Контакт

Бизарно

На „Амазон“ се продаваат производи со неонацистичка тематика

Објавено пред

Според еден извештај, електронскиот аукциски портал „Амазон“ им помага на групите што шират омраза да продаваат стока со нацистичка тематика од која тие заработуваат.

Студијата покажа дека многу од групите што шират омраза ја продале својата стока преку продавницата на „Амазон“ продавајќи нацистички предмети вклучувајќи облека, накит и реплика од воени обележја. Во студијата се наведува дека одредени групи за ширење омраза продавале музика и книги што ги величаат нивните ставови преку „Амазон“.

„Амазон“ отстрани некои од рекламите и рече дека бргу ќе реагира против секој што ќе ги прекрши нивните правила.

Извештаите направени од две американски организациии, Партнерството за работна сила и Центарот за акција, за раса и економија, го истражуваат начинот на кој расистите го користат „Амазон“ за заработувачка.

Според извештајот, бавно и недоволно применуваните насоки на „Амазон“ им овозможиле на многу расистички, исламофобични и антисемитски движења разни начини на заработка на пари, со што се проширени и нивните идеи. Овие две организации пронашле разни стоки со познати симболи на омраза, како што свастики, слики против црнци и производи со современа тематика што ја користат расистичките групи.

Иако „Амазон“ има одредени правила што забрануваат производи што промовираат омраза, насилство, расна, полова или верска нетрпеливост или промовирање организации со такви ставови, компанијата лошо ја спроведуваше својата политика во пракса. Овие две организации го повикаа „Амазон“ да заземе јасен јавен став кон движењата што шират омраза и да ги спречи да заработуваат пари.

„Амазон“ ги отстрани многуте производи наведени во извештајот и истакна дека работи на спречување на неонацистичките музичари да ја следат нивната содржина. „Амазон“ во изјавата наведува дека продавачите на нивната веб-страница мора да ги следат нивните упатства и оние што не го прават тоа ќе добијат брз одговор, што подразбира потенцијално отстранување на нивните нарачки.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Бизарно

Питон сакаше да изеде момче, го спаси птица со чуден клун

Објавено пред

Родителите во оддалечениот австралиски град се разбудија од криковите на 14-годишниот син кого го нападна питон.

Влегувајќи во неговата соба, виделе змија долга три метри, која се свитала околу раката на момчето и ги зарила забите во неговата рака, објави телевизијата АБЦ.

„Сакаше да му ја изеде раката“, рече мајката на момчето, Ема Џексон.

Питоните не се отровни, туку ја дават својата жртва и потоа ја проголтуваат. Тие може да пораснат до 8,5 метри.

„Ние се боревме со него, но колку повеќе се обидувавме, толку неговите заби навлегуваа сè подлабоко и подлабоко“, додаде Џексон.

Конечно, таа ја зграпчила касичката во облик на птица со чуден клун и ја пикнала во устата на змијата додека таткото ја ослободил раката на момчето.

По десет минути, момчето беше спасено.

Момчето, чии повреди беа санирани во болница, вели дека и покрај ова ужасно искуство, не се плаши од змии.

Прикажи повеќе...

Бизарно

Нај(не)среќниот човек во светот е Хрват

Објавено пред

Фрањо Селак, професор по музика од Петриња, Хрватска, целиот свет го прогласи за најсреќен и најнесреќен човек во светот. Шестпати ја избегнувал смртта, а на лото добил околу 900 000 евра.

Како професор по музичко тој често ги менувал градовите во кои работел и поминал дел од својот живот во Модрича во БиХ. Училишниот излет во Оџак во 1957 година се претворил во кошмар за Фрањо и возачот Ахмет. За среќа, тие децата ги оставиле во Оџак, а тој и возачот на автобусот отишле во Модрича со намера да се напијат по една чашка. На една кривина, наместо десно, отишле право иако Ахмет го свртел воланот. Тие удриле во оградата на мостот и паднале во реката Босна. За среќа, реката не е длабока на тоа место, па затоа не се удавиле, раскажа Фрањo.

Следната година, Фрањо преживува уште една голема несреќа. Тој беше еден од патниците во возот Сараево-Дубровник. Во некогаш популарниот „Ќиро“ се возел со баба во купе кога огромна карпа паднала на шините и возот отскокнал од шините и паднал во студената Неретва.

