Забава
Брајан Адамс додава рок-нота на календарот на Пирели
Шер, Рита Ора, Иги Поп, Џенифер Хадсон и други музички ѕвезди заземаат централно место во календарот на Пирели за 2022 година, претставен во понеделникот, а го направи канадскиот рокер и фотограф Брајан Адамс.
Сепак, 62-годишниот Адамс не можеше лично да го искаже својот став за календарот во Милано, откако беше позитивен на тестот за Ковид-19 по пристигнувањето во Италија минатата недела. Тој се приклучи на прес-конференција од далечина преку видео.
Наречен On The Road, календарот се обидува да прикаже еден ден од животот на музичар на турнеја.
На корицата е прикажана гитаристката и пејачка Ени Кларкс („Ст. Винсент“) како позира со Пирели-пик за гитара на јазикот. Има слики од Шер и Иги Поп во соблекувални, Рита Ора во када, раперката Савити турка количка за багаж, и Џенифер Хадсон опкружена со цвеќиња.
Раперот Бохан Феникс позира на пијано додека фотографијата на Грајмс е поставена во футуристички амбиент. Адамс, кој ги направи фотографиите во Лос Анџелес, Капри и Канада минатото лето, исто така се појавува.
„Со сите овие слики, фантазијата игра голема улога во обидот да се создаде нешто“, рече тој. „Бидејќи не сакате да биде буквално, сакате да биде гламурозно, но сепак дава впечаток како би можело да изгледа.
Откако пристигна во Милано минатата недела, Адамс соопшти дека повторно, втор пат за еден месец, е позитивен на Ковид-19. Оттогаш тој објави неколку фотографии, заблагодарувајќи им се на лекарите и медицинските сестри кои се грижат за него.
Адамс е најпознат по песните како Summer of ‘69, Heaven, Everything I Do I Do It for You.
Како фотограф, ги снимал Мик Џегер и Наоми Кембел, како и британската кралица Елизабета. Тој има објавено и книги со негови фотографии, вклучувајќи и една за повредени британски војници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Меган Маркл бакна друг маж, реакцијата на принцот Хари стана вирална на социјалните мрежи
Пред неколку дена на хуманитарното натпреварување во поло во Велингтон, Флорида, избраниците на принцот Хари забележаа две победи, што значи дека беа шампиони на овој мини турнир.
Меѓутоа, кога дојде моментот да им се честита трофејот, дојде до неочекувана, но симпатична реакција од војводата од Сасекс, кој не можеше да ја задржи својата љубомора.
Имено, Меган Маркл, сопругата на Хари, се качи на сцената за да им честита на победниците. Војвотката го бакна на двата образа соиграчот на Хари и капитен на тимот, Малколм Борвик, а реакцијата на нејзиниот сопруг на потегот стана вирална на социјалните мрежи.
@czedits__fp__ 😭😭 #princeharry#meghanmarkle#sussexroyal#sussex_family#royal#harryandmeghan#dukeharry#duchessmeghan#dukeofsussexs#duchessofsussex#fyp#meghanandharry#dukeandduchess#royalcouple#meghanmarkleandprinceharry#princehenry#meghanmarklestyle#princeharryandmeghanmarkle#princeharryedit#meghanmarkleedit#fouryou ♬ původní zvuk – •sussex family•
На снимката се гледа дека на Хари не му е сеедно, но судејќи според следните снимки, јасно е дека се шегувал.
View this post on Instagram
Забава
Леонардо ди Каприо го игра Френк Синатра во новиот филм на Мартин Скорсезе
Леонардо ди Каприо наводно добил улога на Френк Синатра во новиот филм на Мартин Скорсезе, пишува „Вараети“. Улогата на Ава Гарднер ѝ припадна на Џенифер Лоренс, со која Ди Каприо соработуваше на филмот Don’t Look Up.
Од друга страна, Ди Каприо и Скорсезе соработуваа неколкупати.
Ова дуо е еден од најплодните актерско-режисерски парови, зад нив се филмовите, како „Бандите на Њујорк“, „Авијатичарот“, „Заминат“, „Островот затворач“ и „Волкот од Волстрит“. Нивниот последен филм, Killers of the Flower Moon, беше номиниран за 10 „Оскари“.
Веста за биографскиот филм на Френк Синатра беше дочекана со ентузијазам од фановите и коментираа на социјалните мрежи дека „Ди Каприо е одличен избор за улогата на Френк Синатра“.
Забава
Роберт де Ниро откри кои се неговите омилени актери на сите времиња
Има малку актери што може да се споредат со Роберт де Ниро.
Добитник е на два „Оскара“ и седум номинации во актерски категории. Де Ниро е титан на холивудското платно, кој постигна некои од неговите најнезаборавни изведби во филмовите на Мартин Скорсезе, Френсис Форд Копола и Квентин Тарантино.
Де Ниро ја имаше својата прва улога во филмот на Скорсезе, Mean Streets, од 1973 година. Тој толку многу го освои славниот режисер што го нарече најголемиот актер на неговата генерација.
Кариерата на Роберт де Ниро беше обележана со улоги во мрачни трилери и гангстерски филмови за кои стана синоним за Ал Пачино, Џо Пеши и Реј Лиота.
Запрашан за неговите најрани филмски влијанија, Де Ниро откри дека црпел инспирација од британската кинематографија. Што се однесува до Америка, тој како најинтересни актери ги издвојува Џејмс Дин, Марлон Брандо, Монтгомери Клифт, Ким Стенли и Грета Гарбо.
Омилени актери на Роберт де Ниро му се: Марлон Брандо, Монтгомери Клифт, Џејмс Дин, Грета Гарбо, Алберт Фини, Ричард Харис, Ким Стенли.