Забава
Хит на „Тик-ток“: слободните момчиња и девојки бараат љубов во маркетите користејќи ананас
Заборавете на „Тиндер“ и другите апликации за запознавање, бидејќи во Шпанија се појави нов тренд за запознавање што ја полуде генерацијата „З“ и стана тотален хит на „Тик-ток“. Младите Шпанци почнаа да бараат љубов во супермаркет, со мала помош од ананасите, а еве за што точно се работи.
Слободните во Шпанија почнаа да излегуваат во познат синџир супермаркети помеѓу 19 и 20 часот, додека користат таен код за да ги идентификуваат потенцијалните партнери. Оние кои бараат партнер ставаат ананас наопаку во нивните колички за купување за да покажат дека се достапни, а потоа се упатуваат во делот за вино.
Ако видат некој што им се допаѓа, го покажуваат својот интерес со тоа што ја удираат својата количка во неговата и потоа започнуваат разговор.
Покрај шифрата од ананас, има и други гестови кои ги користат, како на пример додавање чоколадо или слатки за да кажат дека бараат долга врска или нешто посериозно, додека ако бараат нешто лежерно, треба да додадат боранија или зелена салата во количката.
@carolrud25 Thats a nice pineapple 🍍🤣🤣#pineapple #upsidedownpineapple #thinkshesfunny #hubbyhumor #funnyvideos #fypシ゚viral #store #groceryshopping #hubbywifey #marriagehumor #makesmelaugh #youreanidot #lovesme #funnyvideos ♬ original sound – Caroline 💋
Носењето клучеви во рака и ѕвонењето со нив е знак дека тие учествуваат во нов ритуал за состанување, а ако некој ви стави тегла супа направена од мешавина од зеленчук во вашата количка, тоа значи дека и нему им се допаѓате.
Новиот тренд на запознавање во супермаркетите стана хит на „Тик-ток“ и се прошири и во другите европски земји, а луѓето пишуваат за нивните искуства.
„Два часа во одделот за вино со мојот ананас наопаку и никој не дојде да ми ја удри количката“, се пожали една девојка, додека друга се пошегува: „Ќе ја барам љубовта на мојот живот во супермаркет во 19 часот“.
„Имате убав ананас“, напиша една жена покрај видеото на кое нејзиниот партнер шета со превртен ананас во количка.
@miss.andersen8 Testing in Copenhagen the new trend in Spain: flirting in supermarkets, important: buy a pineapple, called Ligoteo Mercadona🍍🤪🤣#mercadona #dansktiktok #danskhumor #danskfyp #expatlife #expats #flirtingmood ♬ sonido original – 🌹Den glade enke❤️🔥😉
Лудоста за запознавање во супермаркетите е толку голема што во еден супермаркет во Билбао, на северот на Шпанија, морале да повикаат полиција поради големиот број самци кои се појавиле таму, а кога пристигнала полицијата, толпата си заминала.
Синџир супермаркети реши да го искористи виралниот тренд и на самците им порача: „Ананасите се на нашите полици и ве чекаат да одите на состанок“.
На трендот му се придружија и конкурентни синџири кои исто така ги повикуваат клиентите да им се придружат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Емилија Кларк се повредила при снимање експлицитна сцена во новата серија
Актерката Емилија Кларк (39), позната по улогата во „Игра на тронови“, откри дека се повредила на сетот на новата серија Ponies, додека снимала експлицитна сцена.
Во интервју за The Wrap, Кларк изјавила дека при снимањето на долга интимна сцена со тројца мажи, почувствувала болка и подоцна ѝ било утврдено дека има повреда на едно ребро.
„Само реков: ќе седнам тука, вие доведете ги, а ние ќе се правиме дека имаме секс. Тој ден си го повредив реброто“, изјавила Кларк, со доза на хумор. Додала и дека на лекар отворено рекла: „Секс. Три пати.“
Нејзината колешка од серијата, Хејли Лу Ричардсон, го потврдила инцидентот, коментирајќи дека „Емилија е толку ситна и чувствителна, затоа ѝ се случило тоа“.
