Забава
Тор Педерсен – првиот човек што посетил 203 земји, без да користи авион
Четириесет и четиригодишниот Тор Педерсен, авантурист од Данска, стана првиот човек на светот што посетил над 200 земји, без да користи авион, на континуирано патување, кое траело речиси една деценија.
Своето животно искуство го нарекува авантура на животот, но признава и дека се чувствува како последните десет години да ги поминал во кома.
Тор Педерсен отсекогаш имал страст за патувања и предизвици.
Идејата за оваа необична мисија потекнува од е-пошта што му ја испратил татко му. Имало линк до статија за луѓе што патувале во секоја земја во светот – но никој од нив не го направил тоа без летање. Тоа ја запалило искрата.
Педерсен си постави цел: да посети 203 земји, без ниту еден лет и со буџет од 20 евра дневно
Своето патување го почнал на 10 октомври 2013 година во 10 часот оставајќи ја родната Данска и неговата тогашна девојка Ле (40), докторка, која останала дома.
Во тој момент верувал дека патувањето ќе трае четири години. Наместо тоа, биле потребни девет години, девет месеци и 16 дена.
„Имаше моменти кога не знаев дали некогаш ќе завршам. Се чувствував како да сум заробен во временска капсула. Сè се менуваше и постојано бев во движење“, изјави Педерсен.
Неговото патување вклучувало возови, автобуси, бродови, камиони, па дури и пешачење низ џунгли, пустини, планини и градови
Попатно се соочил со болести, бирократија, осаменост, но и неизмерна човечка добрина и солидарност.
Денес, од својот дом во Данска, тој вели дека дури сега полека ги сфаќа размерите на она што го направил.
„Сè уште се навикнувам на идејата дека повеќе не морам да одам никаде. Дека можам да останам. И дека, и покрај сè, преживеав“, вели со насмевка.
Тој даде одлично интервју за „Гардијан“ и опиша какво било неговото патување.
„Иако често имав чувство дека сум роден барем еден век предоцна – во време кога немаше ништо за откривање и снимање – сè уште имав жестока потреба за авантура. Во 2013 година открив дека никој сè уште не успеал да патува постојано во сите земји во светот, без да користи авион. Тоа беше шанса да направам нешто што никој пред мене не го направил.
Во тоа време тој имал околу триесет години, стабилна кариера во поморството и логистиката, штотуку запознал прекрасна жена, а повеќето негови врсници веќе имале деца. Сепак, идејата не го напуштила.
„Јас тргнав на пат на 34 години – и не се вратив дома речиси една деценија“, раскажа.
А што научил за време на ова несекојдневно патување во продолжение.
„Една студена декемвриска вечер пристигнав во Сувалки, најстудениот град во Полска. Без СИМ-картичка, само со моето име и адреса на хартија, талкав во снегот барајќи помош“, се сеќава Педерсен додавајќи дека жена што зборува англиски му ја отворила вратата и веднаш го поканила внатре.
Како што вели, таа му понудила храна, кревет и утрото го придружувала до автобусот за Литванија.
„Бев засолнет од целосен странец – без ништо за возврат“, вели тој.
„Лесото беше 106. земја на мојата листа, вели тој, но една од најпосебните. Целата земја се наоѓа над 1.400 метри надморска височина. На местото Семонконг се најдов среде зелени планини, чист воздух и кристално чисто небо.
Тука се и водопадите Малецуњане – речиси 200 метри високи водопади, кои блескаа на сонцето. И јас бев таму сосема сам“.
Како што објаснува Педерсен, за време на минувањето низ Западна Африка, трите земји – Гвинеја, Сиера Леоне и Либерија – се бореле со најголемата епидемија на ебола. Сепак, по само еден час во Сиера Леоне, ме поканија на свадба – музика, танцување, насмевки.
Во најтешките околности луѓето наоѓаат начини да се радуваат, да сакаат и да се поврзат.
Изолацијата е најголемата грешка
„Во Данска, каде што сум роден, секој избира место што е можно подалеку од другите во јавниот превоз. Но, во Африка, седењето до некого значи создавање заедница – споделување храна, разговор, грижа за децата. Кога помислив дека возачот ќе ме остави на контролниот пункт, жената зад мене ми објасни дека тоа е тактика да ги збуни војниците.
