Таа ѝ се придружи на својата сестра Кортни Кардашијан во „виртуелна прошетка“ на модната ревија на брендот „Долче и Габана“ есен / зима 2021 година.

А, Ким Кардашијан во понеделникот покажа волшебна црна долна облека што ја доби од култната модна куќа, споделувајќи фотографии на својот Инстаграм-стори.

Виртуелна писта: Ким Кардашијан (39) на себе има дводелен комплет долна облека од црно кадифе и долги црни ракавици за виртуелното шоу „Долче и Габана за есен-зима 2021“.

Моќните алгоритми не можеа да се мерат со глобалниот феномен на поп-културата кога станува збор за „Бриџертон“. И како романса и како приказна за социјалното општество во регенси-ерата не само што ги надмина првичните проекции на гледаност на „Нетфликс“ туку и ги порази.

Конечните бројки откриваат дека првата сезоната ја следеле рекордни 82 милиона домаќинства во светот (делумно или во целост). Тоа е неверојатни 19 милиони домаќинства повеќе од четиринеделната проекција што „Нетфликс“ ја објави 10 дена по почетокот на серијата (63 милиони), во тоа време петто најголемо лансирање во историјата на стримерот.

„Бриџертон“, чиј огромен бран на популарност не покажува знаци на стивнување, е најгледаната серија на „Нетфликс“ досега и со голема разлика во споредба со другите. Успеа да го истурка на второ место претходниот рекордер, сагата „Вештерот“ (The Witcher), со 76 милиони во првите 28 дена.

Првата сезонa, базирана на првата од серијалот книги на Џулија Квин, „Војводата и јас“, се фокусира на комплицираната романса помеѓу најстарата ќерка на Бриџертонови, Дафне, која ја игра Фиби Диневор, и војводата од Хестингс, Самон Басет, кој го игра Реги Жан Пејџ и кој веќе ја освои светската публика со улогата на Сајмон.

Најгледаната серија во дури 83 земји, вклучувајќи ги САД, Велика Британија, Индија, Франција, се најде на безброј насловни страници за своите жешки секс-сцени.

Втората сезона почнува со продукција напролет во Велика Британија.

Рајан Фишер, човекот кој се грижи за кучињата на Лејди Гага, за првпат од болница проговори за „своето искуство блиску до смртa“, како што вели тој.

Фишер беше застрелан во градите минатата недела од киднапер на кучиња. Киднаперот и неговиот соучесник ги однесоа двата булдога на Лејди Гага, Коџи и Густав. Нападот се случи во Холивуд, Лос Анџелес.

Третиот булдог женка, Мис Азија, успеала да побегне од киднаперите, но потоа се вратила кај повредениот Фишер, кој  вели дека таа е неговиот „ангел чувар“.

Тој објасни дека штом ја видел покрај него додека лежел на земја во локва крв, Азија му влевала храброст и решеност да преживее.

„Моите панични врисоци се смирија додека ја гледав, иако сфатив дека крвта што се собира околу нејзиното мало тело е моја крв“, напиша тој на својот Инстаграм во понеделникот.

„Ја галев Азија колку што можев, ѝ се заблагодарив за сите неверојатни авантури во кои сме биле заедно, се извинив дека не можам да ги бранам нејзините браќа и потоа решив дека сепак ќе се обидам да ги спасам нив и себеси“, напиша Фишер.

Тој е сè уште во болница и заздравува од повредите од минатонеделниот напад.

Булдозите на Лејди Гага беа пронајдени во петокот вечерта, откако една жена ги донесе во полициска станица во Лос Анџелес. Властите соопштија дека жената не била вклучена во инцидентот. Полицијата допрва треба да идентификува осомничени лица.