Забава
Помошникот режисер кој на Болдвин му го даде пиштолот го прекина молкот
Асистентот на режиja кој му даде пиштол со боева муниција на Алек Болдвин ги даде своите први коментари за пукањето на сет во кој настрада снимателката Халина Хачинс.
Дејв Холс, во изјава за „Њујорк пост“ во понеделникот, не се осврна на деталите на инцидентот, но рече дека е шокиран и тажен поради смртта на Хачинс.
На 21 октомври Болдвин вежбал сцена за филмот кога испукал оружје за кое му било кажано дека не е наполнето. Проектилот ја погоди и ја уби снимателката.
Според судските документи, Холс му рекол на Болдвин дека пиштолот е „ладен“, односно безбеден, кога тој му го дал на пробата на нискобуџетниот вестерн.
Холс им кажал на истражителите на канцеларијата на шерифот на Санта Фе дека не го проверил темелно пиштолот пред да му го даде на Болдвин.
Властите во Санта Фе го истражуваат инцидентот со цел да откријат како и зошто пиштол-реквизит бил наполнет со жив куршум и не ја отфрлаат можноста за кривична пријава.
„Халина Хачинс не беше само една од најталентираните луѓе со кои сум работел, туку и пријателка“, изјави Холс за весникот.
„Шокиран сум и тажен поради нејзината смрт“, додаде тој. „Се надевам дека оваа трагедија ќе ја поттикне индустријата да ги преиспита своите вредности и практики за да се осигура дека никој повеќе нема да биде повреден во текот на креативниот процес.“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Бијонсе ја покажа природната коса: Погрешно е мислењето дека луѓето кои носат перики немаат долга и здрава коса
Најголемата музичка ѕвезда на денешницата, Бијонсе, за прв пат во кариерата ја покажа целосно природната коса, се со цел да ја промовира својата нова линија на производи за коса која ја нарече „Cécred“.
Бијонсе често носи перики и навистина ретко ја покажува својата природна коса, но во видеото кое го објави на Инстаграм го покажа целиот процес од фризерскиот салон.
„Погрешно е мислењето дека луѓето кои носат перики немаат долга и здрава коса“, изјави поп дивата и објасни дека косата ја суши на средна температура и се труди што повеќе да ја спаси од топол воздух. Таа користи четка од стар стил за да ја исправи косата, ја фарба и не користи третмани како минивал и слично.
„Ја чувам мојата природна коса русокоса веќе 25 години и тоа одигра голема улога во идејата за лансирање на овие производи“, објасни Бијонсе.
Нејзиното видео за 24 часа е прегледано два милиони пати.
Забава
Џенифер Лопез за првпат во сосема „обично“ издание
Џенифер Лопез (54) носи беспрекорни фустани на јавната сцена и ја нарекуваат кралица на стилот, а често ги раздвижува модните трендови, па дури и знае совршено да носи необични комбинации.
Нејзиниот фантастичен изглед во шестата деценија се должи на нејзината посветеност на спортот и здравиот начин на живот. Познато е дека латино дивата секој ден оди во теретана и дека цел живот напорно тренира, како и дека папараците будно ја следат, па често ја фаќаат во тренерки и патики кога оди на тренинг.
Меѓутоа, додека ја напуштала луксузната зграда во Њујорк, таа изгледала речиси непрепознатливо, без шминка и со мокра коса. Се качила во луксузен автомобил, а се претпоставува дека одела на адресата каде што ја чекале нејзиниот долгогодишен тим експерти – шминкери, фризери и стилисти , за да може да блесне во изданието на кое сме навикнати од оваа голема ѕвезда.
Забава
Ќерката на познатата актерка блесна во фустанот што го носеше нејзината мајка пред 25 години
Наследничката на славната двојка го прослави својот роденден во она во што порано блескаше нејзината мајка Кетрин Зета Џонс.
Ќерката на познатата актерска двојка Кетрин Зета Џонс и Мајкл Даглас пред неколку дена го прослави својот 21 роденден, а за таа прилика облече прекрасен фустан кој нејзината мајка го носеше дури пред 25 години.
Дека јаболкото не паѓа далеку од дрвото и дека некои парчиња облека се вечни, без разлика на модните трендови, покажала младата и убава Керис Зита Даглас, која не била ни родена кога нејзината мајка ја носела оваа креација од свила и тантела.