Марк Волберг планира да се здебели најмалку 13 килограми во текот на следните шест недели.

49-годишниот актер откри дека се подготвува да натрупа килограми за новиот филм „Отец Сту“, во кој тој игра боксер кој станува свештеник.

Волберг, кој претходно го играше легендарниот боксер Мики Вард Ирецот во филмот The Fighter, објасни: „Откако ќе ги снимиме сцените со боксот, ќе треба поприлично да се здебелам во текот на филмот, барем 13 килограми.

„Тие сакаат да го сторам тоа што е можно поздраво, а јас веќе долго сум на таков режим, сакам да јадам сè што е на повидок.“

Марк, кој е познат по тоа што е фитнес фанатик, призна дека едвај чека да се препушти на јадење во наредните недели.

Кетрин Зета-Џонс е внимателна со нејзината исхрана за да изгледа добро како пред 30 години кога ја започна својата кариера.

51-годишната актерка, која ги има Дилан (20) и Керис (17) со нејзиниот сопруг Мајкл Даглас, вели дека не се занесува со слатки и дека „јаде само вистинска храна“ затоа што мора за да ја задржи фигурата.

„Мојот сон е да ждерам колачи и слатки кога ќе бидам навистина стара“, вели sвездата на „Зоро“ во интервју за „Волстрит журнал“.

„Кога навистина ќе остарам, ќе почнам да земам многу витамини затоа што сакам да можам да јадам десерт до крајот на мојот живот.“

„Јас всушност јадам вистинска храна само затоа сега морам да го правам тоа“, се пошегува таа.

Нокаут дама: Сирена во црвено бикини за ТВ-серијата Darling Buds од 1990-тите.

Музичарот Џо Џонас и неговата сопруга актерката Софи Тарнер со гордост им открија на следачите на Инстаграм дека се вакцинирале против Ковид-19.

Со фотографија на која двајцата ги покажуваат свежо вакцинираните раце со лепенки преку убодот, тие ги охрабрија своите фанови да се имунизираат што поскоро.

Софи (25) изгледа сериозна додека гледа кон камерата со подигната рака, а нејзиниот сопруг (31) се фали со своите мускули.

На двојката сега сигурно ќе ѝ олесни откако поминаа повеќе од 12 месеци во самоизолација избегнувајќи го вирусот заедно со нивната ќеркичка Вила, која се роди во јули минатата година.