Контакт

Hitech

Ново Peugeot е-208 – сега имате избор меѓу бензински, дизел или електричен мотор

Објавено пред

Peugeot брендот неуморно и прецизно ја следи својата амбиција, 100% од гамата да има своја електрична верзија. Оваа стратегија на Брендот им овозможува на потенцијалните клиенти да добијат избор повеќе при определување и дефинирање на своите потреби при купување на возило.

Како што најавуваат од Peugeot „иднината ќе биде се’, само здодевна не.“ Токму затоа компанијата Еуроимпекс, генерален узвоник за брендот Peugeot, ќе ги промовира на нашиот пазар сите модели на гамата со избор на 3 мотори. Бензин, дизел или електричен мотор.

Со ова им овозможуваат на своите клиенти да бидат чекор понапред и секогаш да целат кон иднината.

Во моментов модел кој може да понуди избор помеѓу 3 типови на мотори е новиот Peugeot 208, кој покрај многуте награди и признанија е воедно и добитник на најпрестижната награда „Автомобил на годината во Европа за 2020“, награда која гордо ја носи и докажано му прилега. Имено, Peugeot е единствениот бренд кој бил награден со 3 награди „Европски автомобил на годината“.

100% електричниот Peugeot 208 ја носи истата внатрешност и истиот надворешен изглед како и оној на внатрешно согорување, разликата е во надворешните детали кои го красат и онака возбудливиот дизајн. Деталите ќе ги забележите во решетката во боја на каросерија, ознаката „е“ која се наоѓа на страниците на возилото и логото на лавот кое се прелива во сина електрик боја во зависност од аголот.

Корисни информации за 100% електричниот 208:

Режими на возење и кочење

Новиот Peugeot е-208 нуди 3 режими на возење:
– Eco: оптимизирање на автономијата преку редуцирање на одредени опции,
– Normal: оптимален комфор за дневна употреба,
– Sport: користење на максималната моќност за максимално искуство при возењето (забрзување од 0 до 100km/h за 8,1 секунди)

И два режима на кочење кои овозможуваат надополнување на батеријата за време на успорувањето:
– Умерено: за многу слично чувство како моторното кочење кај мотор со внатрешно согорување,
– Зголемено: успорување контролирано преку педалата.

Батерија и полнење

Новиот Peugeot e-208 нуди уникатно и возбудливо искуство при возење со својот 100% електричен мотор, достапен од:
– 100 KW (136 КС) електричен мотор со 260 Nm (достапни од 0 km/h) за инстантнa ре-активност
– Тивок мотор, со 0 вибрации
– Технолошки приказ на централниот екран (приказ во реално време на патеката на возење).

Достапни се два вида на инвертори во возилото, за да одговараат на сите намени и сите решенија за полнење на клиентите, со еднофазен полнач од 7,4 kW како стандарден и опционален трофазен инвертор од 11 kW.

Начините за полнење се флексибилни и прилагодени на секоја дневна ситуација. Можни се неколку видови на полнење:

Стандарден полнач монофазен за домашна употреба (8А):31 час / со батерија од 50 kWh

47 часа / со батерија од 75kWh

Брз полнач монофазен за домашна употреба (16A):15 часа  / со батерија од 50 kWh

23 часа / со батерија од 75kWh

Ѕиден полнач монофазен од 7,4 kW7:30 часа / со батерија од 50 kWh

11:20 часа / со батерија од 75kWh и со еднофазен 7,4 kW инвертор.

Ѕиден полнач трофазен од 11 kW5 часа / со батерија од 50 kWh

7:30 часа/со батерија од 75kWh и со трофазен 11 kW инвертор.

Наменски јавен терминал30 мин./регулацијата на температурата на батеријата ви овозможува да користите полначи од 100 kW и да достигнете 80% полнење за (батерија од 50 kWh) или 45 мин. (75 kWh батерија).

Животниот век на батеријата кај Peugeot возила е со гаранција од 8 години или изминати 160.000 км, по чие изминување батеријата ќе има капацитет од 70%. За време на гаранцискиот период, Peugeot врши замена на батеријата, во случај да нема механичко оштетување на истата.

