Џулија Робертс и Џенифер Анистон ќе си ги заменат телата во претстојната комедија на режисерот на „Палм Спрингс“, Макс Барбаков.

„Амазон“ го доби филмот по тендерската војна помеѓу неколку студија и стримери, дознава „Дедлајн“, кој прв ја објави веста за проектот.

Барбаков ќе го пишува сценариото и ќе го режира претстојниот филм зад кој стои продуцентската куќа на Маргот Роби, „Лаки-чеп ентертејнмент“. CAA посредуваше во продажбата на „Амазон“.

Освен информациите за талентираните актерки и за финансиерите, нема ништо друго познато за филмот.

Неодамнешниот успех на „Билет за рајот“ со Робертс и Џорџ Клуни, како и „Изгубениот град“ со Сандра Булок и Ченинг Тејтум во главните улоги, докажа дека постои вистинска побарувачка за комедии со ѕвезди во време кога жанрот се бори на комерцијален план.

На киноблагајните „Билет за рајот“ (Ticket to Paradise) и „Изгубениот град“ (Тhe Lost City) заработија по повеќе од 150 милиони долари во светски рамки.

Со свои зборови, со приватни видеоснимки и моменти запишани во својот дневник, актерката Памела Андерсон ја раскажа приказната за својот пат до славата, љубовните врски и за секс-скандалот.

Во документарецот Pamela: A Love Story, кој веќе се емитува на „Нетфликс“, актерката ја претстави својата страна на приказната.

Животот на Памела бил турбулентен. Таа била жртва на силување и малтретирање, растела во дисфункционално семејство, имала пет брака, а не ја сакаа ниту медиумите, особено по објавувањето на експлицитната снимка од неа и нејзиниот поранешен сопруг Томи Ли.

Сакала да оствари сериозна актерска кариера, но, како што кажува во филмот, тоа ѝ било тешко поради интимното видео што ги натера сите да ја гледаат како секс-симбол и да ѝ доделуваат такви улоги.

Минатата година „Хулу“ емитува минисерија Pam & Tommy, која го прикажа нејзиниот брак во периодот кога неовластено излезе фамозното домашно видео.

Таа вели дека повторно била трауматизирана од серијата на „Хулу“.

Речиси една година по оваа минисерија, Памела реши да сподели свое видување на целата ситуација.

Во документарецот актерката чита делови од дневникот што го пишувала во текот на животот, говори за тешкото детство и за проблемите со кои се соочувала во раната младост, за силувањето, за експлицитните снимки со Томи и за неуспешните бракови.

Аудициите на натпреварувачкото шоу „Британија има талент“ (Britain’s Got Talent) се во тек и настана хаос во публиката кога главата на главниот судија Сајмон Ковел се чинеше дека е запалена, објави „Мирор“.

Главниот судија и поранешен шеф на „Х-фактор“ бил изведен на сцената од маскиран магионичар натпреварувач, кој му кажал да седне на столот и му ставил качулка над главата на најновите аудиции во Лондон.

Потоа му истурил течност врз целата качулка и ставил кутија врз неговата глава. Предниот дел од кутијата бил отворен за публиката да види што се случува внатре. Магионичарот фрлил пламен во кутијата и неговата глава се запалила.

Публиката почнала да вреска, судиите станале од своите места, сите биле тотално вџашени. Пламенот набргу бил изгаснат. Сајмон станал и изгледал малку потресен.

Подоцна, самиот Ковел (63) го коментирал бизарниот трик: „Можев да почувствувам како полеваат течност врз мене, но не знаев дека е запалива!“

Неговата колешка Алиша Диксон била преплашена.

„Сајмон, ти ја запалија главата. Беше страшно да се гледа, ти си многу храбра личност кога дозволи да се случи тоа. Сфатив и колку се грижиме за тебе, бев подготвена да скокнам на сцената и да те спасам“. му рече Алиша.

„Кога ја видов главата на Сајмон во таа направа, бев како маѓепсан. Никогаш не сум видел такво нешто“, коментира Бруно Тониоли, друг член на жирито. Тој нагласи дека сето тоа изгледало како сцена од хорор-филмот „Сложувалка на стравот“.

Во натпреварувачкото шоу „Британија има талент“ доаѓаат разни луѓе, од пејачи, магионичари, комичари, танчари и други, но се чини дека ветеранот на британските шоуа за таленти никогаш нема да ја заборави најновата аудиција.