Легендарниот гитарист Карлос Сантана (74) се онесвести и колабираше на настап во градот Кларксон, во американската држава Мичиген, а неговите обожаватели ширум светот се молат за здравјето на нивниот идол.

Снимката од инцидентот почна да се шири на социјалните мрежи, а добра вест може да биде фактот што музичарот брзо се освести и им мавташе на публиката додека го симнуваа од бината. Настапот на крајот беше откажан.

#BREAKING: Carlos Santana just passed out on stage at ⁦@PineKnobMusic⁩. Medical personnel on stage. Crowd asked to pray for him because of a “serious medical” issue. Pic via ⁦@LoriPinsonFOX2⁩ pic.twitter.com/6VqHkBwVIT

— Roop Raj (@rooprajfox2) July 6, 2022

Сантана годинава е на турнеја со бендот „Earth, Wind & Fire“, а планот беше да трае до август.

Сè уште нема официјални информации што се случило со Сантана, но медиумите потсетуваат дека минатата година гитаристот имаше операција на срцето, поради што беа откажани сите настапи во декември.

Маркос Хивс, Бразилец кој наликува на холивудската ѕвезда Киану Ривс, доби пресуда против „Фејсбук“ откако компанијата го деактивираше неговиот кориснички профил.

Судот во Рио де Жанеиро пресуди во корист на Маркос, кому пред две години му беше суспендиран профилот на оваа социјална мрежа.

На „Фејсбук“ му е наложено да го реактивира неговиот кориснички профил во рок од пет дена и да му плати оштета во износ од 5.000 бразилски реали (околу 920 долари). Доколку не го стори тоа во одредениот рок, „Фејсбук“ ќе мора да му плаќа дополнителни 200 реали (37 долари) за секој нареден ден.

„Борбата траеше две години. Штом сфатија дека изгледам како актерот, за неполни три месеци ми го затворија профилот. Во исто време, има бројни профили кои се преправаат дека сум јас и бараат пари од фановите, а кои останаа активни“, изјави Хивс.

Хивс сфатил дека личи на Ривс пред 17 години, но не мислел дека може да заработи од таа сличност сè додека не ја изгубил работата на танкер. Lаdbible пишува дека после тоа се внесол во улогата на ѕвездата на „Матрикс“ и дека го користи Фејсбук за промоција и за договарање работни места.

Го смени морето за живот на славна личност и удобно живее личејќи на Ривс, користејќи ја својата Фејсбук-страница за добивање професионални ангажмани, пишува порталот.

Повеќе од четири децении откако изумреа локално, носорозите повторно талкаат во дивината на Мозамбик, кој носи загрозени видови од Јужна Африка во обид да вдахне нов живот во своите паркови и да го поттикне локалниот туризам.

Група ренџери ги фатиле црно-белите носорози, им дала седативи за да може да ги преместат на над 1.600 километри оддалеченост во Националниот парк „Зинаве“ во Мозамбик, кој зафаќа повеќе од 400.000 хектари и има повеќе од 2.300 други донесени животни.

„Носорозите се важни за екосистемот, што е една од причините зошто ги селиме на толкава оддалеченост и ги правиме сите овие напори за да ги донесеме тука“, рече Кестер Викери, конзерватор кој го надгледува целиот процес.

Групата Peace Parks Foundation (PPF), која ја води операцијата, има за цел да премести повеќе од 40 носорози во следните две години во Мозамбик. Проект-менаџерот Ентони Александер изјави дека групата веќе донела некои предатори и многу слонови во паркот, а сега на ред се носорозите.

Оваа иницијатива е дел од кампањата за спас на загрозените видови со нивно преместување во безбедни засолништа, каде што имаат можност да ја зголемат својата популација.

Викери се надева дека за 10 години ќе види просперитетна популација на бели носорози во паркот Зинаве.