WORLD'S LUCKIEST MANFrano Selak, retired music professor from Croatia was dubbed the world's luckiest man after…

Gepostet von Destiny Rules am Dienstag, 21. Juli 2015

„Никогаш не реков дека сум храбар. Попрво ќе кажам дека сум кукавица и ужасно се исплашив. Некако го скршив прозорецот и водата влезе во вагонот. Успеав да ја фатам бабата и  испливавме на површината. Ја држев бабата сè додека не почувствував нечии раце, кои нѐ повлекоа на сигурно“, вели тој.

Кога мајка му во 1962 година беше сериозно болна во Риека, тој одлучил да лета од Загреб до Риека со авион.  Седел во опашката на авионот, веднаш до вратата за излез во случај на опасност и до мала шведска маса од каде што стјуардите носеле освежување за патниците. Фрањо се загледал во една убава стјуардеса, го извадил ременот и станал да разговара со неа неколку минути. Потоа слушнал силен удар. По три дена, во шок-собата на Клиниката за трауматологија во Загреб тој дознал што се случило.
Лекарите му кажале дека авионот удрил во планината и дека загинале сите членови на екипажот и патниците – 20 лица. Преживеале само Фрањо и убавата Розика.

Подоцна, Фрањo уште двапати ја избегнувал смртта возејќи се во својата „лада“, која првиот пат се запалила за време на возење, а вториот пат се запалила и експлодирала.

А потоа во 2002 година Фрањо погоди седмица на лото и доби околу 942 000 евра.

Денес тој живее од пензија. Фрањо признава дека не го бидува за бизнис. Тој им позајмувал пари на сите, но вели дека не му ги вратиле. Им купил 25 автомобили на пријатели, кумови, роднини и познајници. На луѓето им купувал крави и мебел, инструменти за цели оркестри. Купил куќа за 120 000 евра и ја продал за 70 000 евра. Купил два апартмана во Чиово за 100 000 евра, а кога сфатил дека воопшто немаат прозорци, ги продал за 30 000…

Некои интернет-страници и медиуми ја проверуваа неверојатната приказна на Фрањо и сѐ уште има доза скепса дека навистина му се случиле сите овие несреќи. Без оглед на вистината, факт е дека Селак минатата година стигна на Риплиевата листа „Верувале или не“.

Прикажи повеќе...

Бизарно

Русинка 35 пати го избола својот сопруг, кој се пожалил дека храната не е доволно солена

Објавено пред

Жена го убила својот сопруг бидејќи тој го критикувал нејзиното готвење, објави руската полиција. Таа несреќниот маж со нож го избола најмалку 35 пати, пишува британски „Дејли мејл“.

Слава Давидкин на возраст од 43 години бил убиен кога се пожалил дека неговата сопруга не ставала доволно сол во храната.

Неговата сопруга Евгенија (31) чекала тој да заспие, па го избола со нож пред нивното четиригодишно дете, стои во полицискиот извештај. Подоцна, тaa го призналa убиството и оттогаш се наоѓа во домашен притвор.

Двојката почнала расправија кога рибарот се пожалил дека јадењето што го подготвила сопругата не е доволно солено. Тој тврдел дека тоа значи оти таа не го сака доволно.

Расправијата продолжила и кога нивните гости заминале на спиење, а рибарот ја удрил својата сопруга.

Таа била испровоцирана поради она што се случило. Потоа го убила сопругот на спиење, па побарала од еден од машките гости да повика брза помош. Лекарите само ја констатирале смртта на 43-годишникот.

Рускиот комитет за истраги објави дека двојката се расправала за послужена храна. Убиениот сопруг, наводно, рекол дека доколку жената навистина го сакала, ќе ставeла повеќе сол во храната.

За време на сослушувањето Евгенија изјавила дека тоа не била прва расправија меѓу нив двајца. Според нејзините зборови, сопругот секогаш прв почнувал да се расправа.

Локалните жители ја критикуваа одлуката на полицијата обвинетата да остане во куќен притвор и да се грижи за детето.

Убиениот човек од претходниот брак имал друго дете – 19-годишна ќерка.

Прикажи повеќе...

Најново

Истражувања7 часа

(Видео) Турците ем градат кај Стара железничка ем плаќаат казна од 2 милиона денари месечно

Турската компанија „Лимак“, која го гради комплексот со дваесеткатници кај Старата железничка станица, месечно уплаќа по  2 милиони денари во...

Македонија8 часа

(Видео) Димовски: Следува комплициран избор на антикорупциска комисија

Конкурсот за избор на членови на антикорупциската комисија објавен во октомври денеска беше поништен за да може да се објави...

