Тајванската телевизиска водителка Ди Хсу сподели фотографија од нејзината сестра Барби Хсу како позира пред камера, привлекувајќи големо внимание на социјалните мрежи.

44-годишната актерка доби пофалби за нејзиниот изглед кој им пркоси на годините, и дека изгледа како тинејџерка додека стои пред сив ѕид во долго црно палто и чизми до колената.

Водителката во својата објава на Фејсбук напиша: „Изгледа толку шик! Која е оваа девојка?”

Објавата привлече многу коментари од корисниците на социјалните мрежи, многумина велеа дека тие ја помешале Барби со најстарата ќерка на Ди.

Правната битка на Меган Маркл, војвотката од Сасекс, против весникот „Мејл он сандеј“ продолжува, а најновата вест денес е дека Меган и нејзиниот адвокатски тим се надеваат дека ќе спречат случајот да дојде до суд.

Според британските медиуми, тимот на Меган во вторникот побарал од судијата Џастис Варби да донесе одлука за правно постапување во случајот за приватност и авторски права, без потреба да се продолжи со целосно судење.

Поради ограничувањата за коронавирусот, адвокатскиот тим на Меган во моментот се наоѓа на виртуелно рочиште или судско сослушување преку видео, што почна во вторникот наутро и се очекува да заврши до четврток.

Адвокатите на Меган поднесоа барање за скратена пресуда со образложение дека весникот нема изгледи да ја брани својата одлука да објави писмо што војвотката му го напишала на својот татко Томас Маркл веднаш по нејзината венчавка со принцот Хари во 2018 година.

Тој стекна светска слава со бодибилдинг кога го препознаваа под псевдонимот австриски даб.

И децении потоа Арнолд Шварценегер одржува форма, па така и оваа недела ја почна со вообичаеното возење велосипед покрај плажа.

73-годишниот поранешен гувернер на Калифорнија ги покажа мускулестите нозе додека се движеше по велосипедската патека на плажата Вил Роџерс. Терминаторот се погрижи да преземе мерки на претпазливост и заштита со носење маска на лицето во тек на пандемија на коронавирусот.

Пред неколку дена Шварценегер се појави на „Инстаграм“ со својот син Џозеф Баена, кој оди по стапките на својот татко во бодибилдингот.

На фотографијата објавена од Џозеф (23) таткото и синот стојат пред мурал на кој се гледа Арни во најславните денови кога го нарекуваа австрискиот даб.