Роберт де Ниро и Џон Бојега влегуваат во брза лента со новиот трилер The Formula за „Нетфликс“.

77-годишниот Де Ниро и 28-годишниот Бојега ќе бидат главни протагонисти во филмот, а Де Ниро ќе биде и продуцент, заедно со својот долгогодишен соработник Џејн Розентал, објави порталот „Дедлајн“.

Жерард Мекмареј го напиша сценариото и воедно и ќе го режира филмот, негова втора соработка со „Нетфликс“ откако претходно напиша и режираше еден од нивните први оригинални филмови, Burning Sands, од 2017 година.

Според најавата, „Формулата“ е возбудлива сторија за некогашен возач на трки,  „тркачко чудо на Формула 1, кој е принуден да стане возач за бегство за да го спаси единственото семејство што му остана“.

Некогашниот тркач на Ф1 мора да вози за мафијата за да го спаси своето семејство.

Деми Ловато се враќа на малите екрани на голема врата, со главна улога во нов проект на Ен-би-си, комедија под наслов Hungry.

Доколку проектот се претвори во серија, тоа ќе биде прва редовна улога на 28-годишната пејачка и актерка откако го играше насловниот лик во Sonny with a Chance, која се прикажуваше од 2009 до 2011 година.

Според порталот „Холивуд репортер“, проектот сè уште нема добиено нарачка за серија.

Тие заедно глумеа во 13 Going On 30,  романтична комедија од 2004 година.

Џенифер Гарнер и Џуди Грир негуваат пријателство кое трае до денес.

Во понеделникот, по прошетката со Џуди, Џенифер ги задеваше своите следачи на Инстаграм предизвикувајќи ги да погодат со кого се дружи тој ден.

Таа ја покажа својата придружничка одзади на својата инстаграм-приказна и напиша: „Денес бев да се прошетам со една од моите најомилени личности“.

На друга фотографија, Џенифер напиша: „Совет: Застанува и разговара со секое куче што ќе го види!“

Гарнер е мајка на Вајолет (15), Серафина (12) и синот Семјуел (8), кои ги дели со поранешниот сопруг Бен Афлек. Таа и добитникот на „Оскар“ за „Арго“ се разделија во 2015 година по 10 години брак, а разводот го финализираа во 2018 година.