил дека се обидел да дојде до Меган и преку неговата поранешна сопруга Дори, но и тоа не му успеало.

„Не знам што направив за ќерка ми да ме избрише од нејзиниот живот. Ниту сум се сликал гол во Лас Вегас ниту сум носел нацистичка униформа“, вели Томас алудирајќи на принцот Хари кој ги има направено и двете работи.

Прикажи повеќе...

Забава

Објавено контроверзно видео – момче и девојка тврдат дека имале секс на Кеопсовата пирамида

Објавено пред

Египетската полиција отвори истрага откако на социјалните мрежи се проширија фотографии и видеа од двојка од Данска на врвот на Кеопсовата пирамида во Гиза. Момчето и девојката тврдат дека наводно се искачиле на пирамидата и имале секс на врвот.

На објавеното видео се гледаат момче и девојка како се качуваат на врвот на пирамидата, а на крај има фотографија од нив двајца како лежат голи.

Археологот Захи Хавас за Ен-би-си изјавил дека видеото е 100 отсто монтажа и фотошоп. „Нема шанси да влезете во областа со пирамидите ноќно време. Покрај тоа, камењата што се гледаат на видеото не се камења на големата пирамида, многу се мали“, рекол тој.

Видеото го објави фотографот Андреас Хвид кој во неговото портфолио има бројни голи фотографии направени на покриви или кранови од кои се гледа панорама на градовите кои тој ги посетува.

Истражителите рекле дека прв чекор во истрагата е да се утврди дали снимките се веродостојни.

Прикажи повеќе...

Најново

Македонија7 часа

Мицкоски побара независно тело да ги анализира прислушуваните разговори на обвинителите

Претседателот на  ВМРО-ДПМНЕ, Христијан Мицкоски, на протестниот марш во Кочани упати барање до Владата да се формира независно тело кое...

Европа8 часа

На протестите во Франција околу 2.000 приведени

Речиси 2.000 лица се приведени вчера на протестите на „Жолтите елеци“ ширум Франција, соопшти Министерството за внатрешни прашања на Франција....

Македонија13 часа

Груевски еден месец е во бегство

Македонскиот азилант во Унгарија, експермиерот Никола Груевски еден месец е во бегство. Судскиот курир минатиот месец, поточно на 9 ноември...

Европа13 часа

Макрон се подготвува за значајна објава

Фрнацускиот претседател Емануел Макрон се подготвува на почетокот од следната недела да објави значајни работи, рекол владиниот портпарол по насилните...

Регион13 часа

Протести во Белград – „Стоп за крвавите кошули“

Протести под мотото „Стоп за крвавите кошули“ се одржаа вчера во Белград, на кои учесниците со протестен марш низ главниот...

Свет15 часа

Ердоган: Европа падна на испитот за демократија и човекови права

Ѕидовите на безбедност и суверенитет почнаа да се тресат, но не поради бегалците или муслиманите, туку ѕидовите ги тресат нивните...

Свет15 часа

(Видео) Трамп мисли дека „жолтите елеци“ во Франција го скандираат неговото име, но гледал погрешно видео

Американскиот претседател Доналд Трамп истакна дека климатскиот договор од Париз е виновен за масовните протести во Франција. Тој тврди дека...

Македонија1 ден

Мартин Протоѓер се спаси од кривичен прогон за „Талир“

Поранешниот шеф на кабинетот на експремиерот Никола Груевски, и ексгенерален секретар на ВМРО-ДПМНЕ, Мартин Протоѓер, се спаси од кривичен прогон...

Топ2 дена

Двајца загинати во сообраќајка на автопатот Скопје-Велес

Две лица загинаа во сообраќајна несреќа што се случила вчера на автопатот Скопје-Велес, кај селото Сопот. Според информациите на МВР,...

Македонија2 дена

(Видео) ВМРО-ДПМНЕ бара истрага за атентатот на Киро Глигоров

Државата мора да покаже интерес и да отвори истрага за атентатот над поранешниот претседател на Република Македонија, Киро Глигоров, изјави...

Забава2 дена

(Видео/аудио) НАСА ги сними првите звуци на Марс

Сондата „Инсајт“ која од минатата недела се наоѓа на Марс ги сними првите звуци од ветерот на Црвената планета. Аудио...

Европа2 дена

(Видео) Шест лица загинаа во стампедо на рап концерт во Италија

Шест лица, од кои пет малолетници, загинаа, додека 35 се повредени во стампедо што се случило доцна синоќа на концерт...

Регион2 дена

Харадинај испратил покани за церемонија за формирање војска на Косово

Владата на Косово ги презема последните подготовки за церемонијата за формирање војска, па така во име на премиерот Рамуш Харадинај...

Крвав четврток2 дена

СДСМ: Иванов потврди дека член на неговиот кабинет на 27 април бил во седиштето на ВМРО-ДПМНЕ

Судските постапки и доказите ќе одредат дали и кој е инволвиран во насилството за 27 април, а не Иванов, реагираат...

Европа2 дена

(Видео) Анегрет Крамп-Каренбауер избрана за наследничка на Ангела Меркел

Христијанско-демократската унија (ЦДУ) ја избра Анегрет Крамп-Каренбауер за наследничка на Ангела Меркел на чело на најголемата германска партија. Локалните медиуми...

Крвав четврток2 дена

(Видео) Иванов: УБК е жариште на сите кризи, немав намера да прогласам воена состојба

Како претседател на Република Македонија уште пред две години укажав дека УБК е главното жариште на генерирање на сите политички...

Крвав четврток2 дена

Eксдиректорот на УБК Владимир Атанасовски останува во притвор

Кривичниот совет на одделението за организиран криминал и корупција при Основниот суд Скопје 1 му ја одби жалбата на ексдиректорот...

Истражувања2 дена

Обвинителството бара меѓународна помош за расчистување на криминалот во „Фени“

За злоупотребите во „Фени“ повеќе од една година се поднесуваат кривични пријави, но резултати од пријавите нема. Над десет кривични...

Македонија2 дена

Филипче: Се прави план кои лица ќе добијат заштитни маски поради загадувањето

Министерот за здравство, Венко Филипче и Драган Ѓорѓев од Институтот за јавно здравје денеска одржаа прес-конференција на којашто ги посочија...

Македонија2 дена

Прибе два дена во Скопје се среќавал со судии и обвинители за да им каже дека треба да бидат транспарентни и одговорни

(архивска фотографија) Европскиот експерт Рајнхард Прибе од 5 до 7 декември бил во Скопје со група свои колеги по владеењето...

Досие