Кралицата Елизабета Втора минатиот четврток му оддаде почит на својот покоен сопруг, принцот Филип, на денот кога тој требаше да го прослави својот 100-ти роденден, 10 јуни.

Во чест на поводот кралицата доби роза што го носи неговото име.

Цветот наречен „Војводата од Единбург“ беше подарок од кралското хортикултурно друштво, чија заштитничка е кралицата. „Сакаме да му оддадеме чест за сите чудесни работи што тој ги правеше во текот на својот живот“, рече претседателот на кралското хортикултурно друштво.

Цветот е опишан како „роза со длабоко розова боја испреплетена со бели линии и нежен мирис“.

Додека кралицата набљудувала, цветот бил засаден во East Terrace Garden во нејзиниот дом во замокот Виндзор, каде што престојува по избувнувањето на пандемијата.

По обидот да ја донесе кожата од печурки во своите редови и работата со одржливи производи, „Хермес“ се појави со уште една иновација, со што потрагата по одржлива мода ја подигна на ново ниво.

На својата официјална страница на „Инстаграм“, „Хермес“ објави неочекувана линија чанти „биркин“ направени од вистински зеленчук.

Во моментот на страницата се објавени три модели од разни зеленчуци, кои ја реинтерпретираат култната чанта преку креативни аранжмани од аспарагус, зелка и краставици.

Сите „биркинки“ од зеленчук ги направи уметникот Бен Дензер.

„Хермес“ ги објави трите чанти одделно придружувајќи ги со натпис: „Уживајте во заобиколен пат затоа што класичните хермес-чанти инспирираат уметност толку многу што можете да ги јадете“.

Иако станува збор само за креативен ангажман, овие чанти предизвикаа голем интерес на интернет.

Анџелина Џоли беше фотографирана во Њујорк додека ужива во продолжено патување на источниот брег, каде што ги посети музеите, рестораните и станот на нејзиниот поранешен сопруг Џони Ли Милер.

Актерката (46) се пофали со нова тетоважа на левата рака кога излегуваше од хотелот „Карлајл“ на горната источна страна на Менхетен.

Таблоидите шпекулираат дека Џоли тетоважата ја направила неодамна, среде долгата судска битка за целосно старателство над децата од бракот со Бред Пит.

Тетоважата гласи eppur si muove, која е на италијански и во превод значи „сепак се движи“.

Цитатот е од италијанскиот физичар, математичар и астроном Галилео Галилеј. „Земјата се движи и не е центар на универзумот“, рече тој пред инквизиторите како да сакал да каже дека можеби ја добиле оваа битка, но на крајот вистината ќе победи.