Контакт

Daily news

Храна која треба да ја избегнувате на патувањата

Објавено пред

За повеќето туристи, најдобар дел од патувањето е испробувањето на различна и егзотична храна. Сепак треба да бидеме внимателни, особено ако патуваме во земји, кои не се познати по завидното ниво на хигиена. Без разлика колкав гурман сте, треба да внимавате што ставате во уста кога патувате во светот.

Следат неколку најважни совети, кои можат да ви помогнат да патувате паметно:

1. Вода од чешма

Заразената вода е една од најчестите причини за болестите ширум светот. Бактериите, кои ја предизвикуваат дијареата, ротавирусите, колерата и други болести доаѓаат токму преку храната и водата загадена со човечки или животински измет.

Информирајте се однапред за дестинацијата на која патувате, проверете каква е водата од чешма. Доколку и малку се сомневате во нејзината чистина, пијте исклучиво флаширана вода и сокови и а избегнувајте миење на забите со вода од чешма.

2. Мраз

Слично како и со водата од чешма, некои бактерии можат да преживеат и во форма на мраз. Во земјите со сомнителен квалитет на водата мразот конзумирајте го само ако е направен од флаширана или провриена вода. Доколку не можете да проверите од каква вода е мразот, подобро да не го конзумирате.

3. Храна за која постои можност дека паднала на под

Доколку сте љубител на брза храна, би требало да водите сметка при одбирањето на локалот во кој ќе јадете. Храната која ќе падне на под може да биде контаминирана на безброј начини. Сетете се само на чевлите кои носат траги на се што ќе допрете, вклучувајќи го и изметот. Кога ќе видите дека персоналот е премногу лежерен и се сомневате во неговата хигиена, заобиколете го тој локал.

4. Храната и миењето раце

Миењето раце е еден од најсигурните начини за спречување на ширењето на болестите, но во многу земји процесот на миење раце пред допирањето на храната не е пракса. Иако се повеќе земји ја шират свеста за оваа навика, треба да помине уште многу време таа целосно да се усвои. Побарајте ресторан во кој готвачите и конобарите имаат чисти раце. Доколку за нивната хигиена не можете да заклучите само на прв поглед, пронајдете ги останатите знаци кои можат да ви укажат на тоа – од сапунот во тоалетите, чистата облека, па се до нивното однесување. Доколку некој го брише носот, а потоа не ги мие рацете, знаете што треба да направите.

5. Состојбата на храната на сонце

Контролирањето на температурата е клучен фактор за безбедноста на храната, која ја конзумирате. Вообичаено готвената храна (доколку не е наменета за чување во фрижидер) има рок на траење два часа за безбедна конзумација и таа вредност опаѓа доколку температурата на просторот во кој се наоѓа е превисока. Тоа особено се однесува на храната, која стои на сонце, особено на различни тезги. Избегнувајте храна, која стои на сонце, бидејќи таа е легло за бактерии.

6. Сурова храна

Овошјето и зеленчукот се здрави продукти за конзумација, но не и во земјите, каде водата од чешмите е контаминирана. Во тој случај е подобро да ги избегнувате. На местата каде водата не е безбедна држете се до правилото „излупете и згответе“.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

СРАМОТА! – Вечер на раскажување квир-приказни

Објавено пред

И годинава во Скопје по 6 пат се одржува „Викендот на гордоста Скопје 2018“ – СРАМОТА! – Вечер на раскажување квир-приказни.  Настанот ќе започне во Кино Култура, петок, 01.06, од 21 часот.

„Неколкумина раскажувачи од јавната културна, политичка и општествена сфера раскажуваат кратки приказни за телесниот, родовиот и сексуалниот срам кој ја обележал нивната општествена ненормативност – оттаму, „квир“ како она што излегува од рамките на прифатливиот општествен код. Со овие јавно изговорени приказни, срамот се превртува и трансформира, исмејаниот станува исмејувачот – срамот се враќа назад кон оние кои занесени
во својата арогантност и привилегија, претпоставуваат дека го имаат правото да бидат родова, сексуална и морална полиција, и да понижуваат. Со овие приказни, од срамот за нашите желби, задоволства, однесувања, движења и размислувања градиме наративи на отпор. Нашиот срам станува нашето задоволство и среќа. Наместо сведнатата глава и преплавувачкото црвенило, пркосиме. Наместо неподносливото гушење навнатре во себе, експлодираме од смеа“, пишува во поканата.