Македонија9 часа

(Видео) Наумовски си ја зголеми платата, а Ѓорче Петров нема пари за ветените базен и градинка

Градоначалникот на општина Ѓорче Петров, Александар Наумовски, годинава ќе зема повисока плата, а планирани се и нови вработувања во Општината во...

Топ10 часа

Каракамишева повикана во полициска станица поради говор на омраза

Професорката Тања Каракамишева била на информативен разговор во полициска станица бидејќи била пријавена за ширење говор на омраза. Таа на...

Македонија11 час

(Видео) Ако не се освести Заев, одиме со Мицкоски, порачаа пазарџиите

„Ако не се сврти кон народот, како што вети Заев, ние ќе се приклучивме кон другите, ќе одиме со Мицкоски“,...

Македонија12 часа

(Видео) Кекеновски со иницијатива до Уставниот суд: Се противам на каубојското носење на Законот за јазиците

Професорот Јове Кекеновски поднесе иницијатива за оценка на уставноста на Законот за употреба на јазиците. Според него, власта каубојски и...

Македонија12 часа

Камчев со Јанакиески: „Шефе, со дупоиве што ги обори Центар, шо стана“?

Во кривичниот суд во Скопје се одржа рочиштето за предметот на СЈО ,,Насилство во Општина Центар“. На денешното судење беа...

Македонија14 часа

„Јадеше гулаш во Унгарија, а?” – Јанакиески се пошегува со посетителот на Груевски

Пред почетокот на денешното рочиште на судењето за насилството пред Општина Центар, ексминистерот за транспорт и врски, Миле Јанакиески, го...

Македонија14 часа

Владата: Законот за јазиците не воведува целосна двојазичност

Законот за јазиците ги унапредува правата на сите немнозински заедници и не предвидува нови вработувања. Македонскиот јазик со кирилското писмо...

Свет14 часа

В недела целосно затемнување на Месечината, ќе трае еден час

Месечината, Земјата и Сонцето за време на викендов ќе бидат во иста линија кога се очекува целосно затемнување на Месечината,...

Свет17 часа

Трамп ја откажа делегацијата на Светскиот економски форум во Давос

Претставниците на администрацијата на Трамп нема да отпатуваат на Светскиот економски форум во Давос овој месец, во контекст на делумната...

Свет18 часа

Најмалку еден убиен и еден повреден во пукање во Хјустон

Една жена била застрелана на паркингот на една црква во Хјустон, Тексас во четвртокот, а уште едно лице било рането,...

Македонија1 ден

Оливер Андонов учествуваше во сообраќајка, има повредени

Ексминистерот за внатрешни работи и поранешен директор на ЈП „Јасен”, Оливер Андонов, учествувал во сообраќајна несреќа што се случила попладнево...

Македонија1 ден

(Видео) Мицкоски и коалициските партнери бараат предвремени избори

Претседателот на ВМРО-ДПМНЕ, Христијан Мицкоски, по состанокот со лидерите на политичките партии коишто се дел од коалицијата „За подобра Македонија“, ја...

Македонија1 ден

По скратена постапка донесен Законот за спречување на корупцијата

Со 81 глас „за“, попладнево во Собранието по скратена постапка беше донесен Законот за спречување на корупцијата и судир на...

Регион1 ден

Путин: Последните потези на Приштина предизвикуваат загриженост

Рускиот претседател, Владимир Путин, за време на престојот во Белград изјави дека рускиот став по прашањето за Косово е познат....

Регион1 ден

Грчката влада печати копии од преспанскиот договор за граѓаните

Грчката влада ќе достави до граѓаните десетина илјади копии од преспанскиот договор со цел тие да се информираат во пресрет...

Македонија1 ден

Алатката за потрошените пари на министрите работеше само три месеци

Ја промовираа во март 2018 година, а работеше до мај 2018 година. Алатката за отчетност на трошоците на министрите и...

Македонија1 ден

(Видео) ДУИ очекува СДСМ да си стои на договорот за заеднички кандидат за претседател

Коалциониот партнер на СДСМ, ДУИ, очекува СДСМ да си стои на договреното и на претседателските избори да излезат со консензуален...

Uncategorized1 ден

(Видео) Османи: Двоглавиот орел значи јас сум Албанец, а не порака за голема Албанија

Вицепремиерот Бујар Османи вели дека веќе е почната примената на Законот за употреба на јазиците и дека тој лично денеска...

Досие