Забава
Британските музичари го зголемуваат притисокот за турнеи во земји на ЕУ
Музичките sвезди од Велика Бритнија, вклучувајќи ги сер Елтон Џон и „Рејдиохед“, вршат притисок врз владата да ги реши проблемите околу турнеите во земјите членки на Европската Унија по брегзит.
Уметниците од Велика Британија ќе се соочат со бирократија и давачки за визи за да одржат концерт или турнеја во некои земји на ЕУ.
Сер Елтон Џон изјави за „Гардијан“: „Или преговарачите за брегзит не се грижеа за музичарите, или не размислуваа за нив, или не беа… подготвени“.
Но, министерката за култура Керолајн Диненејџ рече дека владата „се залагала за решение и дека вратата е сè уште отворена“.
Таа им рече на пратениците во понеделникот дека владата претстави „многу јасен план“ за да им се дозволи на музичарите да патуваат без работни дозволи, изготвен „во консултација со експерти од Велика Британија и од креативните сектори“. Таа додаде: „Едноставно, ЕУ го одби овој предлог“.
Брисел претходно го тврдеше спротивното, велејќи дека всушност Велика Британија е таа што ја одбила неговата понуда, пишува Би-би-си.
Во меѓувреме, Колин Гринвуд од „Рејдиохед“ рече дека владата не сторила доволно за креативните индустрии во преговорите.
„Како Хамбург што беше за Битлси, и Европа беше клучна за нашиот раст како бенд“, напиша басистот во „Гардијан“.
„Ни овозможи да се видиме себеси одврзани од нашите корени во Велика Британија и да замислиме живот во музика што може да допре до публика насекаде. Создадовме трајни пријателства, гостувавме со музичари од Европа и нурнавме длабоко во нејзините клубови, фестивали, продавници за плочи и музички куќи.“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Бијонсе ја покажа природната коса: Погрешно е мислењето дека луѓето кои носат перики немаат долга и здрава коса
Најголемата музичка ѕвезда на денешницата, Бијонсе, за прв пат во кариерата ја покажа целосно природната коса, се со цел да ја промовира својата нова линија на производи за коса која ја нарече „Cécred“.
Бијонсе често носи перики и навистина ретко ја покажува својата природна коса, но во видеото кое го објави на Инстаграм го покажа целиот процес од фризерскиот салон.
„Погрешно е мислењето дека луѓето кои носат перики немаат долга и здрава коса“, изјави поп дивата и објасни дека косата ја суши на средна температура и се труди што повеќе да ја спаси од топол воздух. Таа користи четка од стар стил за да ја исправи косата, ја фарба и не користи третмани како минивал и слично.
„Ја чувам мојата природна коса русокоса веќе 25 години и тоа одигра голема улога во идејата за лансирање на овие производи“, објасни Бијонсе.
Нејзиното видео за 24 часа е прегледано два милиони пати.
Забава
Џенифер Лопез за првпат во сосема „обично“ издание
Џенифер Лопез (54) носи беспрекорни фустани на јавната сцена и ја нарекуваат кралица на стилот, а често ги раздвижува модните трендови, па дури и знае совршено да носи необични комбинации.
Нејзиниот фантастичен изглед во шестата деценија се должи на нејзината посветеност на спортот и здравиот начин на живот. Познато е дека латино дивата секој ден оди во теретана и дека цел живот напорно тренира, како и дека папараците будно ја следат, па често ја фаќаат во тренерки и патики кога оди на тренинг.
Меѓутоа, додека ја напуштала луксузната зграда во Њујорк, таа изгледала речиси непрепознатливо, без шминка и со мокра коса. Се качила во луксузен автомобил, а се претпоставува дека одела на адресата каде што ја чекале нејзиниот долгогодишен тим експерти – шминкери, фризери и стилисти , за да може да блесне во изданието на кое сме навикнати од оваа голема ѕвезда.
Забава
Ќерката на познатата актерка блесна во фустанот што го носеше нејзината мајка пред 25 години
Наследничката на славната двојка го прослави својот роденден во она во што порано блескаше нејзината мајка Кетрин Зета Џонс.
Ќерката на познатата актерска двојка Кетрин Зета Џонс и Мајкл Даглас пред неколку дена го прослави својот 21 роденден, а за таа прилика облече прекрасен фустан кој нејзината мајка го носеше дури пред 25 години.
Дека јаболкото не паѓа далеку од дрвото и дека некои парчиња облека се вечни, без разлика на модните трендови, покажала младата и убава Керис Зита Даглас, која не била ни родена кога нејзината мајка ја носела оваа креација од свила и тантела.