Животот на холивудската икона Одри Хепберн доаѓа на малиот екран со нова телевизиска серија.

Сценаристката и продуцентка на „Добра сопруга“, Жаклин Хојт, ќе ја пишува драмската серија, објави „Варајети“.

Проектот ќе биде заедничка продукција на италијанската продуцентска куќа „Вајлсајд и Фремантл“, позната по неколку хитови, меѓу нив и „Младиот папа“.

Актерката беше едно од најсаканите и најпрепознатливи лица на 20 век глумејќи во многу филмски евергрини, како што се „Сабрина“, „Празник во Рим“, „Појадок кај Тифани“ и „Мојата убава дама“.

Мадона ја прикажа својата младешка визуализација и ултрафит-фигура во серија фотографии што ги сподели на својот „Инстаграм“ во средата.

62-годишната поп-мегаsвезда е облечена во мрежести хулахопки и во интересна креација на „Гучи“ по првата проекција на својот концертен филм „Мадам икс“.

„Јас сум толку многу Гучи… екранизирана Мадам икс во киносала со 500 седишта!! Само 12 луѓе беа таму, но беше толку добро да се види на голем екран!“, напиша Мадона, која може да се пофали со 15,8 милиони следачи на „Инстаграм“.

Рене Зелвегер се враќа, буквално и фигуративно, со новиот проект The Back Nine.

51-годишната двократна добитничка на „Оскар“ се потпиша да глуми во комедијата за голф од режисерот и косценарист Мајкл Патрик Кинг, дознава „Холивуд репортер“.

Ова ќе биде нејзин прв филмски проект по „Џуди“ од 2019 година кога го доби својот втор „Оскар“ за портретирање на култната Џуди Гарланд.

Зелвегер ќе глуми поранешна голферка, која се откажува од сопствените аспирации за да ја поддржи професионалната кариера на нејзиниот сопруг и да биде блиску до нивниот син.

Откако нејзиниот брак и семеен живот почнуваат да тонат, таа одлучува да ги оствари своите соништа да стане професионален играч на голф.

Мајкл Патрик Кинг ќе го режира филмот по сценариото што го напиша заедно со Џони Марчинко и Криста Смит.