Забава
(Видео) Првпат по несреќата, семејството на Шумахер ќе излезе пред камера
Легендарниот светски шампион во Формула 1 по страшната несреќа на скијање, кога тешко ја повреди главата, веќе пет години живее речиси во целосна изолација.
Семејната вила во која живее седумкратниот светски шампион Михаел Шумахер е затворена за јавноста, барем до сега. Семејството на славниот возач одлучи да ги отвори портите на вилата поради снимањето на документарен филм за животот на големиот ас во Формула 1.
Германските режисери Михаел Вех и Бруно Камеретнс направија кинематографско дело со наслов „Шумахер“. Филмот е посветен на според многумина најдобриот возач на Формула 1 во историјата. Премиерата на филмот за популарниот Шуми е закажана за декември годинава.
Во документарниот филм ќе бидат опфатени различни аспекти од животот на Михаел, а мозаикот на сторијата е претставен преку визурата на таткото на Михаел, Ролф, сопругата Корина и децата Мик и Џина.
Семејството Шумахер во целост го поддржува документарниот филм. Во филмот ќе видиме неколку ретки интервјуа и досега невидени архивски снимки. Премиерата на филмот е планирана за 50. роденден на Михаел Шумахер и за 25-годишнината од неговиот прв триумф.
Пред пет години Михаел Шумахер на скијање на Француските Алпи удри во карпа и доживеа тешка повреда на главата. Цели шест месеци Шумахер беше во вештачка кома поради повеќекратните повреди на главата и на ‘рбетниот столб. Многу работи поврзани со неговата рехабилитација сè уште се држат во тајност, дури и во моментов не е познато во каква здравствена состојба е легендарниот шампион.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Џенифер Лопез за првпат во сосема „обично“ издание
Џенифер Лопез (54) носи беспрекорни фустани на јавната сцена и ја нарекуваат кралица на стилот, а често ги раздвижува модните трендови, па дури и знае совршено да носи необични комбинации.
Нејзиниот фантастичен изглед во шестата деценија се должи на нејзината посветеност на спортот и здравиот начин на живот. Познато е дека латино дивата секој ден оди во теретана и дека цел живот напорно тренира, како и дека папараците будно ја следат, па често ја фаќаат во тренерки и патики кога оди на тренинг.
Меѓутоа, додека ја напуштала луксузната зграда во Њујорк, таа изгледала речиси непрепознатливо, без шминка и со мокра коса. Се качила во луксузен автомобил, а се претпоставува дека одела на адресата каде што ја чекале нејзиниот долгогодишен тим експерти – шминкери, фризери и стилисти , за да може да блесне во изданието на кое сме навикнати од оваа голема ѕвезда.
Забава
Ќерката на познатата актерка блесна во фустанот што го носеше нејзината мајка пред 25 години
Наследничката на славната двојка го прослави својот роденден во она во што порано блескаше нејзината мајка Кетрин Зета Џонс.
Ќерката на познатата актерска двојка Кетрин Зета Џонс и Мајкл Даглас пред неколку дена го прослави својот 21 роденден, а за таа прилика облече прекрасен фустан кој нејзината мајка го носеше дури пред 25 години.
Дека јаболкото не паѓа далеку од дрвото и дека некои парчиња облека се вечни, без разлика на модните трендови, покажала младата и убава Керис Зита Даглас, која не била ни родена кога нејзината мајка ја носела оваа креација од свила и тантела.
Забава
Хороскопски знаци кои носат проблеми: ако им е досадно, подобро држете се настрана од нив
Хороскопските знаци кои носат проблеми го прават тоа едноставно за забава. Иако понекогаш може да биде смешно, тие често знаат да ги комплицираат ситуациите, но секако, за другите.
Едноставно, постојат хороскопски знаци кои уживаат во правењето неред и хаос, или затоа што им е здодевно и сакаат да се забавуваат или затоа што не можат да се воздржат и кога ќе добијат шанса ќе направат се за да создадат хаос кој често (само) за нив е многу забавно.
Хороскопски знаци кои носат проблеми
Водолија
Ако на овој знак му е здодевно, сè ќе претвори во хаос само поради возбудата. Ова е личност која може да учествува во нешто или едноставно да ужива во моментот да гледа како сето тоа се распаѓа. Тие едноставно се возбудени од екстремно необични ситуации. Ќе викнат „оган“ во толпа само за да видат колку сите ќе бидат вознемирени. Тогаш ќе тврдат дека им е природно право да имаат слобода на говор.
Шкорпија
Претставниците на овој знак сакаат да предизвикуваат хаос и неволји. И не само што го сака хаосот, тој сака и вие да го знаете тоа. Тоа е нешто што треба да го очекувате од него. Тие се многу интелигентни и полни со љубов, но во исто време се и најголемите манипулатори на светот. А сето тоа можат да го постигнат со лаги, заведување, ветувања за богатство и многу повеќе. Ова е особено изразено кога се во прашање романтичните врски.
Лав
Лавовите се вжештени и прават што сакаат, кога сакаат, без разлика на последиците. Ова значи проблеми во пракса. Тие се главоглави и егоисти и само сакаат да ги прават работите на свој начин. Во светот на фантазијата ова би било добро, но во реалниот живот не секој може да го добие она што го сака. Сепак, хаосот што Лавовите го создаваат предизвикува конфузија, повредени чувства, несигурност и цел куп други работи. Тие ќе направат хаос кај сите за да предизвикаат силни емоции.
Близнаци
Близнаците сакаат да прават работи само за да видат што се случува. Не ги интересира како понатаму ќе се развива ситуацијата. Она што ги возбудува е колку во тој момент може да се предизвика метеж и лудило. Хаосот прави претставниците на овој знак да се чувствуваат живи. Близнаците не ги интересира што ќе ги стават своите односи на тест за неколку секунди и ќе предизвикаат хаос. Тие немаат поим што прават, но навистина не им е грижа и често го нарекуваат ова чувство живеење во моментот.