Автономија

Главни фактори кои можат да влијаат на автономијата:

1. Брзина
При константна брзина од 130km/h, автономијата на 100% електричното возило ќе биде двојно помала споредбено со пропишаното според WLTP.

2. Клима уред и греење:
Разликата во опсегот при користење на клима уред/греење може да варира дури и за 35% помеѓу различни годишни времиња. Климатизација (ладење/греење) додека возилото е вклучено на полнење, е еден од најефикасните начини да се зголеми автономијата во зима и лето.

3. Стил на возење, услови на патот и географски терен:
Еко-возењето е значително подобрено кај 100% електричните возила. Забрзувањето со беспрекорна динамика и рекуперативното кочење, можат да заштедат и до 15% од вашата автономија.

e-208 домет* во km

+5 % за умерено управување,

-10% за динамично управување

Многу ладно

(-10°C )

Ладно

(0°C )

Пролетно

(10°C)

Умерено

(20°C)

Топло

(30°C)

Во град (30km/h)205260300350280
Комбинирано  (50 km/h)250300330360315
На пат (80 km/h)252280295315290
Автопат  (110 km/h)195210215220210
На отворен пат (130km/h)160165170175170

Одржување

Нормални услови на користење:

Редовни интервенции

Сервис: почетни интервенции2.500 Km / 3 месеци
Сервис: редовни интервенцииСекои 15.000 Km/1 година

Дополнителни интервенции

Замена на филтерот во патничката кабинаСекои 15.000 Km / 1 година
Замена на течноста за сопирачкиСекои 2 години
Проверка на PH на течноста за ладење125.000 Km/4 години. Потоа на секои 25.000 Km / 2 години
Проверка на прилагодувањето на предните светла4 години. Потоа на секои 2 години

Редовните интервенции и сервисни услуги се сведени на минимум и подразбираат проверка на: предница, подвозје, течности, сигнализација, сопирачки, пневматици и притисок во пневматици, оптика на фарови, метлици…

Како што може да се забележи, современиот клиент би бил ослободен од сите останати трошоци кои нормално би ги имал доколку користи возило со мотор на внатрешно согорување.

Од брендот Peugeot потсетуваат на нивното мото „UNBORING THE FUTURE” кое што претставува силно ветување кон своите потенцијални клиенти и најавуваат возбудлива, забавна, безбедна и одговорна иднина, фокусирајќи се на следниве елементи: технологија, електрификација и автономија.

Овие елементи водат кон „моќта на изборот“ – можност која брендот Peugeot им ја дава на своите потенцијални клиенти. Можност да го изберат својот омилен мотор и при тоа да доживеат целосно различно искуство при возењето.

 

(ПР текст)

 

Hitech

(Видео) Јапонски телевизор за лижење: Со сликата доаѓа и вкус

Објавено пред

Јапонски професор развил прототип на ТВ-екран кој може да се лиже и кој може да имитира различни вкусови на храна, што наводно е уште еден чекор кон создавање мултисензорно искуство на гледање.

Уредот наречен „Taste the TV“ (TTTV) користи 10 канистри со различни вкусови кои во различни комбинации создаваат вкус на одредена храна. Примерокот на вкусот потоа се нанесува на површината на екранот за да може гледачот да го „вкуси“ јадењето претставено на телевизорот.

Во време на пандемија, овој тип на технологија може да го подобри начинот на кој луѓето се поврзуваат и комуницираат со надворешниот свет, вели Хомеј Мијашита, професор на Универзитетот Меиџи во Токио.

Мијашита вели дека направил прототип на TTTV во текот на минатата година и дека правењето комерцијална верзија би чинело околу 700 долари.

Потенцијалната употреба на оваа технологија би можела да биде за курсеви на далечина за готвачи и сомелиери, или за разни игри и квизови за дегустација, вели професорот.

Прикажи повеќе...

Hitech

(Видео) Legendary од Теохаров и Влатко Стефановски – звучна перфекција што го одбележа годинешниот аудиосаем во Загреб

Објавено пред

Теохаров аудио годинава која привршува ја заокружи со промоција на своето најново дело кое го конструираше во соработка со Влатко Стефановски.

Заедничката страст кон музиката и аудиопроизводи од висока класа на Теохаров и Стефановски се основата врз која се изгради пријателство и иницираше креативна идеја која жестоко целеше напред, кон реализација и триумф над сите ризици и неизвесности поради пандемијата.

