Забава
„Проклетството на серијата ‘Беверли Хилс’“: двајца од најомилените ликови починаа прерано, а другите ги снајде ужасна судбина
Веста за смртта на актерката Шенон Доерти, која ја загуби битката со ракот на 53 години, ги растажи фановите на култната серија од деведесеттите, „Беверли Хилс“. Шенон минатата година изјави дека подготвила сѐ за својот погреб и дека веќе се поздравила со пријателите и со мајка си, но сепак до самиот крај се надевала дека ќе ѝ биде подобро.

Социјалните мрежи беа преплавени со фотографии од омилената ТВ-двојка Бренда и Дилан, кои ги играа Шенон Доаерти и Лук Пери. Покрај нивните заеднички фотографии, фановите напишаа дека тие двајца, конечно, се повторно заедно, а ретко кој ја забележа морничавата и тажна случајност на судбината.
Многумина се сетија на наводното проклетство на серијата „Беверли Хилс“ за која се зборува со години, особено кога почнаа да се појавуваат несреќи во животот на главните актери.
Смртта на Лук Пери

Со улогата на Дилан Мекеј, Пери стекна голема популарност кај женската публика, а неговиот лик стана феномен на поп-културата, исто како и неговите колеги од серијата.
„Беверли Хилс 90210“, освен слава и популарност, му донесе улоги во многубројни други проекти, како „Бафи, убиецот на вампири“, „Петтиот елемент“, „Оз“ и „Ривердејл“. Во времето кога почина, тој доживуваше телевизиска ренесанса на својата кариера со „Ривердејл“, како и улога во хит-филмот на Квентин Тарантино, Once Upon a Time.
Неговото семејство ја потврди смртта неколку дена откога тој доживеа мозочен удар, беше хоспитализиран и помина неколку дена во кома. Со него во последните моменти беа и неговата свршеница Венди Медисон Бауер, како и децата Џек и Софи. По неговата прерана смрт, продуцентите на „Ривердејл“ изјавија дека Лук бил „татковска фигура и ментор на младите актери, дарежлив и полн со љубов и добрина кон сите“.
Шенон и нејзината битка со ракот на дојката

Шенон Доерти со години се бореше со ракот на дојката, кој ѝ се врати во 2019 година во четвртата терминална фаза.
„Не сакам да се однесувам како да умирам, не сакам да ги пречкртам работите од списокот со обврски затоа што сакам да се борам и да останам жива. Луѓето често се сметаат за отпишани кога ќе добијат дијагноза на рак во четврта фаза, како да се разбира дека не се способни за работа, но тоа не е точно. Посакувам луѓето да престанат да прават претпоставки и да ни дадат шанса да им докажеме дека грешат“, рече Шенон во претходното интервју.
Неколку години подоцна, поточно во 2022 година, таа изјави дека веќе подготвила облека за својот погреб. Сепак, таа до самиот крај се бореше да ја победи опасната болест.
Тори Спелинг – љубовен и финансиски колапс
View this post on Instagram
Шенон и Лук секако ги имаа најтешките судбини, а остатокот од актерската екипа се соочи со финансиски тешкотии и конфликти со законот, повеќекратни разводи, битки за старателство и сериозни сообраќајни несреќи, како и здравствени проблеми.
Тори Спелинг имаше големи финансиски проблеми, иако пораснала богато и по смртта на својот татко (Арон Спелинг) доби наследство. Заедно со сопругот Дин Мекдермот, со кој имала афера додека сè уште била во брак со првиот сопруг, паднала во огромни долгови, кои траат откога се венчале.
Таа е во брак со Дин од 2006 година, а неодамна открија дека се разведуваат по многубројни турбуленции и пет деца.
Во 2013 година Дин бил фатен во прељубничка афера, но Тори сепак одлучила да останат заедно. Потоа тој побарал помош во клиника за зависност од секс.
Зависноста од алкохол на Џејсон
View this post on Instagram
Џејсон Престли, кој го играше братот на Шенон Доерти во серијата „Беверли Хилс 90210“, имаше проблеми со алкохолот за време на серијата.
Џени долго ги криеше здравствените проблеми, Брајан го остави сопругата
View this post on Instagram
Џени Грат, популарната Кели од серијата, имаше здравствени проблеми, кои долго време ги криеше од јавноста. Немаше многу среќа во љубовта, па помина низ два развода, а моментно е во третиот брак со Дејв Абрамс за кого се омажи во 2015 година.

