Само неколку дена откако Силвестер Сталоне потврди дека нема да се појави во претстојниот „Крид 3“, режисерот и главен лик во филмот Мајкл Б. Џордан откри зошто.

Минатиот месец беше потврдено дека 31-годишниот Џордан не само што ќе се врати како Адонис Крид, туку и ќе го направи своето режисерско деби со продолжението.

Сталоне (74) во коментар на Инстаграм минатата недела напиша дека филмот ќе се снима, но тој нема да глуми во него. Ваквиот коментар дојде по интервјуто на Џордан за IGN за неговиот нов филм за „Амазон“, Without Remorse.

„Ние сакаме да се фокусираме на Адонис и семејството што тој го создаде. Се надевам дека ќе ви се допадне новата сторија во продолжението кое го подготвуваме. Мислам дека ќе биде нешто посебно “, рече Џордан во врска со одлуката на Сталоне да не се појави во филмот.

Веста не е изненадување, бидејќи Сталоне кон крајот на ноември 2018 година, веднаш по премиерата на „Крид 2“ рече дека ќе го пензионира ликот Роки Балбоа, менторот на Адонис.

По веста за смртта на принцот Филип, војводата од Единбург, светските медиуми објавија многу фотографии и стории низ годините.

Принцот Филип, сопруг на кралицата Елизабета, почина во замокот Виндзор во петокот на 99-годишна возраст.

Една фотографија, широко споделена изминатиов викенд, го покажува војводата од Единбург додека чекори со принцот Хари, принцот Вилијам, нивниот татко принцот Чарлс и нивниот вујко Ерл Спенсер на погребот на принцезата Дијана.

Принцезата Дијана загина во сообраќајна несреќа во Париз во август 1997 година. Во тоа време, принцот Вилијам имаше 15 години, а принцот Хари 12 години.

Некои медиуми објавија дека одлуката да им се дозволи на принцовите Вилијам и Хари да го придружуваат нејзиниот ковчег од палатата Кенсингтон до опатијата во Вестминстер во тоа време била контроверзна.

Принцот Вилијам во документарниот филм Diana: 7 Days That Shook the Windsors (2017) рече дека тоа било одлука на семејството.

„Тоа не беше лесна одлука и тоа беше еден вид колективна одлука на семејството да го сториме тоа … постои таа рамнотежа помеѓу должноста и семејството и тоа е она што моравме да го направиме“, рече тој, како што наведува „Би-би-си“.

„Ивнинг стандард“ објави дека принцот Филип бил загрижен за своите внуци и бил многу отворен во тоа време во врска со улогата во погребната поворка.

Поранешен шеф на владината канцеларија за односи со јавноста изјави за „Ивнинг стандард“дека вечерта пред погребот, принцот Филип им рекол на своите внуци: „Ќе чекорам со вас“.

Момчињата одеа зад ковчегот со нивниот татко, принцот Чарлс, и нивниот вујко Ерл Спенсер, а со нив беше и нивниот дедо принцот Филип.

Фиби Диневор, Пријанка Чопра и Ник Џонас беа меѓу првите што пристигнаа на црвениот тепих на најголемата вечер во британскиот филмски календар, наградите БАФТА.

Поради Ковид-19, победниците и номинираните не присуствуваа лично во „Ројал Алберт Хол“, тие се појавија виртуелно. Но, голем број sвезди дојдоа во лондонската концертна сала, местото каде што се објавуваа победниците.

Фиби Диневор, sвездата на најгледаната серија на „Нетфликс“, „Бриџертон“, донесе гламур на црвениот тепих во елегантен црн фустан на едно рамо.

Пријанка Чопра Џонас и нејзиниот сопруг Ник Џонас застанаа да се бакнат на црвениот тепих.

Рене Зелвегер се појави на екранот додека позира на виртуелен црвен тепих од Лос Анџелес.