Постои разлика помеѓу она што го сакате и она што навистина ви треба
Патувањето речиси десет години, без пауза, ја црпи душата.
„По две години, удрив во ѕид, но морав да продолжам. Научив дека не ми требаат работи – туку врските што ги создадов со луѓето од целиот светот. Сè друго беше минливо“, вели тој.
Не ви треба заеднички јазик за да се поврзете со луѓето
„Во возот од Белорусија до Москва никој не зборуваше ниеден друг јазик, освен руски. Сепак, се смеевме, делевме храна и вотка. Преговарав за цените покажувајќи сметки, наоѓав сместување со гестови и често детската насмевка ме спасуваше од најтемните моменти“, вели тој.
Бавното патување ја открива вистинската големина на светот
Летот помеѓу Лондон и Њујорк трае неколку часа, но ако одите со брод и со автобуси, гледате премини од пустината во шумата, од селото во градот, од реката до океанот.
Границите ретко се остри – луѓето од двете страни често јадат иста храна, зборуваат слични јазици и споделуваат култура.
Патувањето е најинтензивното образование
Кога патувате, постојано сте под притисок да научите: како да се движите, да препознавате опасност, да комуницирате без јазик, да најдете основни работи.
„Се вратив со знаења за јазиците, геополитиката, хуманитарната работа, географијата и најмногу – за себе. Заминав на 34, се вратив на 44, но според она што го преживеав, можеби сум, всушност, многу постар“, вели тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Eвропски град во кој туристите масовно крадат камени коцки од улиците
Во белгискиот Бриж, еден од најживописните градови во Европа, туристите се предупредени да не земаат камења од неговите историски улици како сувенири.
Градските власти известија дека секој месец исчезнуваат меѓу 50 и 70 коцки од камен од средновековното јадро заштитено од УНЕСКО, а тој број се зголемува за време на шпицот на сезоната. Замената и санирањето на штетата чини околу 200 евра по метар квадратен, изјави локалниот политичар Френки Демон за Си-Ен-Ен.
„Иако некому може да изгледа безопасно или симпатично, последиците се сериозни“, предупреди Демон.
„Отстранувањето на калдрмата претставува јасен безбедносен ризик за жителите и посетителите. Недостасувањето или распуштената калдрма може да предизвика пад, а градските служби мора често да интервенираат за да се поправат.
Тој додаде дека еден насилник дури и засадил цвет на местото каде што го отстранил каменот.
„Имагинативен потег, но покажува недостаток на почит кон нашето заедничко наследство“, рече тој.
„Ние едноставно бараме почит. Шетањето во Бриж значи одење низ вековите на историјата. Тие калдрми не се само камења – тие се дел од душата на нашиот град“, рече Демон.
„Ги покануваме посетителите да уживаат во Бриж, но да ја остават неговата убавина недопрена за другите“.
Како и многу други историски градови, како што се Венеција или Барселона, Бриж со години се обидува да се справи со притисокот на масовниот туризам. Уште во 2019 година, градските власти одлучија да го ограничат бројот на бродови за крстарење што се закотвуваат на блиското пристаниште.
За оние кои сè уште сакаат сувенир од одморот во Белгија, можеби кутија чоколади е подобра идеја од камен од улица.
Забава
Хаос во авион: Бритни Спирс пушела цигара и пиела за време на лет, ја пречекала полиција
Поп-ѕвездата Бритни Спирс (43) се огласи на Инстаграм откако американските медиуми објавија дека добила официјално предупредување за несоодветно однесување на приватен лет од Кабо Сан Лукас, Мексико, до Лос Анџелес во четвртокот.
Според „Пипл“ и „ТМЗ“, пејачката за време на летот конзумирала алкохол и запалила цигара, што предизвикало загриженост кај членовите на екипажот. Стјуардесите ја предупредиле да ја изгаси цигарата – што и го направила – но за време на летот биле контактирани властите, кои ја чекале по слетувањето во Лос Анџелес.
Потоа на пејачката и било изречено официјално предупредување, по што била пуштена на слобода без дополнителни последици.
На Инстаграм, пејачката се обиде да ја објасни својата страна на приказната.
