Забава
(Видео) Од Исланд до Индија – каде одат ѕвездите да ги снимаат своите музички спотови
Поп-спотовите постоеја многу пред 1 август 1981 година, но со лансирањето на 24-часовниот музички канал Ем-ти-ви беше јасно дека визуелните елементи ќе станат еднакво важни како и песните.
А кога се однесува на привлечни имиџи, изведувачите беа и сè уште се (тоа им го дозволува Ковид-19) повеќе од среќни да се качат во авион и да се упатат на некое егзотично место за да снимаат мини филм.
Во раните 80-ти „Дјуран Дјуран“ беше синоним за модерни кинематографски продукции снимени на далечни места.
Снимена во Шри Ланка, промоцијата за филмот Hungry Like the Wolf (1982) доловува неверојатно чувство на Raiders of the Lost Ark , а посетителите што планираат обиколка на островот во Индискиот Океан може да изнајмат автомобил и возач и да ги пронајдат локациите претставени во Save a Prayer (1982).
Друг класик на сјајниот гламурозен жанр е спотот на „Вем“ за нивниот хит Club Tropicana (1983), кој беше снимен во хотелот Pikes, на шпанскиот остров Ибица.
Хотелот, тогаш во сопственост на кралот на хедонизмот на Ибица, Тони Пајк, беше популарен кај славните гости, меѓу кои Елтон Џон, Бој Џорџ, Фреди Меркјури и Кејт Мос.
Видеото за друг хит на „Вем“, Last Christmas (1984), делумно беше снимено во хотелот Walliserhof Grand, во скијачкиот центар Saas-Fee, Швајцарија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Бијонсе ја покажа природната коса: Погрешно е мислењето дека луѓето кои носат перики немаат долга и здрава коса
Најголемата музичка ѕвезда на денешницата, Бијонсе, за прв пат во кариерата ја покажа целосно природната коса, се со цел да ја промовира својата нова линија на производи за коса која ја нарече „Cécred“.
Бијонсе често носи перики и навистина ретко ја покажува својата природна коса, но во видеото кое го објави на Инстаграм го покажа целиот процес од фризерскиот салон.
„Погрешно е мислењето дека луѓето кои носат перики немаат долга и здрава коса“, изјави поп дивата и објасни дека косата ја суши на средна температура и се труди што повеќе да ја спаси од топол воздух. Таа користи четка од стар стил за да ја исправи косата, ја фарба и не користи третмани како минивал и слично.
„Ја чувам мојата природна коса русокоса веќе 25 години и тоа одигра голема улога во идејата за лансирање на овие производи“, објасни Бијонсе.
Нејзиното видео за 24 часа е прегледано два милиони пати.
Забава
Џенифер Лопез за првпат во сосема „обично“ издание
Џенифер Лопез (54) носи беспрекорни фустани на јавната сцена и ја нарекуваат кралица на стилот, а често ги раздвижува модните трендови, па дури и знае совршено да носи необични комбинации.
Нејзиниот фантастичен изглед во шестата деценија се должи на нејзината посветеност на спортот и здравиот начин на живот. Познато е дека латино дивата секој ден оди во теретана и дека цел живот напорно тренира, како и дека папараците будно ја следат, па често ја фаќаат во тренерки и патики кога оди на тренинг.
Меѓутоа, додека ја напуштала луксузната зграда во Њујорк, таа изгледала речиси непрепознатливо, без шминка и со мокра коса. Се качила во луксузен автомобил, а се претпоставува дека одела на адресата каде што ја чекале нејзиниот долгогодишен тим експерти – шминкери, фризери и стилисти , за да може да блесне во изданието на кое сме навикнати од оваа голема ѕвезда.
Забава
Ќерката на познатата актерка блесна во фустанот што го носеше нејзината мајка пред 25 години
Наследничката на славната двојка го прослави својот роденден во она во што порано блескаше нејзината мајка Кетрин Зета Џонс.
Ќерката на познатата актерска двојка Кетрин Зета Џонс и Мајкл Даглас пред неколку дена го прослави својот 21 роденден, а за таа прилика облече прекрасен фустан кој нејзината мајка го носеше дури пред 25 години.
Дека јаболкото не паѓа далеку од дрвото и дека некои парчиња облека се вечни, без разлика на модните трендови, покажала младата и убава Керис Зита Даглас, која не била ни родена кога нејзината мајка ја носела оваа креација од свила и тантела.