Новиот потег на Кинезите може да го изнервира Трамп, тие тврдат дека е случајност

Работниците во фабрика во кинескиот град Зеџианг забрзано работат во пресрет на прославата на Годината на петелот, која започнува на 28 јануари, да ги исполнат нарачките на клиентите за големи балони на надувување во облик на петел, кој многу потсетува на новозибраниот американски претседател Доналд Трамп.

До сега се произведени 30 балони високи и до 20 метри, вели менаџерот во фабриката Ли Хаијан, тврдејќи дека сличноста на петелот со Трамп е сосем случајна и дека во никој случај не е намерна. Смета дека Кинезите ќе го поврзуваат исклучиво со хороскопскиоте знак.

Петелот на главата го има препознатливиот прамен, сличен на оној на Доналд Трамп, а со крилата дрско ја имитира позицијата на рацете типична за Трамп. Косата и стапалата на скулптурата се со златна боја.

Трамп должноста ќе ја преземе во јануари, една недела пред почетокот на лунарната нова година, кога Кинезите ќе го одбележат почетокот на Годината на петелот. /крај/ин/ст