Амбицијата стана реалност.

Бескомпромисниот инженеринг на Теохаров и бојата на звук на Стефановски се имплементираа во совршено елегантна форма која носи симболично име – Legendary!

Legendary ја имаше својата светска промовија на 17.10.2021 година во рамките на интернационалниот фестивал за аудио и видеоорема, Too Loud fest 2021 во Загреб.

Повеќе од 120 посетители од цела Европа, централниот дел на вториот кат од хотелот Double tree by Hilton го исполнија со воодушевувачка тишина, внимателно апсорбирајќи го секој кажан збор од промоторите.

Она што е најважно, и кое публиката трпеливо го очекуваше беа првите ноти кои ќе протечат низ ова легендарно ремек-дело. Под вештата рака на Стефановски, овој настап во живо ги долови сите нијанси на совршена звучна репродукција која ги освои сите присутни, но и оние кои промовијата ја следеа онлајн.

Legendary, во лимитирано издание од 15 парчиња, дефинитивно го одбележа овогодишното издание на фестивалот, оставајќи зад себе имперсии за кои долго ќе се говори.

За македонската публика, Legendary беше визуелно претставен во рамките на овогодишното издание на Skopje Jazz Festival, во Националната опера и балет.

Звучните перформанси на Legendary, за сите заинтересирани, ќе бидат претставувани со внимателно утврден индивидуален концепт за секој посетител поединечно.

Прикажи повеќе...

Hitech

Запознајте го Huawei nova 9 – динамичен и стилски паметен телефон

Објавено пред

Huawei Nova 9 e со екран од 6.57 инчи во дијагонала, 8GB RAM и 128GB простор комбиниран со ултра-тенко тело од 7.8mm, овој телефон може да го носите било каде, било кога и да изгледате модерно правејќи го истото.

Опремен со процесор кој е Upper Mid-Range класа, Snapdragon 778G (4G варијанта), сурфањето, фотографирањето, телефонирањето, користењето на Вашите омилени социјални апликации нема да има никаков проблем ниту кочења или прегревање доколку гледате YouTube подолго време за разлика од многу телефони од оваа класа.

Да зборуваме малку за фантастичниот екран. Станува збор за OLED панел кој нуди апсолутни црни и апсолутни бели бои (а со тоа заштедува батерија). Карактеристиките не застануваат тука – покрај длабоките црни бои и одличните агли на видливост, овој екран се освежува 120 пати во секунда притоа имајќи 1 милијарда бои (да, милијарда, наспроти стандардните кои имаат само 16 милиони бои – телефонот од кој ја читате рецензијава голема е веројатноста да има 16 милиони бои). Тоа отвара големи можности за да видите соддржина како никогаш досега – погледнете го само видеото Costa Rica in 4K на YouTube во 1440p HDR 60fps – каде ќе помислувате на моменти дека боите излегуваат од екран и ќе може да ги допрете и почувствувате со раката.

Ова се сведува и на игрите. Популарните игри како Call of Duty Mobile, PUBG:Mobile, Genshin Impact можат со нагодувања да достигнат и до 120fps, синхронизирајќи се со 120-те освежувања на екранот во секунда. Покрај убавите и реалните бои (благодарение на DCI-P3 палетата што ја поддржува), прецизноста во игрите е на големо ниво – благодарение на 300Hz Touch Sampling Rate. Во превод, екранот го регистрира движењето на Вашиот прст врз него 300 пати во секунда, овозможувајќи не само прецизни туку и брзи маневри додека ја играте омилената игра.

Што правиме со звучниците? Конкуренцијата е остра и доколку немаме добри звучници, тоа може да Ве одврати од истиот, поготово доколку гледате филмови на телефонот. Во ера на стерео звучници, Huawei Nova 9 не само што е во чекор со конкуренцијата, туку е и едно скалило над нив. Има долен звучник исполнет со солиден бас за големината, истакнати средни и доволно високи тонови. Покрај него, горниот звучник (кој служи за телефонирање) исто така служи и како секундарен звучник кој дава убав и исполнет стерео звук. Мора да го видите телефонот во живо, да пуштите видео за да го почувствувате тоа 😊 .

