Најпопуларното детско и тинејџерско шоу „Дајте музика“ ќе одржи голем спектакуларен концерт на 27-ми мај, на стадионот на АРМ во Скопје, во организација на „Авалон Продукција“.

Публиката ќе може во живо да ги слушне сите нивни огромни хитови од популарниот серијал, како и нов материјал, а концертот ќе биде збогатен и со специјални гости кои се чуваат како изненадување до самиот настан.

На денешната прес конференција, првиот човек на Авалон Продукција, Бобан Милошески истакна дека интересот за овој настан е навистина огромен уште од првата најава за концертот и дека влезниците се трошат навистина многу брзо. Додаде дека проектот е навистина многу сериозен и дека се работи со апсолутна љубов.

„Да бидеме реални, Македонија во својата независност, а и пред тоа, од областа на ентертејнментот има изградено многу малку сериозни брендови. „Дајте музика“ како бренд е институција на свој начин и поради тоа мене ми претставуваше особено задоволство да влеземе во овој проект, да го обликуваме, да се обидеме да го дигнеме на едно концертно ниво и навистина ми е големо задоволство што ќе го организираме и не го делам овој проект од останатите светски проекти. Ова за мене е светски проект“, изјави Милошески.

Според него, концертот на „Дајте музика“ ќе биде од секој аспект организиран беспрекорно, а со оглед на тоа дека настанот е наменет за детската популација, најмногу ќе се внимава и на безбедноста на децата.

Цаци Паковска, продуцентка на проектот „Дајте музика“ рече дека децата се идоли на новите генерации и убаво е што македонската младина се идентификува со нив, а не со странски изведувачи.

„Свесни сме дека тие се промотори на добрите вредности, но и дека се главните промотори на македонската музика кај младите генерации. Поради големиот интерес, решивме „Дајте музика“ да се претстави со сериозно осмислен и организиран концерт во живо, на кој децата, а и родителите ќе имаат можност да уживаат и да се забавуваат“, истакна Паковска.

На големо задоволство на новинарите, на прес конференцијата беа присутни и главните ѕвезди на концертот Миха Гигов, Кристина Мукаетова, Филип Поповски и Анастасија Џабирска. Тие на новинарите им открија дека подготовките за претстојниот концерт на 27-ми мај течат со полна брзина и во најдобар ред.

„Овој концерт за нас е огромен предизвик и се разбира голема чест. Енергијата на големата сцена на јуниорската Евровизија сакаме да ја доживеат и децата во Македонија, и затоа ви ветуваме незаборавно искуство. Ќе пееме во живо, секојдневно имаме часови по пеење, а подготвуваме и бомбастични кореографии. Ветуваме дека овој концерт ќе биде едно незаборавно искуство“, рекоа ѕвездите на концертот.

Тие ги поканија сите нивни обожаватели да дојдат на 27-ми мај на стадионот на АРМ во Скопје, а посебна покана и билети испратија и до децата од СОС Детско село.

Генерален спонзор на концертот на „Дајте музика“ е Бекутан, а покровител е „Вива сокови“.

Влезниците се` уште се достапни за купување на сите продажни места во мрежата на Авалон низ Македонија, на плоштадот „Македонија“ и онлајн на www.avalon.mk , и тоа по цени од 400 денари за партер и 600 денари за фан пит.

(ПР текст)

Сара Џесика Паркер, ѕвездата и продуцентка на новата сезона на „Сексот и градот“, „И едноставно така“, не разговарала со долгогодишниот колега од оригиналната серија Крис Нот откако се појавија обвинувања против него за наводен сексуален напад.

„Не знам ни дали сум подготвена да зборувам за тоа“, изјави 57-годишната актерка, во разговор со „Холивуд репортер“ во вторникот.

„Но, не мислам дека не реагирав на скандалот како продуцент.”

Нот го портретираше сопругот на Кери Бредшо – финансиерот Џон Џејмс Престон или мистер Биг – во сите шест сезони на „Сексот и градот“, двата филма  со ист наслов, и во новото поглавје „И едноставно така“ (And Just Like That) на „ХБО макс“.

На 16 декември Крис ги отфрли обвинувањата за сексуален напад над двете жени и беше дециден дека станува збор за консензуални средби во далечно минато.

Набргу потоа, уште две жени се појавија со слични тврдења за Нот, кој веднаш беше исфрлен од Агенцијата за уметници А3, а ликот кој го глумеше во „Праведник“ (‘The Equalizer), серија на Си-би-ес, беше елиминиран.

Сара Џесика Паркер не мораше да го отпушти Крис Нот, бидејќи неговиот лик – мистер Биг – починува од срцев удар уште во првата епизода на серијата.

Три млади актерки го обвинија холивудскиот режисер Кери Фукунага дека е сексуален предатор кој им предизвикал страв.

Рејчел Винберг (23) тврди дека Фукунага (44), режисерот на најновиот филм од серијалот за Џејмс Бонд, „Не е време за умирање“, почнал да врши притисок над неа за романтична врска пред пет години, веднаш откако наполнила 18 години и дека врската со него ѝпредизвикала  синдром на посттрауматски стрес.

Тие се запознале за време на снимање реклама што тој ја режирал. Двојката започнала консензуална врска која вклучувала и сексуални односи, откако Рејчел станала полнолетна.

„Поминав години плашејќи се од него. Пазете се жени!“, напиша таа на својата инстаграм-страница, додавајќи дека по врската со Фукинага таа била трауматизирана до таа мера што ѝ било дијагностицирано посттрауматско стресно растројство (ПТСН).

Рејчел сподели фотографии на кои е со режисерот и напиша: „Во повеќе наврати се обидов да стапам во контакт со него за да му кажам како ме натера да се чувствувам, но никогаш не презеде одговорност. Тој всушност ме избриша“.

Актерките близначки Хана и Кејлин Лоеш, исто така, го обвинија за сексуално вознемирување. Во објава на Твитер, тие тврдат дека се дружеле со Фукунага во 2018 година, кога имале 20 години, но наводно, прекинале кога им кажал дека сака тројка во хидромасажна када во нивната куќа во Пенсилванија.

Наводите доаѓаат откако Фукунага објави сторија на неговата инстаграм- страница во која ја изјавува својата поддршка за правата на жените, во врска со документот што протече неодамна, а кој открива дека Врховниот суд на САД е на пат да го поништи случајот „Рое против Вејд“, пресуда со која се легализира абортусот во Америка.

Тој напиша: „Врховниот суд ќе нè турне чекор поблиску до војна со самите себе… легитимизирајќи ја војната против правата на жените“.