Илјадници корисници ширум светот не можат да се вклучат на „Твитер“. Од компанијата првично наведоа дека ги испитуваат можните причините поради кои корисниците не можат да пристапат до платформата, а подоцна соопштија дека проблемот настанал поради промена на внатрешната конфигурација.

„Прекинот се должи на промена на внатрешната конфигурација, која сега ја решаваме. Некои луѓе повторно ќе можат да пристапат до ‘Твитер’. Работиме на тоа ‘Твитер’ да биде достапен за сите што е можно побрзо“, соопштија од компанијата.

Според податоците на Downdetector.com засега близу 70.000 корисници пријавиле дека не можат да се логираат.

Откако корисниците почнале да објавуваат дека имаат проблеми со пристапот до платформата, акциите на „Твитер“ паднале.

Компанијата „Тојота“ влезе во Гинисовата книга на рекордите, беше објавено на нивниот официјален блог, но ваквото достигнување нема никаква врска со производството на автомобили. Во 2017 година инженери од јапонската компанија решиле дека би било забавно да го искористат своето слободно време за изработка на кошаркарски робот кој би можел да погоди кош од секој обид.

До април 2019 година ја претставија својата трета модификација на роботот кој го нарекоа CUE3, а веќе следниот месец роботот се обиде и успеа да постави Гинисов рекорд за најуспешна серија на слободни фрлања на хуманоиден робот (со човечка помош).

Првата цел на тимот за поставување светски рекорд била 1.000 коша, која CUE3 лесно ја постигнал, така што му била поставена нова цел – 2.020, симболична цифра во знак на престојните Олимписки игри во Токио. По тоа, тие се одлучиле да запрат иако роботот сè уште не промашил ниту еден кош.

Сепак, колку и да е импресивно ова достигнување, CUE3 не е ограничен само на слободни фрлања. Вештачката интелигенција што го управува роботот успешно ја одредува оддалеченоста до целта, што практично значи дека тој може да погоди кош и од линијата за три поени, па дури и од центарот на теренот. Погодоците ги реализира еднакво успешно и со левата и со десната рака.

Корисниците по се изгледа не може туку-така да веруваат дека сите апликации во „Гугл плеј стор“ се безбедни.

Токму ова го докажува истражување што било спроведувано дури две години. Универзитетот во Сиднеј пронашол околу 2.040 штетни и злонамерни апликации на популарната платформа за андроид уреди.

Во истражувањето биле анализирани еден милион апликации во продавницата „Гугл плеј“. Притоа детектирани се голем број лажни апликации, апликации за кои е потребен пристап до многу приватни податоци за корисниците, а интересно е дека меѓу ваквите апликации спаѓаат и некои популарни игри, вклучувајќи ги Hill Climb Racing или Temple Run. За успешно да се анализираат толку многу апликации, истражувачите користеле методи на машинско учење, пренесува „PC Press“.

Алгоритмите откриле дури 49.608 потенцијални закани. Потоа, со користење на VirusTotal софтверот, 7.246 апликации биле карактеризирани како злонамерни, додека 2.040 од нив биле оценети како лажни или високо ризични.