За тие кои што сакаат да користат слушалки, Huawei Nova 9, како и другите од истата класа, не нуди приклучок за слушалки. Но тоа го надополнува со нивната патентирана технологија – Huawei Histen, која го подобрува и го засилува звукот на Bluetooth слушалките. Дополнително, ако го пред-нарачате телефонот ги добивате одличните Freebuds 4, на кои може да ја искористите Histen технологијата и да си го најдете најубавиот звук, што и да слушате.

Какви се камерите? Со еден збор, фантастични. Проширено: нема да Ви треба никаков дополнителен уред за фотографирање или снимање. Huawei беше прв на пазарот кој нуди одлични слики ноќе без употреба на сталак или дополнителна опрема. Исто така, беше прв на пазарот кој понуди видео со силна стабилизација, широкоаголна камера, како и повеќе камери на задниот капак.

Nova 9, следејќи ја традицијата на Huawei, соддржи неколку камери, а тоа се:

1. 50 мегапикселна широкоаголна главна, со брз PDAF (автофокус кој детектира промена на фаза) која што може да снима 4K на 30fps или да направите креативни успорени видео снимки до максимално 960fps со резолуција од 720p.
2. 8 мегапикселна ултра-широкоаголна со цел да фатите многу во еден кадар без да се оддалечувате.
3. 2 мегапикселна длабочинска, која помага да се направат кристално јасни портрети.
4. 2 мегапикселна макро, која овозможува да се приближите до 1cm од тоа што сакате да го фотографирате.
5. Предна селфи камера со 32 мегапиксели, исто така широкоаголна која може да снима и до 4K на 30fps.

Сите камери имаат електронска стабилизација со помош на вградениот жироскоп, па така може да имате стабилни видеа дури и додека џогирате – како на предната камера, така и на задните.

Сликите што излегуваат од камерата се остри, со реални бои и многу детали. Ноќните се, како што кажавме, најдобри во класата. Било да сликате пејсаж или портрети, автоматската интелигенција на телефонот самата ќе ја одреди сцената и ќе ги прилагоди боите према тоа што го сликате. Вие се’ што треба да направите е да го притиснете копчето за сликање – оставете на телефонот да ја направи магијата зад сцените 😊 .

Huawei Nova 9 доаѓа со новиот екосистем Harmony OS 2.0 на Huawei кој доаѓа со сопствена App Gallery продавница за апликации која Ви нуди лесен пристап до апликациите што ги сакате. Екосистемот што го изгради Huawei – Harmony OS 2.0 овозможува непрекинато и лесно да ги користите нивните уреди. Тоа значи, доколку имате звучник, паметен часовник, Bluetooth слушалки од нив и секако смартфон – ќе може брзо и лесно да ги управувате од едно место сите тие уреди.

Заклучок, за кого е овој телефон?

За сите млади кои сакаат телефон кој ќе биде секојдневно со нив, за тие што сакаат да снимаат и да сликаат соддржини за социјалните мрежи, за оние кои сакаат убав екран за да гледаат многу видеа и батерија која ќе издржи цел ден со интензивно користење.

(ПР текст)

Прикажи повеќе...

Најново

Македонија12 минути

Плевнелиев: Не сакаме да ги внесеме Тито и Сталин во ЕУ

Северна Македонија не ги спроведе потребните реформи за почеток на преговори со Европската Унија. Македонските тајни служби се огранок на...

Топ16 минути

Момчето кое вчера беше прегазено на „Партизанска“ е отпуштено од болница, возачот се’ уште е во полиција

Возачот на возраст од 22-години кој управуваше со автомобилот „цитроен“, и натаму се наоѓа во полициска станица, каде е спроведен...

Топ1 час

Нова трагедија кај Струма: возач загина во сообраќајна несреќа со македонски камион

Возач на автомобил загина по сообраќајна несреќа што се случила со македонски камион на патот помеѓу Благоевград и граничниот премин...

Македонија2 часа

ВМРО-ДПМНЕ и натаму инсистира на предвремени избори, од СДСМ велат дека барањето е од пуста желба за власт

Опозициската ВМРО-ДПМНЕ и денеска порача дека е неопходно да се одржат предвремени парламентарни избори. Тие инсистираат на брзи избори, без...