Кларк прецизирала дека реброто не е скршено, туку само „малку се поместило“.
Серијата Ponies е премиерно прикажана на 15 јануари на стриминг-платформата Peacock. Кларк и Ричардсон играат две американски секретарки кои работат во амбасадата на САД во Москва во 1970-тите. По мистериозната смрт на нивните сопрузи – агенти на ЦИА – тие започнуваат потрага по вистината и се соочуваат со завера.
Иако Кларк има искуство со снимање интимни сцени, особено од „Игра на тронови“, ова е првпат ваква сцена да резултира со повреда.
Сè уште не е познато кога серијата Ponies ќе стане достапна и за гледачите надвор од САД.
Забава
Гвинет Палтроу призна: „Изгубив улога поради разводот“
Американската актерка и оскаровка Гвинет Палтроу изјави дека ѝ била одземена улога во филм поради медиумското внимание што го предизвика нејзиниот развод со фронтменот на групата „Колдплеј“, Крис Мартин.
Во подкастот „Гуд ханг“ со Ејми Полер, Палтроу откри дека разводот од 2014 година оставил последици врз нејзината кариера.
„Требаше да снимам филм во тој период, веднаш по објавата за разделбата со Крис, а тогаш во медиумите се објавуваа многу остри изјави. Мислам дека дистрибутерот рече: Ова можеби ќе биде премногу за филмот“, изјави Палтроу.
Актерката и музичарот беа на насловни страници ширум светот кога објавија дека се разделуваат по повеќе од една деценија брак и две деца.
„Пред сè, ние сме родители на две неверојатно прекрасни деца и молиме за почитување на нашиот и нивниот простор и приватност во овој тежок период“, стоеше во нивната заедничка изјава тогаш.
Палтроу не откри детали за филмот или продукциската куќа, но јасно стави до знаење дека одлуката ѝ била тешко прифатлива.
„Тоа беше прекрасно – се разведував, па потоа ме отпуштија“, рече иронично.
Таа додаде дека верува оти нивната намера – да избегнат бурен развод – била погрешно сфатена од јавноста.
И покрај сè, Палтроу и Мартин останале во добри односи и по официјалниот развод во 2016 година. Во 2019 година, актерката откри дека Крис им се придружил на неа и нејзиниот сегашен сопруг, Бред Фалчук, на меден месец, заедно со нивните деца.
Забава
„Ми делуваше како некој дедо“: Сара Фостер за состанокот со Џорџ Клуни кога имала 19 години
Сара Фостер откри дека во 1990-тите, кога имала 19 години, била на состанок со Џорџ Клуни, но искуството за неа било „многу непријатно“. Состанокот ѝ го договориле Синди Крафорд и нејзиниот сопруг Ренди Гербер.
Во подкастот The World’s First Podcast, Фостер раскажа дека веднаш почувствувала дека состанокот е „тотално не“, додавајќи дека Клуни ѝ изгледал „како дедо“ и дека разликата во години ѝ била многу чудна. Таа истакна дека никогаш не ги разбирала врските меѓу 19-годишни девојки и многу постари мажи.
„Сигурна сум дека Џорџ Клуни е супер човек, но се сеќавам дека сите четворица седевме на маса, а јас во главата си мислев: ‘Сакам да пропаднам во земја.’ Тој ми делуваше како некој ‘дедо’. Навистина ми беше многу непријатно. Бев тотално во лоша состојба“, раскажа таа.
Фостер смета дека ни Клуни не бил особено заинтересиран и дека состанокот бил резултат на добра намера на заедничките пријатели. Подоцна, таа беше во долга врска со тенисерот Томи Хас, со кого има две ќерки. Клуни, пак, е во брак со Амал Клуни од 2014 година и имаат близнаци.
Фото: ЕПА

