Одлуката на Адел да го одложи престојот и настапите во Лас Вегас била најлошиот момент во целата нејзина кариера.

Поп-ѕвездата требаше да започне серија концерти во Син Сити уште во јануари, но таа откажа во последен момент, со објаснување дека пандемијата ја спречила да го организира престојот – а сега откри дека кризата направила да се чувствува девастирана и засрамена.

Во интервју за британски „Ел“ таа рече: „Тоа беше најлошиот момент во мојата кариера, убедливо најлош. Бев толку возбудена поради закажаните настапи. Беше разочарувачки што морав да ги откажам“.

Поп-дивата објасни што тргнало наопаку, признавајќи дека поставувањето на сцената не се одвивало како што треба.

„Едноставно немаше душа во неа. Поставувањето на сцената не беше правилно. Беше многу одвоена од мене и мојот бенд, и немаше интимност. И можеби се трудев премногу сè да биде во најдобар ред,“ објасни таа.

Настапите „Викенди со Адел“ во Колосеумот во палатата Цезар ќе траат од 18 ноември до 25 март 2023 година. Покрај 24-те презакажани датуми, додадени се уште осум изведби.

Шантел Џефрис ги намачи нејзините 4.7 милиони следачи на Инстаграм во понеделникот, кога се огласи со нова дрска објава.

29-годишната диџејка и модел сподели неколку фотографии на кои позира во бебешко сино бикини на одмор на Бахамите.

Поранешнaта девојка на Џастин Бибер ги покажа своите облини, а и безгрижниот дух со необичен опис на објавата: „Животот е плажа“.

Инфлуенсерката стои на бел песок за секси фотографија покрај море.

Џефрис ја покажа својата природна убавина без шминка за денот на плажа со пријателката Сара Снајдер.

Неодамна, статија на Илон Маск за изгледите за развој на технологии кои го менуваат начинот на живот на луѓето се појави во официјалната публикација на кинеската управа за прашања поврзани со киберпросторот. Оваа управа ги надгледува прашањата за безбедност на информации.

Меѓу другото, милијардерот ги сподели своите идеи за примена на хуманоидни роботи развиени од „Тесла“.

Во својата статија, Маск пишува дека роботите на „Тесла“ ќе опслужуваат милиони домаќинства со тоа што ќе учествуваат во процесот на готвење, грижа за тревниците и за постарите граѓани.

Сонот на Маск, како што е објаснето во статијата, е живот на Марс, односно самодоволен град во кој живеат луѓе. Меѓутоа, овде тој, на негов вообичаен начин, не ги именува условите за колонизација на Марс на ова ниво.

Милијардерот, исто така, припишува одредена улога на компанијата „Неуралинк“ во светот на иднината. Оваа компанија е специјализирана за имплементирање на интерфејс помеѓу човечкиот мозок и компјутерот.