Македонија2 часа

Снег и забрана за товарни возила на дел од патиштата

Утрово, поради обилни врнежи од снег, воведена е забрана за тешки товарни возила кај планинскиот премини Стража, патниот правец Деве...

Свет2 часа

Властите во Калифорнија предлагаат тинејџерите да се вакцинираат без согласност од родителите

Калифорнија треба да дозволи вакцинација на деца на возраст од 12 и повеќе години без согласност од родителите, предложи синоќа...

Македонија15 часа

Загина 24-годишна девојка – автомобил ја прегази на пешачки пред Сити мол

Загина 24-годишна девојка откако вечерва беше прегазена на пешачки премин во близина на Сити мол во Скопје. Девојката преминувала улица...

Економија16 часа

ЕСМ ќе управува со БЕГ заради континуирано обезбедување топлинска енергија

Владата донесе одлука за обезбедување дополнителни количини топлинска енергија во услови на кризна состојба во снабдувањето со топлинска енергија. „...

Свет17 часа

Бајден со нова закана кон Путин: Русија ќе плати висока цена

Американскиот претседател Бајден рече дека јасно му кажал на рускиот претседател Владимир Путин дека секое движење на руските воени сили...

Свет17 часа

Шведска ги менува препораките – лицата со слаби симптоми на настинка не мора ни да се тестираат

Под силен притисок од ширењето на омикрон и зголемениот број на заразени и здрави, но изолирани, кои почнаа да ги...

Македонија19 часа

Нови 13 починати и 1.172 новозаразени со Ковид-19

Министерството за здравство информира, согласно податоците од Институтот за јавно здравје дека во последните 24 часа: Направени се 4.021 тестови,...

Македонија21 час

(Видео) Катица Јанева сака лично да ги следи судењата во кои Камчев ѝ бара да му врати дел од милионот

Експецијалната јавна обвинителка, Катица Јанева, има желба и самата да присуствува на судењата против неа, Бојан Јовановски-Боки 13, Зоран Милески-Кичеец,...

Македонија22 часа

Камчев не сака Кичеец да му врати дел од милионот, парите ги бара од Јанева, Боки-13 и државата

Бизнисменот Орце Камчев нема да бара од Зоран Милевски-Кичеец, осуден во случајот „Рекет“, да му врати дел од 1,5 милион...

Свет22 часа

Си-ен-ен: Папата Бенедикт XVI знаел за злоупотребата на деца во Црквата

Папата Бенедикт Шеснаесетти знаел за свештеници што злоупотребиле деца додека тој бил надбискуп во Минхен од 1977 до 1981 година,...

Македонија23 часа

Бектеши: Нема да се намалува топлината на парното

Министерот за економија, Крешник Бектеши, тврди дека нема да се скратат часовите во кои скопјани ќе добиваат топлинска енергија. Од...

Македонија23 часа

Радев: Има позитивни сигнали од посетата на Кирил Петков во Скопје, но да не ги заборавиме главните прашања

Секој чекор што ја продлабочува нашата врска мора да биде поддржан, изјави бугарскиот претседател Румен Радев, прашан за посетата на...

Свет1 ден

Москва одговори на заканите на Бајден: Санкциите повеќе ќе ја погодат Америка отколку Русија

Забраната на руските банки да користат долари повеќе ќе ѝ нанесе удар на Америка отколку на Русија бидејќи големите светски сили,...

Свет1 ден

(Видео) Еколошка катастрофа во Перу – по ерупцијата во Тонга, дошло до силно излевање нафта

Властите во Перу соопштија дека излевањето нафта кај брегот на земјата предизвикало еколошка катастрофа. Имено, од рафинеријата „Ла Пампила“ протекоа...

Спорт1 ден

Ѓоковиќ ќе ја тужи Австралија за 3.800.000 евра

Најдобриот светски тенисер, Новак Ѓоковиќ, ќе ја тужи Владата на Австралија. Ѓоковиќ. во неделата, беше депортиран од Австралија. Федералниот суд...

Европа1 ден

Британскиот министер за здравство: 20.000 луѓе годишно умираат и од грип, па не ја затвораме земјата

Британија мора да научи да живее со Ковид-19 бидејќи болеста може да остане меѓу нас засекогаш, рече британскиот министер за...

Досие