„Признавам, првпат во животот пиев вотка!!! Се колнам, се чувствував толку паметно!! Бев во фазон: ‘Вау, што е ова?!’ Се чувствував бистро и паметно! И реков: ‘Толку многу ми се пуши цигара!!!’ Пријател ми стави цигара в уста и ја запали, па си помислив: ‘Аха, ова е оној авион во кој сме да се пуши!’“
View this post on Instagram
Бритни потоа се извини доколку некого навредила.
Таа откри и дека е убедена оти службениците на аеродромот ја пречекале како „поддршка“, бидејќи, како што вели, „се чувствувала посебно“.
„Стјуардесата ги повика официјалните лица затоа што запалив цигара!!! Непотребно ме посрамоти. Не и се допаѓав од моментот кога влегов во авионот! Никој не беше во авионот во првите 20 минути и не ми дозволуваше да станам! Сакав да ги истегнам нозете, но таа ме натера да седнам. Таа се однесуваше чудно – не ми се допадна ккао ми го стави појасот, како да го нарушува мојот личен простор!”
Britney Spears Defends Odd Plane Behaviorhttps://t.co/eA5JJjgsxj pic.twitter.com/ltEwJ9FztS
— JOJO METHOD (@SlimMethod) May 24, 2025
Заедно со својата објава, Бритни сподели и видео на кое држи шише алкохол додека седи во авион.
Забава
Холивудскиот актер призна дека е зависник, мајка му починала од дрога кога имал 12 години
Еден од најпопуларните холивудски актери Бери Коган раскажа сè за својата долгорочна зависност.
Актерот Бери Коган (32) во интервју за Hollywood Authentic изјави дека неговата мајка починала од зависност од хероин кога тој имал 12 години.
Се присети дека тој и неговиот брат ги поминале следните години од своето детство во и надвор од згрижувачките домови во Даблин.
Актерот, кој го промовираше филмот „Saltburn“, се присети на страшните детали од неговото детство во проблематичната населба Самерхил во Даблин: „Се сеќавам дека ја слушнав мајка ми како вреска и ни вика додека се бореше со зависноста, додека бараше пари за да купи хероин. А само ни беше кажано да останеме во креветот. Не можевме да отидеме да ја прегрнеме“.
„И татко ми умре од дрога. Изгубив двајца чичковци и братучеди поради дрога. Но, љубопитноста е моќна работа“, призна тој, а потоа додаде:
„Понекогаш е корисно, а понекогаш е штетно. За мене беше штетно. Дури и доаѓањето на мојот сопствен син на овој свет не ме спречи да бидам љубопитен“.
Коган е татко на двегодишниот Брандо, кој го имаше со својата поранешна партнерка Алисон во август 2022 година.
„Веќе не негирам. Разбирам дека имам зависност и јас сум зависник. Знаете, кога ќе го прифатите, конечно можете да продолжите понатаму и да научите да се справувате со тоа“.
За време на појавувањето во подкастот „This Life of Mine“ на Џејмс Корден минатата година, актерот разговараше за тоа како системот за згрижување „почнува да влијае на вас додека растете“.
„Имав многу проблеми со довербата, никогаш не верував во љубов, никогаш не верував дека некој сака да ме запознае, или, да речеме, да бидеме пријатели. Вие не верувате во ништо“, продолжи Коган.
„Имате проблем со лојалноста и напуштањето и јас работев на сите тие работи со неколку терапевти во текот на годините“.
Во 2023 година, Коган доби номинација за Оскар за најдобра споредна машка улога.
Во Кочани се одржа седмиот марш на ангелите, родителите со порака: „Нашиот молк нема да трае долго“
„Моќта на луѓето е посилна од луѓето што се на моќ“, „Не чекајте катастрофа, дејствувајте сега“, „Ефективен притвор”, „Секој може...
Да не се делиме пред надворешните фактори – Мицкоски повика на единство
Денес, кога нашиот народ стои пред нови предизвици, кога светот се обидува да нè дефинира и објаснува, мисијата на Свети...
Возач загина на експресниот пат Прилеп-Градско – удрил во ограда, па уште еден камион излетал од патот
Тешка несреќа по која животот го загуби 42-годишен маж од Крива Паланка се случи синоќа околу 22.30 часот на експресниот пат...
Познат идентитетот на загинатите кај Момин Поток: 47-годишен маж и 32-годишна скојанка го загубија животот во несреќата
Четирисет и седумгодишниот С.И. и неговата 32-годишна сопатничка А.Н. се загинатите во тешката сообраќајна несреќа што се случи вчера помеѓу...
