Забава
Беше најубавото лице на светот, а денес е една од најомразените жени во Холивуд
Благодарение на судењето со поранешниот сопруг Џони Деп и тоа што судскиот процес го следеа камери, а со тоа и целиот свет, Амбер Херд стана една од најомразените жени во Холивуд.
Во изминатите неколку недели, Амбер Херд, до неодамна позната како поранешна сопруга на Џони Деп и убавата Мера од „Аквамен“, изминатиов период беше предмет на навреди, понижувања и хејтање на социјалните мрежи кое достигна неверојатни размери.
Во написот објавен пред неколку дена, „Њујорк Тајмс“ се осврна на напливот на омраза кон Амбер и заклучи дека огромна количина на ваквата омраза доаѓа во јавниот простор поради стотиците профили на „Тик-ток“ и „Јутјуб“ кои се занимаваа со случајот Деп-Херд.
„Ако го следите судењето на социјалните мрежи, малку е веројатно дека воопшто ќе наидете на нешто позитивно за Амбер Херд“, пишува Њујорк Тајмс.
На коментарите со омраза на сметка на Амбер, кои достигнаа милиони, влијаеше и фактот што судењето се пренесуваше во живо на Јутјуб и сите корисници можеа да дебатираат за она што го гледаат, а набљудувачите можеа да создадат свој впечаток иако никој од нив не можеше директно да влијае на исходот.
Дека Амбер собра милиони хејтери во последните неколку недели сведочи и петицијата нејзината улога во „Аквамен 2“ целосно да се повлече од филмот. Вкупно 4.558.086 луѓе досега потпишале петиција за отстранување на Херд од филмот, а тимот што ја покренал петицијата има за цел да собере 6 милиони потписи.
Од жена со најубаво лице на светот и активистка за правата на жените, Амбер Херд за неколку години стана една од најомразените жени во Холивуд, а ако се погледнат коментарите на интернет, и една од најомразените жени во светот.
Дали Амбер Херд ќе остане една од најомразените актерки во историјата?
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Меган Маркл бакна друг маж, реакцијата на принцот Хари стана вирална на социјалните мрежи
Пред неколку дена на хуманитарното натпреварување во поло во Велингтон, Флорида, избраниците на принцот Хари забележаа две победи, што значи дека беа шампиони на овој мини турнир.
Меѓутоа, кога дојде моментот да им се честита трофејот, дојде до неочекувана, но симпатична реакција од војводата од Сасекс, кој не можеше да ја задржи својата љубомора.
Имено, Меган Маркл, сопругата на Хари, се качи на сцената за да им честита на победниците. Војвотката го бакна на двата образа соиграчот на Хари и капитен на тимот, Малколм Борвик, а реакцијата на нејзиниот сопруг на потегот стана вирална на социјалните мрежи.
@czedits__fp__ 😭😭 #princeharry#meghanmarkle#sussexroyal#sussex_family#royal#harryandmeghan#dukeharry#duchessmeghan#dukeofsussexs#duchessofsussex#fyp#meghanandharry#dukeandduchess#royalcouple#meghanmarkleandprinceharry#princehenry#meghanmarklestyle#princeharryandmeghanmarkle#princeharryedit#meghanmarkleedit#fouryou ♬ původní zvuk – •sussex family•
На снимката се гледа дека на Хари не му е сеедно, но судејќи според следните снимки, јасно е дека се шегувал.
View this post on Instagram
Забава
Леонардо ди Каприо го игра Френк Синатра во новиот филм на Мартин Скорсезе
Леонардо ди Каприо наводно добил улога на Френк Синатра во новиот филм на Мартин Скорсезе, пишува „Вараети“. Улогата на Ава Гарднер ѝ припадна на Џенифер Лоренс, со која Ди Каприо соработуваше на филмот Don’t Look Up.
Од друга страна, Ди Каприо и Скорсезе соработуваа неколкупати.
Ова дуо е еден од најплодните актерско-режисерски парови, зад нив се филмовите, како „Бандите на Њујорк“, „Авијатичарот“, „Заминат“, „Островот затворач“ и „Волкот од Волстрит“. Нивниот последен филм, Killers of the Flower Moon, беше номиниран за 10 „Оскари“.
Веста за биографскиот филм на Френк Синатра беше дочекана со ентузијазам од фановите и коментираа на социјалните мрежи дека „Ди Каприо е одличен избор за улогата на Френк Синатра“.
Забава
Роберт де Ниро откри кои се неговите омилени актери на сите времиња
Има малку актери што може да се споредат со Роберт де Ниро.
Добитник е на два „Оскара“ и седум номинации во актерски категории. Де Ниро е титан на холивудското платно, кој постигна некои од неговите најнезаборавни изведби во филмовите на Мартин Скорсезе, Френсис Форд Копола и Квентин Тарантино.
Де Ниро ја имаше својата прва улога во филмот на Скорсезе, Mean Streets, од 1973 година. Тој толку многу го освои славниот режисер што го нарече најголемиот актер на неговата генерација.
Кариерата на Роберт де Ниро беше обележана со улоги во мрачни трилери и гангстерски филмови за кои стана синоним за Ал Пачино, Џо Пеши и Реј Лиота.
Запрашан за неговите најрани филмски влијанија, Де Ниро откри дека црпел инспирација од британската кинематографија. Што се однесува до Америка, тој како најинтересни актери ги издвојува Џејмс Дин, Марлон Брандо, Монтгомери Клифт, Ким Стенли и Грета Гарбо.
Омилени актери на Роберт де Ниро му се: Марлон Брандо, Монтгомери Клифт, Џејмс Дин, Грета Гарбо, Алберт Фини, Ричард Харис, Ким Стенли.