Синовите на Памела Андерсон, Брендон Томас Ли и Дилан Џегер Ли, говорат за повеќе теми поврзани со кариерата на својата мајка додека ѝ помагаат да промовира неколку нови проекти: автобиографијата „Љубов, Памела“ и документарниот филм „Памела: Љубовна приказна“ во продукција на „Нетфликс“.

Меѓу многуте контроверзии, Брендон (26) и Дилан (25) – двата сина на Памела со тапанарот на „Мотли кру“, Томи Ли – го изразија своето мислење за минисеријата „Пам и Томи“ на „Хулу“ од 2022 година, говореа за влијанието на приватната секс-снимка врз нејзината кариера во доцните 90-ти и за несоодветниот надомест за нејзината популарност во „Чувари на плажата“.

Во новиот документарниот филм Дилан вели дека минатогодишниот документарец на „Хулу“, со наслов „Пам и Томи“, е направен со лош вкус и е лошо склопен од перспектива на раскажување приказни.

„Зошто да враќате назад нешто пред 20 години, а за кое знаете дека некому му е нанесена штета?“, вели Дилан. „Нема никаква смисла да правите полукомедија од најлошиот дел од нејзиниот живот“.

Брендон, кој во 2018 година се најде на насловните странци на таблоидите по тепачката со својот татко, вели дека мајка му можела да заработи многу пари доколку се согласела да ја лиценцира лентата.

„Таа би заработила милиони долари ако само потпишеше парче хартија“, рече Брендон. „Наместо тоа, седеше без пари и гледаше како ѝ пропаѓа кариерата. Таа беше во долгови поголемиот дел од својот живот.“

Дилан смета дека нејзиниот живот и кариера би биле на поинаква траекторија доколку заработила на снимката.

Во интервју за „Екстра“, Брендон нагласи дека мајка му била недоволно платена за „Чувари на плажата“ од 1992 до 1997 година, нешто што тој го квалификува како кривично дело.

„Ако погледнам назад и ги обелоденам минатите договори, многумина ќе бидат шокирани кога ќе дознаат како луѓето ја искористувале… млада девојка направила лош договор за голема серија, а била најголемата ѕвезда во тоа време“.

„Многу луѓе заработија многу пари од серијата, некои од нив ќе имаат лош ден кога ќе тропнеме на врата… таа заработува смешни 4.000 долари годишно од Baywatch. Тоа е злосторство“.

Филмот „Човекот по име Ото“ со Том Хенкс во главната улога, еден од најомилените актери на денешницата и двократен оскаровец, конечно, доаѓа во домашните кина.

Ото Андерсон, кого го глуми Хенкс, е 60-годишник кој планира да стави крај на својот живот по смртта на сопругата и присилното пензионирање, но, наместо тоа, се спријателува со своите весели соседи и почнува да го гледа животот низ позитивна призма.

Овој римејк од шведскиот филм „Човекот по име Уве“ ќе ве расплаче и насмее истовремено.

Иако неодамна почна со светска кинодистрибуција, оваа хумористична драма во режија на Марк Форстер (Monster’s Ball, Finding Neverland, Quantum of Solace, World War Z) веќе заработи речиси 75 милиони долари на благајните.

Новата комедија драма е адаптација на извонредната книга на Фредрик Бекмен, „Човекот Ове“, бестселер на „Њујорк тајмс“.

Филмската адаптација со години е голема желба на главната ѕвезда Том Хенкс.

Нашироко признатиот шведски оригинал од 2015 година ја постави скалата високо бидејќи, меѓу другото, беше номиниран за „Оскар“ во категоријата за најдобар странски филм. Предизвикот беше прифатен и имајќи ја предвид реакцијата на публиката, филмот целосно ги исполни очекувањата.

Според „Ротен томатос“, специјализирана веб-страница позната како агрегат на рецензии, A Man Called Otto држи импресивни 97 % според гледаноста на публиката, а и критичарите одлично ја примија оваа американска верзија на прославениот оригинал.

Интересно е да се истакне дека младата верзија на Ото ја глуми синот на Хенкс, Труман, а песната од филмот со наслов Till You’re Home ја отпеа сопругата на Том, Рита Вилсон.

Во мемоарите на принцот Хари има некои откритија, кои јавноста и печатените медиуми во Британија не ги прифатија благонаклоно.

Габи Хинслиф, писателка за британски „Гардијан“, вели дека книгата се оддалечува од прашањата од незгоден јавен интерес и се претвора во перење валкани алишта во јавност. Но, тука се отвора прашањето дали принцот бил под притисок да исфрли отров, како што сугерира една критика.

Хари и Меган му се отворија на светот преку книги, серии и интервјуа за да ја објаснат својата страна на приказната. Ова се некои од најжестоките критики за војводата и војвотката од Сасекс.

Мемоарите на Хари беа објавени на 10 јануари. Но, во Шпанија книгата прерано беше ставена на полиците. И, така, штетата беше направена и луѓето имаа добар увид во нејзината содржина пред таа да излезе во светски рамки.

Што кажа јавноста?

„Мирор“ направи анкета барајќи од своите читатели да гласаат. Прашањето беше дали ќе ги читате мемоарите на принцот Хари?“ Резултатите беа, без сомнение, јасни – не.

Анкетата во тоа време покажа дека само 9 % од јавноста ќе ги чита мемоарите на принцот, а 91 % одбиле. Можеби ова не е вистинско претставување на британската јавност, но статистиката овде остава јасна порака.

Книгата беше во продажба на половина цена пред издавањето, што секако не е добар знак за иднината на продажбата. Можеби ова беше причината зошто бргу стана најпродавана во првата недела од продажбата во Обединетото Кралство.

Според Би-би-си, ова е најдолгата бесна порака некогаш испратена. Британската радиодифузна корпорација живописно ја опиша книгата: „Ова е делумно исповед, делумно нагодување и делумно љубовно писмо. На некои места се чини како најдолга бесна порака напишана во пијана состојба.

Критиките стигнаа и од јавноста, и од палатата и од весниците.

Исклучително остра критика дојде од Јан Моир, писател за „Дејли мејл“. Набројувајќи ги многуте интервјуа, книги и ТВ-емисии, тој книгата ја нарече „вишна на мувлосана торта“.

„Дејли мејл“ објави и колумна од А.Н. Вилсон, кој книгата ја опиша како вредна за презир и дело на злоба.

„Донесувајќи ја идиотската одлука јавно да излезе за својот раздор со кралското семејство, Хари без сомнение бил под огромен притисок… да исфрли што е можно повеќе отров… Но, тоа го исфрла него во ужасна светлина. И каква и да му била намерата, ова не нè тера да сочувствуваме со него, туку со кралското семејство“, напиша Вилсон.

Корисниците на „Твитер“ на Хари му кажаа да замолчи.

Ниту самата јавност не беше премногу среќна. Хаштагот #ShutUpHarry („Хари, замолчи“) стана популарен на „Твитер“ откога излегоа откритијата на мемоарите.

Весникот „Сан“ тврди дека пријателите на Хари го повикале да престане за негово добро.

А „Венити феар“ дознава дека Вилијам можеби никогаш нема да му прости на Хари.

Според публикацијата, палатата реагира – но засега неформално. Пријателите на принцот Вилијам рекле дека тој нема да му прости на својот помлад брат што ги открил семејните работи во јавност.