Иако туристите се предупредени да престанат со секс на популарна нудистичка плажа на Ибица, се чини дека никој не е заинтересиран за тоа.

Нивото на туристи што имаат секс на најпопуларната нудистичка плажа на Ибица почнало да ги загрозува заштитените песочни дини, наведуваат од тамошните здруженија за заштита на животната средина.

Белиот песок на плажата Ес Кавалет е толку убав што не е ни чудо дека плажата е задолжителна локација за милиони туристи во текот на сезоната, вклучително и оние што склони кон разменување страсти на јавни места.

Меѓутоа, сега и друштвата за заштита на животната средина велат дека сексот е главен виновник за ерозија на познатите, но деликатни дини, кои се дел од националниот парк Sea Salines.

Геолозите и биолозите сметаат дека прекумерната сексуална активност предизвикала штета која не може да се коригира, како и дека целата област станала позната како место на кое, кога ќе зајде сонцето, почнуваат сексуалните активности. Исто така, бројот на двојки што се кријат зад дините за да водат љубов влијае за унишувањето на чувствителни билки.

Инаку, Ес Кавалет и на интернет се промовира како идеално место за разголени прошетки со можност да најдете љубовник меѓу дините.

Кампањата против секс на оваа плажа е актуелна веќе со години, но се чини дека туристите ги игнорираат апелите, па властите размислуваат за воведување казни во блиска иднина.

Мразот на Гренланд се топи многу побрзо отколку што претходно се мислеше, а веќе е можно да е дојдено и до точка на пресврт, сугерира ново научно истражување.

Според оваа студија, објавена во американското научно списание Proceedings of the National Academy of Sciences, стапката на топење на мразот на Гренланд денес е за четири пати повисока отколку во 2003 година, пренесува британски „Индипендент“.

Научниците кои го испитуваат глобалниот пораст на морското ниво го проучуваа југозападниот и северозападниот регион на Гренланд и утврдиле дека нејголемиот дел од стопениот мраз не е од глечерите во морето, туку е мраз од копното на Гренланд. Во текот на мерењето на промените во ледената маса се користеле податоци од НАСА и германскиот Grace, како и GPS станици на дел од гренландскиот брег.

„Што и да е ова, не може да се објасни со глечери бидејќи таму нема многу. Тоа мора да е површинска маса – мразот се топел од внатрешноста кон брегот. Ова е затоа што атмосферата во просек е потопла. Површинската температура расте, а плитката вода станува потопла“, објаснил главниот автор на студијата Мајкл Бевис.

Познатата сина дупка на Белизе е конечно истражена и се дозна што се крие на нејзиното дно. Минатиот месец научна експедиција се упати на дното на големата сина дупка во океанот на Белизе, а еден од истражувачите беше Ричард Бренсон, сопственик на Вирџинија.

Тоа беше првото нуркање до дното на дупката, која се наоѓа по должината на Месоамериканскиот Гребен, што е втора по големина мрежа на корални гребени во светот.

Група отпатувала на дното со подморницата „Акватика“, при што наишле на ѕид од сталактити за кои Бренсон вели дека покажуваат дека дупката е сочинета од пештери, кои оригинално биле формирани на сува почва.

„Оваа дупка е доказ кока нивото на океанот може драстично и катастрофално да се зголеми. Нивото на морето било неколку стотини метри пониско. Пред 10 илјади години нивото на морето се зголемило 91 метрар кога се стопил мразот. Тоа беше еден од најстрашните потсетници на опасноста од климатски промени што ги имам видено“, рече Бренсон.

Поради големата длабочина на дупката и недостигот на кислород, на нејзиното дно нема живот. Но, Бренсон вели дека забележал пластични шишиња на дното, кои се главна причина за загадувањето на морињата.

Најголемата мистерија во океанот – големата сина дупка кај Белизе е најголемото морско свлечиште на светот, широко 300 метри, а длабоко околу 125 метри. Била откриена во 1971 година од истражувачот Жак Кусто. Речиси половина век подоцна, иако дупката е голем хит за нуркачите, уште е релативно неистражена.