Селин Дион во четвртокот му оддаде почит на покојниот сопруг Рене Анжелил на петтата годишнина од неговата смрт.

Музичката дива (52) на својот Инстаграм-профил сподели фотографија на која се гледаат двајцата како се држат за раце.

Во описот на објавата, таа напиша: „Рене, поминаа веќе 5 години … Нема ден да не мислиме на тебе.“

„Ти си во нашите срца и во нашите животи засекогаш. Те сакаме, Селин, Рене-Чарлс, Нелсон и Еди.“

Канадската дива, еден од најмоќните вокали во светот, беше во брак со нејзиниот менаџер од 1995 година до неговата смрт од рак на 73-годишна возраст.

Двојката имаше три сина заедно, Рене-Чарлс кој сега има 19 години, и близнаците Нелсон и Еди (10).

Венди Вилијамс откри дека нејзиниот поранешен сопруг Кевин Хантер имал многу љубовници и го нарече сериски изневерувач.

Во изјавата, дадена спроти премиерата на нејзиниот документарен филм Wendy Williams: What A Mess, таа откри дека тие сè уште одржуваат контакт.

Познатата водителка на ток-шоу (56) разговараше со дописникот на „Екстра“ Били Буш за документарецот во кој го истражува 23-годишниот брак со Кевин, кој заврши со развод во 2020 година.

„Кевин ме изневеруваше додека бев бремена со мојот син… и дознав и можев да се разведам тогаш, но си реков: Не, имам син, и нема да имам повеќе деца. Не сакав да останам сама со дете“, рече Венди.

Нивниот син Кевин Хантер Џуниор сега има 20 години.

Поп-sвездата Кети Пери се здружува со култниот серијал на P25 Music во нов потфат по повод 25-годишнината на „Покемон“.

36-годишната Кети, која во август се породи со своето прво дете, ќерката Дејзи, сега е уште повеќе заинтересирана за оваа соработка, откако стана мајка.

„Сакам да бидам дел од сè што е разиграно… раскажување приказни кои имаат навистина добри пораки што треба да се споделат со светот. Сега, имам дете и сфаќам колку е важно да се игра“, вели таа.

Кети се потсети на неверојатното искуство што го имала кога била во Pokemon Cafe во Јапонија во 2019 година.

Таа во изјава за „Пипл“ рече: „Бев бремена кога бев таму. Тоа место е неверојатно. Ги донесе сите прекрасни спомени од детството. Одам во Јапонија од мојата 17-та година секоја година и навистина сакам сè што е создадено таму “.

Кети признава дека може да се поистовети со главниот јунак на Покемон, Пикачу.