Сопственик на куќа во Велика Британија поставил голем камен како стапица за возачите кои паркираат на неговиот премин. Видеото е објавено на ТикТок и за кратко време стана вирално.

На двете видеа се гледа како автомобилите се обидуваат да се свртат и да го заобиколат каменот, но на крајот удираат во него и си го оштетуваат возилото. Иако возачите ги оштетиле возилата на тој камен, интересно е што во коментарите под видеото луѓето ја изразуваат својата поддршка за ваквиот начин на справување со возачите кои паркираат на туѓо место.

„ Веднаш набавувам камен“, „Најдобар начин да не го оштетите вашиот автомобил е да избегнете паркирањето на туѓ приватен имот. Едноставно е“, „Кој им дал на овие луѓе возачка дозвола?“, „Ова е одлично“ , „Ги сакам овие видеа“, „ Би можел да го гледам ова цел ден“, се само дел од коментарите.

На социјалните мрежи се појавија два наводни лекарски извештаи од Србија и Хрватска, во кои се опишани повредите со кои се здобиле две млади момчиња кои завршиле во Ургентен центар.

Еден белграѓанец по име Вељко завршил во ургентен центар поради песна на Шабан Шаулиќ. Имено, како што пишува во извештајот причина за посетата на лекар е „песната поради која скршил шише од главата“. Тој наведува дека се удрил со шише по глава бидејќи го погодила песната „Дојди да остариме заедно“ од Шабан Шаулиќ“, и тоа стои во описот како дошло до повредата.

Еден загрепчанец, пак, завршил во ургентен центар поради јагнешка коска со која го повредил окото. Имено, додека јадел самиот случајно се удрил во левото око.

„Денеска за време на ручек го удрило парче јагнешка коска во пределот на левото око. Држел мраз околу 20 минути, видот му е заматен, го гребе и има болки. Негира какви било други тегоби. Негира каква било алергија на лекови“, се наведува во извештајот.

Набргу по објавувањето на двата медицински извештаи, корисниците на социјалните мрежи масовно почнаа да споделуваат фотографии, најчесто со опис „Ќе живее овој народ додека има јагниња и песни на Шабан“.

Пејачката Бритни Спирс, доживеала нервен слом во ресторан во Лос Анџелес во петокот вечерта, поради што дури и нејзиниот сопруг Сем Асгари го напуштил ресторанот.

Спирс била забележана во ресторан во Лос Анџелес каде вечерала со сопругот Сем Асгари. Ресторанот бил полн со посетители, кои веднаш ја препознале пејачката и почнале да ја снимаат. Штом забележала дека сите ја снимаат со телефоните, таа доживеала нервен слом.

Почнала да вика и зборува глупости, како што тврдат другите гости во ресторанот, не на друг јазик, туку со непрепознатлив говор. Нејзиниот сопруг поради тоа се изнервирал и истрчал од ресторанот. Набргу потоа телохранителот на пејачката ја извадил Бритни од ресторанот и се вратил да ја плати сметката.