Овогодишни раскажувачи ќе бидат: Артан Садику, Никола Гелевски, Ивана Драгшиќ, Кирил Поп Христов – Кили, Маја Марковска и Лејла Каламујиќ. Модераторки се Румена Бужаровска и Ана Василева.

Викендот на гордоста Скопје 2018 се одржува во организација на Коалицијата МАРГИНИ и ЛГБТИ Центарот за поддршка при Хелсиншкиот комитет на РМ. Целта на серијата настани во рамки на Викендот на гордоста е да креираат простор за, и да промовираат, ненормативни форми на светоградење, односно релации, афекти, идентитетски позиции, телесни стилови и сензибилитети кои во рамки на хетеронормативното, националистичко и неолиберално капиталистичко опкружување се означени како настрани, изопачени, неуспешни, патолошки, чудни итн.  Носечката идеја позади Викендот на гордоста 2018 е НАСТРАНО. ПОЛИТИЧКО. и ќе се оддржува од 7-10 јуни.

Скопскиот викенд на гордоста 2018 е реализиран со поддршка на Heinrich-Böll-Stiftung, Фондација Отворено општество – Македонија, Министерство за култура, Европската унија и Civica Mobilitas.

Прикажи повеќе...

Daily news

Димитров бара мудрост и нерви пред средбата со Коѕијас

Објавено пред

„Пуштајте ми ве молам мудрост и нерви“ напиша министерот за надворешни работи, Никола Димитров, на својот фејсбук-профил пред да отпатува за Њујорк, каде што треба да се сретне со неговиот грчки колега Никос Коѕијас. Преговорите продолжуваат со посредство на медијаторот Метју Нимиц, а средбите се најавени за в четврток и в петок.

Коѕијас, пак, кој од вчера е во Вашингтон, веќе се сретна со американскиот државен секретар Мајк Помпео и индиректно потврди дека Атина не размислува за последниот предлог – Република Илинденска Македонија.

„Ние ја поддржуваме потребата да прифатиме едно од имињата што ги предложи Нимиц. Не се согласуваме, како што знаете, со петтото име од неговите предлози (Република Македонија (Скопје)) и одиме напред кон усвојување на еден стратегиски план за пријателска соработка со оваа земја во иднина, со нејзиното ново име“, изјавил Коѕијас.

Од друга страна, пак, премиерот Заев вчера изјави дека предлогот Република Илинденска Македонија не отпаѓа и побара грчаата страна уште еднаш да размисли.

– Тие информираа дека не пости парламентарно мнозинство за оваа работа, но се надевам дека преспиваат и добро размислуваат. Илинденското востание нема територијални претензии. За нас е важно зашто ова име го јакне идентитетот, а Грција добива одредница и уставни промен. Ова е вин-вин ситуација. Очекувам длабински да се разгледаат работите, да му дадеме шанса на овој предлог кој верувам дека е решение за 25-годишниот спор, рече Заев.

Прикажи повеќе...

Daily news

Демонстранти во Аргентина бараа да остане во сила законот против абортус

Објавено пред

Неколку стотини луѓе протестираа поради нацрт-закон за укинување на забраната за абортус во Аргентина.

На собирот организиран со слоган „За живот“ тие го осудија нацрт-законот што неодамна е поднесен во парламентот на разгледување.

„Оваа расправа не треба да се одржи бидејќи станува збор за избор помеѓу животот и смртта“, рекоа демонстрантите што носеа плакат „Легално или илегално, абортусот убива“.

Абортусот во Аргентина е дозволен само доколку бременоста е последица на силување или го загрозува животот на жената. Годишно во оваа земја умираат 100 жени поради компликации предизвикани од нелегален прекин на бременоста.

Надлежниот одбор на парламентот ќе расправа за предлог-законот на 20 март, а два месеца подоцна и пленумот. Засега не е извесно дали овој предлог-закон ќе биде усвоен.

Прикажи повеќе...

Најново

Македонија46 минути

Столтенберг: Македонија ќе добие покана ако има успешен референдум

Македонија ќе добие официјална покана за НАТО дури по целосна ратификација на договорот за спорот за името со Грција, што...

Македонија58 минути

Коѕијас: Европа мора да го испочитува дадениот збор кон Северна Македонија и Албанија

Земјите од ЕУ мора да го одржат својот збор и да ги отворат преговорите за пристап на Македонија и Албанија...

Македонија2 часа

И по речиси една година, обвинителството сè уште собира докази за злоупотребите во УЈП

„Предметите за кои покажувате интерес се во предистражна постапка и надлежните јавни обвинители од Основното јавно обвинителство за гонење организиран...

