Кетрин Зета-Џонс е внимателна со нејзината исхрана за да изгледа добро како пред 30 години кога ја започна својата кариера.

51-годишната актерка, која ги има Дилан (20) и Керис (17) со нејзиниот сопруг Мајкл Даглас, вели дека не се занесува со слатки и дека „јаде само вистинска храна“ затоа што мора за да ја задржи фигурата.

„Мојот сон е да ждерам колачи и слатки кога ќе бидам навистина стара“, вели sвездата на „Зоро“ во интервју за „Волстрит журнал“.

„Кога навистина ќе остарам, ќе почнам да земам многу витамини затоа што сакам да можам да јадам десерт до крајот на мојот живот.“

„Јас всушност јадам вистинска храна само затоа сега морам да го правам тоа“, се пошегува таа.

Нокаут дама: Сирена во црвено бикини за ТВ-серијата Darling Buds од 1990-тите.

Музичарот Џо Џонас и неговата сопруга актерката Софи Тарнер со гордост им открија на следачите на Инстаграм дека се вакцинирале против Ковид-19.

Со фотографија на која двајцата ги покажуваат свежо вакцинираните раце со лепенки преку убодот, тие ги охрабрија своите фанови да се имунизираат што поскоро.

Софи (25) изгледа сериозна додека гледа кон камерата со подигната рака, а нејзиниот сопруг (31) се фали со своите мускули.

На двојката сега сигурно ќе ѝ олесни откако поминаа повеќе од 12 месеци во самоизолација избегнувајќи го вирусот заедно со нивната ќеркичка Вила, која се роди во јули минатата година.

Алесандра Амброзио ја покажа својата беспрекорно тонирана фигура додека излегува од тренинг во спортски градник и хеланки, коментираат таблоидите, додавајќи дека атрактивната Бразилка ќе наполни 40 години в недела.

Таа неодамна му изјави љубов на новиот човек во нејзиниот живот, моделот Ричард Ли.

И додека се подготвува за својот 40.роденден, Алесандра продолжува со својата секојдневна рутина за да остане во топ-форма.

Во четвртокот, папараците ја уловија кога ја напушташе салата за вежбање во атлетско издание – зелен спортски градник и бели хеланки – кои ја истакнуваат нејзината беспрекорно тонирана фигура.

Подоцна таа се огласи на својот Инстаграм за да сподели фотографии од сесијата вежби.

Алесандра моментално ужива во нова жешка романса откако се раздели со момчето Николо Оди по двеодишна врска. Таа минатиот месец потврди дека е со моделот Ричард Ли, а таблоидите шпекулираат дека нивната врска станува сериозна.

Во неделата на Велигден, супермоделот сподели видеа од нив двајца заедно, како и фотографија на која се бакнуваат додека носат уши од зајачиња.

„Те сакам со целото мое срце“, напиша таа под објавата.