Фантазијата за комуникација со животни постои одамна, особено од пред 50 години, кога доктор Дулитл првпат се појави во Холивуд. Експертите сега веруваат дека тоа конечно може да стане реалност.

Ова би можело да се постигне со помош на вештачка интелигенција која ќе создаде системи за толкување и преведување. Овие системи ќе ни помогнат да разбереме што  мислат животните за нас.

Меѓу првите животни кои ќе бидат подложени на овој модел на тестирање се китовите, мајмуните и слоновите. Системот треба да собере повеќе од 50 000 часа на аудиоснимки на комуникација што се одвива меѓу китовите, како и звучни снимки од најпопуларните собиралишта на слонови во Конго.

Дигитална трансформација претставува процес на зголемена употреба на дигитални алатки и технологии од страна на една организација (компанија) со цел да се изврши коренита промена на внатрешните и надворешните процеси и функции на истата. Ако сака да успее на пазарот, секоја корпорација, бренд, мало или средно претпријатие, фриленсер, занаетчија мора да се стреми кон тоа. Она што е важно и треба да се потенцира е дека дигиталната трансформација е предводена од стратегијата, а не од технологијата.

Токму ова ќе биде во фокусот на седмото издание на AllWeb, конференцијата за дигитални комуникации, која на 16 ноември ќе се одржи во Скопје. Како и до сега, на сцена ќе се појават врвни говорници од Европа и светот за да ги споделат своите искуства и научени лекции на темата. Покрај тоа, ќе се зборува и за иднината на (социјалните) медиуми и за други актуелни теми од светот на маркетингот и онлајн комуникацијата.

,,Седми пат по ред AllWeb ќе покаже зошто беше прва и сè уште е единствената конференција за дигитални комуникации во Македонија. Листата на говорници ја составувавме многу внимателно за секој учесник да може да слушне нешто од неговото поле на интерес. За некои од посетителите, ова ќе биде ново и сосема поинакво искуство, за други ќе значи почеток на промена во работењето, за трети можеби и нови бизнис-можности, но едно е сигурно – никој нема да остане рамнодушен“, вели Дарко Булдиоски, директор на програма на AllWeb.

На конференцијата се очекува учество на околу 300 претставници на високите одлучувачки структури во различни компании, маркетинг и професионалци за односи со јавноста, претприемачи. Дел од говорниците на сцената се Мет Десмајер – директор на компанијата за стратешки комуникации Wise Old Uncle, Драган Варагиќ – консултант за дигитална трансформација и автор на книгата „Дигитален пре-маркетинг“, Владимир Тошиќ- менаџер за дигитални комуникации во „Кока-кола“ за југоисточна Европа и др. Билетите се достапни преку официјалната веб-страница на конференцијата: allweb.mk.

Роботите најдоцна до 2025 година ќе извршуваат 52 отсто од постоечките работи, што е речиси двојно повеќе од денес, се наведува во истражувањето објавено од страна на Светскиот економски форум (WEF).

Студијата се базира на анкета во која беа вклучени директори на кадровски служби и други високи челници на голем број компании од целиот свет, кои во глобалниот БДП имаат удел од околу 70 отсто.

Според нивните проценки, машините до 2025 година ќе извршуваат повеќе од половина од задачите на работното место, додека денес завршуваат 29 проценти од работата, се наведува во извештајот на Светскиот економски форум со наслов „Иднината на работните места 2018“.

Паралелно со тоа луѓето може да добијат нови улоги, што од нив ќе бара преквалификација за да задржат чекор со „тектонските поместувања“ во однос на машините и компјутерските програми, проценува Светскиот економски форум.

„Брзите промени на машините и алгоритмите би можеле да создадат 133 милиони нови позици кои ќе ги заменат 75-те милиони во згасување, во периодот од сега до 2022 година“, предвидува Светскиот економски форум.