Пејачот Енрике Иглесијас (43) извлече обожавателка од публиката на последниот концерт во Амстердам и се бакнуваше со неа на сцената. Фотографите го фатија моментот кога пејачот ја фати за задникот обожавателката облечена во фармерки со дезен на леопард.

Додека го пееше хитот Hero, тие првин се гушкаа, а потоа станаа уште поинтимни. Инаку, не е првпат пејачот да избере среќна обожавателка и да ја доведе на сцената за да ја бакне.

„Тоа не го правам секогаш, туку само кога сум расположен. Без јазик, се разбира“ – откри Енрике Иглесијас.

Освен што подготвува голем број концерти, пејачот го помининува слободното време грижејќи се за своите деца, близнаците Николас и Луси, кои ги доби со својата девојка Ана Курникова (36) минатата година. Не е познато што вели таа за неговите врели бакнежи на сцената.

Даниел Хeрнандез, во музичкиот свет познат со псевдонимот на Текаши 69, беше уапсен во неделата и се соочува со долгогодишна затворска казна.

Тој е обвинет за кривично дело рекетирање, поврзаност со криминалната група Najn trej blads, како и непријавени вооружени грабежи и поседување оружје.

Ако биде прогласен за виновен, тој може да добие минимална затворска казна од 32 години затвор, а максималната казна, доколку ја добие, би била доживотен затвор.

„Хернандез е член на многу насилна група. Тој учествувал во многу акти на насилство“, рече државниот правобранител Мајкл Лонгиер.

Адвокатот на Хернандез, Ленс Лазаро, понудил неговиот клиент да го предаде својот пасош и да биде префрлен во домашен притвор со кауција од 1 милион долари, но комисијата го отфрлила ваквото барање.

Покрај Хернандез, во неделата беа уапсени и неговите соработници, поранешниот менаџер Кифано Џордан, Фахим Волтер, Денсел Батлер и Џамел Џонс.

Како што изјавија официјални лица, апсењето е резултат на петгодишна федерална оперативна работа. Адвокатот на Хернандез изјави дека неговиот клиент бил дел од групата повеќе од една година и дека ги запознал другите осомничени на концерт и ги ангажирал како менаџери и чувари.

Хернандез минатата недела објави дека ќе ја прекине соработката со групата тврдејќи дека тие го краделе.

Лесно подгрбавен, со бавен чекор, со едната рака потпирајќи се на куферот, а со другата држејќи се за сопругата Лидија (50), хрватскиот пејач Мишо Ковач (77) не сакаше да го пропушти настапот во Франкфурт минатиот викенд и пееше пред 12.000 обожаватели.

На десетгодишниот јубилеј на дијаспората во германскиот град исто така се одѕва и легендата на хрватската естрада. Неколкупати за време на неговата изведба тој мораше да се одмори, но не сакаше да ја разочара публиката.

„Кога публиката ќе почне да реагира, чувството не се опишува, така што никогаш не треба да ги разочарате. Важно е да допрете до човекот, а јас сè уште успевам во тоа, без оглед на возраста“, рече Мишо.

Пејачот од Шибеник ќе има концерт во сплитската арена „Спаладиум“ на 22 декември и подготвува нов албум. Дури и по шест децении од неговата кариера, не му е тешко да работи. Тој додава дека хитот не го прави тој, туку го избира публиката. Признава дека многу му помага сопругата Лидија, која ја запозна на својот концерт во Загреб во 1998 година.