Брајан Остин Грин имаше проблеми со старателството над својот син по раскинувањето со Ванеса Марсил. Во бракот со актерката Меган Фокс има три деца, а иако се разделија во 2015 година, на крајот на истата година се смирија. Парот, конечно, се раздели во 2019 година, а во моментот и двајцата се во нови врски.
Јан Зиринг немал најсреќен љубовен живот. Зад себе има два пропаднати брака, а од втората сопруга Ерин Лдувих се разведе во 2019 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Фото) Најзгодната Британка никогаш не била толку секси
Ѕвездата од ријалити шоуата, Маура Хигинс, се појави на престижниот настан „Women of the Year“, кој традиционално секоја година собира голем број познати убавици.
Како и обично, Маура се погрижи сите очи да бидат вперени во неа, а најзаслужна за тоа беше нејзината провокативна облека. Исто како и на нејзиното претходно јавно појавување, ријалити убавицата ги оправда очекувањата.

Црниот вечерен фустан со проѕирни делови, така што само градите ѝ беа покриени со свила, остави магичен впечаток кај сите. Таа маестрално и самоуверено ја истакна својата завидна фигура за собраните фотографи.

„Најзгодната Британка“, како што популарно ја нарекуваат, не сакаше да претерува со деталите и да „уништи“ сè што постигна со фустанот, па затоа не носеше впечатлив накит или впечатлива шминка. Ја собра косата во пунџа и остави прамен од едната страна.

Целата убавина и раскош на заводливата Маура дојдоа до израз, и иако беше многу провокативна, ја задржа својата смиреност и ги освои сите со својата елеганција.
фото: принтскрин
Забава
(Видео) Северина се сплетка и падна: скокаше на концерт во високи потпетици, а потоа го бакна подот
На социјалните мрежи почна да кружи видео од концерт на Северина, која во еден момент падна на сцената.
За време на изведбата на песната, Северина скокаше и трчаше по сцената во штикли, а во еден момент се сопна и падна на глава.
„Опа“, извика момчето што го сними падот на пејачката.
Таа продолжи да лежи на грб со раширени раце некое време, а потоа стана и продолжи да пее.
фото: принтскрин
Забава
(Фото) Кралици на издржливоста: растенија кои успеваат дури и ако заборавите на нив
Ако сте еден од оние кои искрено ја сакаат идејата за зеленило во својот дом, но секое растение на крајот пропаѓа, проблемот можеби не е во вас, туку во погрешниот избор.
Кактусите и сукулентите често се сметаат за најбезбеден избор, но тие всушност бараат повеќе светлина и соодветна грижа отколку што мислите. За среќа, постојат голем број растенија кои се поотпорни, лесни за одржување и изгледаат уредно и декоративно.
Што всушност значи „издржливо растение“?
Издржливо растение не е она што можете да го заборавите со месеци, туку она што добро толерира помалку од идеални услови: послаба светлина, повремено прескокнување на наводнување и промени на температурата. Ваквите растенија се идеални за зафатени, често отсутни или едноставно заборавени сопственици кои сепак сакаат нивниот дом да изгледа живо.

Сансевиерија
Сансевиеријата не бара многу. Толерира сув воздух, ретко наводнување и потемни простори. Идеална е за станови каде што нема многу природна светлина. Освен што изгледа елегантно, го прочистува воздухот и е речиси невозможно да се уништи.

Растение пајак
Растението пајак е едно од најблагодарните собни растенија. Толерира различни услови, брзо се шири и лесно се обновува, дури и по долготрајно занемарување. Треба да се полева само еднаш неделно, а листовите повремено да се бришат. Исто така, добро се снаоѓа и во висечки саксии, што го прави естетски интересна опција.

Потос
Потосот е растение кое успева речиси насекаде. Не му пречи вештачката светлина, па затоа е чест избор за канцеларии. Лесно се размножува и брзо расте, а треба да се полева само еднаш на секои две недели.
Единствената претпазливост: држете ја подалеку од домашни миленици.

Замија
Замијата е исклучително отпорна и може да издржи и суви простори и заборавеност. Не бара речиси никакво внимание: доволно е да се полева еднаш месечно. Листовите се темнозелени и сјајни, што го прави просторот веднаш да изгледа поуреден и посвеж. Често ја избираат луѓе кои сакаат зеленило без обврска.

Аспидистра
Аспидистра, честопати наречена „железно растение“, со години има репутација како едно од најотпорните собни растенија.
Може да расте во агли каде што другите растенија не напредуваат, а толерира и слаба светлина, сув воздух и нередовно наводнување. Идеално е за постари станови или канцеларии со вештачка светлина.
Како да изберете растение кое одговара на вашиот ритам?
Пред да купите, земете ја предвид светлината, температурата и вашите сопствени навики. Ако патувате многу, изберете растенија кои толерираат суша (замија, сансевиерија).
Ако сакате нешто што лесно се размножува и брзо создава ефект на „зелен агол“, изберете го растението пајак или потос. А ако барате растение за темен агол од собата, аспидистра е безбеден избор.
фото: принтскрин

