Забава
(Видео) „Дамски гамбит“ меѓу најдобрите 10 ТВ-серии за 2020 година
Гледано наназад, 2020 година беше креативно еднакво исполнета и за недоволно експонираните филмаџии, но беше прилично вообичаена во телевизиска смисла. Стриминг-индустријата забележа добро документиран бум оваа година. Додека повеќето луѓе беа затворени во своите домови, стримерите го искористија опкружувањето на вистински капиталистички начини, коментираат медиумите.
Queen’s Gambit или „Дамски гамбит“ е секако меѓу првите на листата на топ 10 серии за изминатава година. Ова е вид на престижна драма каква што „Нетфликс“ треба почесто да продуцира – серија што може да привлече и публика и воодушевување.
Од творецот Скот Френк, „Дамскиот гамбит“ не е толку приказна за шахот, колку што е приказна за љубезноста, за тоа како човечките суштества можат да станат нешто посебно доколку се во вистинско опкружување и како, понекогаш, дури и најталентираните не успеваат поради суровоста на другите.
Базирана на истоимен роман од 1983 година, драмата на „Нетфликс“ ја следи приказната за необично шаховско чудо во ерата на Студената војна.
Ѕвездата на драмата, Ања Тејлор-Џој, совршено одговара во изведбата како проблематична генијалка Бет Хармон. Младата актерка блеска во улогата на сираче, а потоа млада девојка која храбро зачекорува во светот на шахот во кој доминираат мажите, и успева да ги победи и најдобрите.
Медиумите ги цитираат филмските критичари, нарекувајќи ја женска верзија на Боби Фишер.
Мини-серијата, исто како и романот, насловот го доби по еден шаховски потег, односно отворање со пиони, познат како дамски гамбит.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.
Забава
(Видео) Џорџина и Роналдо објавија видео од плажа, им се допадна на три милиони луѓе
Џорџина Родригез на „Инстаграм“ објави романтично видео на кое ужива на плажа со својот партнер Кристијано Роналдо ставајќи крај на шпекулациите за проблеми во врската.
View this post on Instagram
„Во рајот со тебе“, напиша таа покрај видеото на кое се шетаат на плажа и се бакнуваат, а видеото им се допадна на повеќе од 3 милиони луѓе.
Роналдо на својот „Инстаграм“ сподели и фотографии од одморот, каде што покажа како се забавуваат и напиша: „Среќа“.