Македонија4 часа

СДСМ: ВМРО-ДПМНЕ ја лаже јавноста дека ќе се забрани користењето македонски топоними

Очигледно е дека ВМРО-ДПМНЕ нема друг начин на деjствување освен ширењето лажни вести, измислици и невистини преку кои се обидува...

Македонија5 часа

ВМРО-ДПМНЕ: Македонската жица на Заев e направена од свила, тој потпиша капитулација

СДСМ се откажа од сопствениот народ. За само една година владата на СДСМ на чело со Заев ја брише вековната...

Вести6 часа

Ердоган прогласи победа, тој е прв претседател со извршни овластувања

Турскиот претседател, Реџеп Таип Ердоган, прогласи победа во првиот круг на изборите на кои според официјалните податоци освои втор мандат,...

Македонија18 часа

Кошаркарите Антиќ, Стојановски и Чековски запишани како Северно Македонци на „Евробаскет“

Глобалниот сајт „Евробаскет“ ги промени податоците за националноста на македонските кошаркари. На профилите од Перо Антиќ, Дамјан Стојановски и Ѓорѓи...

Европа20 часа

ЕУ предлага центри за мигранти на Балканот и во Африка

Неколку лидери на Европската Унија го поддржаа планот за воспоставување на прифатни центри за мигранти во северна Африка и на...

Регион21 час

Дијалог Белград – Приштина: Разговорите тешки, позициите значително оддалечени

Во Брисел се одржува нова рунда преговори меѓу Белград и Приштина, под покровителство на Европската Унија. Дописникот на РТС пренесува...

Македонија1 ден

ВМРО – ДПМНЕ: Боењето е сценарио диригирано од Зоран Заев

Фрлањето боја врз седиштето на ВМРО – ДПМНЕ е сценарио на власта, обвини денес најголемата опозициона партија ВМРО – ДПМНЕ....

Македонија1 ден

Приведени 9 лица по протестот, носеле боксирач, скалпел и фантомки

Полицијата синоќа, откако заврши протестот пред Собранието, привела 9 лица. При претрес кај нив биле најдени пиротехнички средства, боксирач, скалпел...

Македонија1 ден

Чижов: Приемот на Македонија во НАТО ќе биде грешка со последици

Постојаниот руски претставник во ЕУ, Владимир Чижов во интервју за грчкиот весник „Катимерини” вели дека се надева оти решението на...

Европа1 ден

Експлодираше зграда во Германија – повредени 25 лица

Дваесет и пет лица  се повредени, од кои четворица сериозно, кога експлозија уништи станбена зграда во западниот германски град Вупертал,...

Македонија1 ден

Заев за „Политика“: Верувам во успешен референдум

Референдумот ќе успее, а тоа би било успех за граѓаните на Македонија, вели премиерот Зоран Заев во изјава за српскиот...

Македонија1 ден

СДСМ го осуди нападот врз штабот на ВМРО-ДПМНЕ

Социјалдемократскиот сојуз на Македонија го осуди нападот на централниот штаб на ВМРО-ДПМНЕ и секаков друг вид на насилства коишто ја...

Македонија1 ден

Шекеринска со писмо до земјите членки на НАТО: Ја барам вашата поддршка за Македонија 

По постигнувањето на договорот со Грција, министерката за одбрана Радмила Шекеринска испрати писмо до министрите за одбрана на 29-те земји...

Надворешна политика1 ден

Коѕијас ги подготви писмата за ЕУ и НАТО

Mинистерот за надворешни работи на Грција Никос Коѕијас денеска ќе ги потпише, а утре писмено ќе ги извести ЕУ и...

Македонија1 ден

(Видео) ВМРО-ДПМНЕ: Кукавички нападнат и каменуван штабот на партијата

Кукавички беше нападнат и каменуван централниот штаб на ВМРО-ДПМНЕ, обвини партијата.Игор Јанушев, генерален секретар на ВМРО-ДПМНЕ изјави дека нападот на...

Свет1 ден

Претседателски и парламентарни избори во Турција 

Во Турција денеска ќе се одржат вонредни претседателски и парламентарни избори, откако на 16 јули минатата година народот на референдум...

Македонија2 дена

Демонстрантите побараа оставка од Владата и изразија поддршка за Иванов

Еден и пол час траеше вечерашниот протест за одбрана на името во Скопје. Од бината пред Собрание демонтрантите побараа оставка...

Досие