Забава
Најскапата куќа во светот: Има 40 спални соби, осум гаражи, тениско игралиште, сауна

Лондонската „Холм“ е најскапата куќа во светот која што во моментот е на продажба, пишува „Фајненшл тајмс“. Според нивните сознанија, се продава за неверојатни 300 милиони фунти.
„Холм“ е замок стар 205 години во Риџентс Парк, Лондон. На пазарот беше пуштена откако беше преземена од член на саудиското кралско семејство. Ако ја достигне бараната цена, ќе стане најскапиот имот што некогаш бил продаден во Обединетото Кралство.
London’s most valuable house is up for sale for £300 million.
The Holme, a mansion inside Regent's Park with four acres of land. pic.twitter.com/pj4HUt9ffp
— MTZ (@Tobeech) March 2, 2023
„Холм“ го симна од тронот трикатниот пентхаус во Њујоршкиот Централ парк, кој беше пуштен на пазарот во септември за 250 милиони долари.
Оваа лондонска палата е изградена од Џејмс Бартон уште во 1818 година. Прво, во палатата живеело неговото семејство, а потоа замокот се користел за колеџот Бедфорд. Таа стана приватна резиденција во 1980-тите.
Вилата има 40 спални соби и се простира на четири хектари парк во близина на срцето на Лондон. Покрај бројните соби, има осум гаражи, тениско игралиште, сауна, библиотека и голема трпезарија.
Поради нејзината фасада и големина, многу луѓе ја споредуваат оваа вила со Белата куќа во Вашингтон. „Холм“ го привлекува интересот на странските инвеститори, исто како и другите куќи во скапите лондонски области. Имено, 48 отсто од куќите во најскапите делови на Лондон во првите шест месеци од 2022 година биле продадени на меѓународни купувачи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) „Џон Вик: Поглавје 4“ доби најдобри рецензии во серијалот

Џон Вик се врати, а поранешниот убиец, кој го глуми Кијану Ривс, се чини дека се подобрува со годините, со неговото враќање во четвртиот дел, кој во сагата акциони трилери заработи најдобрите рецензии досега.
„Ротен томатос“, кој доделува оценки врз основа на ставовите на филмските критичари, му додели на „Поглавје 4“ прилично високи 95 %.
Вториот и третиот филм освоија 89 %, а оригиналот од 2014 година доби 86 %.
„Холивуд репортер“ објави дека „Поглавје 4“ ги надминува своите одлични претходници во речиси секој поглед.
Во филмот, кој излегува денес (24 март), Вик го гони глобалната криминална организација ‘Висока маса’.
Џеси Хасенџер од НМЕ го нарече „сеакционен блокбастер што навистина дава сè од себе“, а Шарлот О’Саливан од „Ивнинг стандард“ го опиша како неверојатно пријатен.
„’Џон Вик 4′ ќе биде огромен и, според мене, тој е најдобриот од сите во серијалот“, додаде таа.
Дејвид Фир од „Ролинг стоун“ напиша: „Никој не можеше да предвиди во 2014 година дека Вик ќе ги револуционизира американските акциони филмови нарекувајќи ја филмската сага неверојатно задоволство.
„Се етаблира како најдобар филмски серијал од оваа страна на Невозможна мисија,“ додаде тој.
Забава
Семејна драма кај Трампови поради аферата „Порноѕвезда“ – Иванка нема да го брани татка си

Поранешниот американски претседател Доналд Трамп и неговиот тим се задоволни од медиумското внимание што тој го доби поради можното апсење и поведување обвинение, но неговото семејство не е возбудено, особено неговата сопруга Меланија.
Според таблоидот „Пејџ сикс“, Меланија сака да биде подалеку од тоа и да го заштити својот син Барон, пишува „Њујорк пост“.
„Таа се однесува како сè да е нормално“, рекол изворот. Се додава и дека ќерката на Трамп, Иванка, и нејзиниот сопруг Џаред Кушнер исто така се воздржани по ова прашање.
„Тие стојат настрана. Мислам дека нема да видите како го бранат, нема да има коментари. Иванка изгуби многу пријатели и бројот на покани за социјални настани ѝ се намали додека Трамп беше претседател“, изјави неименуваниот извор.
Потенцијалното апсење и поведување обвинение на Трамп произлегуваат од тековната истрага на окружниот обвинител на Менхетн, Алвин Брег, за наводните замолчени пари исплатени на порноѕвездата Сторми Даниелс пред изборите во 2016 година.
Извор рече дека Трамп ужива да биде повторно во вестите и во центарот на вниманието и верува дека нашминканото обвинение ќе му помогне во неговата кампања.
Забава
Колин Фарел и Кели повеќе не се заедно

Колин Фарел наводно се разделил од својата девојка Кели Мекнамара, со која беше повеќе од пет години.
Актерот од „Духовите на островот“ (46) е во врска со Кели – лична асистентка на Д’Еџ, гитаристот на ирскиот рок-бенд U2 – од 2017 година, но парот веќе некое време не е виден заедно.
Во изјава за весникот „Сан“ извор близок до актерот открива дека работните распореди и презафатеноста создале клин меѓу нив: „Колин е човек на моментот во светот на филмот благодарение на својата улога во „Духовите на островот“ (The Banshees of Inisherin).
„Тој помина неколку месеци работејќи на овој филм заедно со последниот блокбастер ‘Бетмен’, каде што го глуми Пингвин.
„Распоредот на Колин влијаеше на врската со Кели и тие тивко ја прекинаа“. додава изворот.
„Нема лошо чувство меѓу нив, но, едноставно, тешко е да одржувате романтична врска кога вашиот работен распоред е толку напорен“.
Кога гостуваше во шоуто на Елен Деџенерис во 2017 година, холивудскиот актер рече дека нивните работни места ги оддалечуваат него и Кели: „Мојата девојка исто така многу патува поради работата, па често сме како два брода што се разминуваат во ноќта. Но, ние секогаш успеваме да најдеме пристаниште, во кое можеме да се сретнеме и да бидеме заедно“.
Инаку, некои од поранешните девојки на Колин се Линдзи Лохан, Анџелина Џоли, Кармен Електра и Бритни Спирс, а дамата Ајлин Аткинс славно откри дека Фарел ја побарал за жена во 2004 година кога имала 69 години.