Обвинителството незадоволно од одлуката за куќен притвор за Нино Васев и Нехат Нухи за Онкологија, поднесе жалба
Скопското обвинителство вложи жалба на решението со кое Основниот кривичен суд Скопје определи мерка куќен притвор на поранешниот директор на Клиниката...
Сослушување на семејствата на загинатите во Кочани, ќе бидат повикани и да се приклучат кон кривичниот прогон
Јавните обвинители кои постапуваат во истрагата во врска со пожарот во кочанската дискотека „Пулс” почнуваат да сослушуваат претставници на семејствата...
Зошто Филипче е изземен од случајот Онкологија, прашува ВМРО-ДПМНЕ
Судиите и обвинителите се клиентелисти на СДСМ кои ги штитат политичките криминалци, велат од ВМРО-ДПМНЕ утрово преку соопштение, прашувајќи зошто...
Мицкоски: На достоинствен начин продолжуваме да го негуваме животот и делото на светите браќа Кирил и Методиј
На достоинствен начин продолжуваме да го негуваме животот и делото на светите браќа Кирил и Методиј, нивната благородна мисија обединува...
(Видео) Жена избоде седумнаесет луѓе на железничка станица во Хамбург
Напад со нож се случил вечерва на главната железничка станица во Хамбург, објави „Билд“. Најмалку седумнаесет лица беа повредени, а...
(Видео) Силни врнежи од дожд и град во Белград, поплавени улици и дел од автопатот
Ветер, град и пороен дожд го погодија Белград. Улици и автопат беа поплавени откако невреме го погоди српскиот главен град....
Двајца загинати во тешка сообраќајна несреќа во Скопје: мотоцикл излетал од коловозот и удрил во бетонски столб
Во тешка сообраќајна несреќа што се случи денеска на крстосницата меѓу булеварите „8 Септември“ и „Никола Карев“ во Скопје две...
(Фото) Република Македонија во Рим го одбележува денот на Свети Кирил и Методиј
Министерот за култура и туризам, Зоран Љутков, денеска и утре престојува во Рим, Италија, како член на државно-црковната делегација предводена...
Реакции на заканата од Трамп: Американските производители на виски, француската козметика и германската хемиска индустрија повикуваат на ублажување на тензиите
Откако Доналд Трамп повторно се закани дека ќе ја ескалира трговската војна и препорача воведување царина од 50 проценти за...
Временска прогноза за викендов: дожд, грмежи, засилен ветер и пониски температури
Времето утре ќе биде променливо облачно и нестабилно со повремени врнежи од дожд, проследени со грмежи и засилен ветер. Пообилни...
Силно одбранбено партнерство и целосна усогласеност со заедничката надворешна и безбедносна политика, Мисајловски и Калас ги посетија Балканските медицински наменски сили
Министерот Владо Мисајловски и високата претставничка на Европската Унија за надворешни работи и безбедносна политика, Каја Калас денеска (23 мај)...
Прв Дијалог за безбедност и одбрана меѓу Европската Унија и Северна Македонија
Денеска, во рамки на официјалната посета на високата претставничка на ЕУ за надворешни работи и безбедносна политика, Каја Калас, во...
Собрани околу 2,5 милиони евра за настраданите во Кочани, од Црвениот крст велат во неколку наврати вршеле исплата
Во рамките на апелот на Црвениот крст за поддршка на настраданите од катастрофалниот пожар во Кочани од 16 март, досега...
Мицкоски: Прифативме билатерална средба со Бугарија на маргините на НАТО, со присуство на претставници од ЕУ и САД
Премиерот Христијан Мицкоски откри дека прифатиле да седнат на маса со Бугарија на маргините на НАТО самитот со присуство на...
Мицкоски повика на фер третман: Уморни сме од постојаните блокади поради билатерални прашања
Премиерот Христијан Мицкоски и високата претставничка на ЕУ за надворешна политика и безбедност, Каја Калас имале отворен разговор за македонските...
Сè уште се надеваме дека планот А ќе функционира, рече Калас прашана зошто за Украина има, а за Македонија нема план Б
Високата претставничка на ЕУ за надворешни работи и безбедносна политика, Каја Калас, вели дека во случајот со Северна Македонија сè...
