Забава
(Видео) Сириецот што седум месеци живееше на аеродром, конечно, е слободен човек
Сириeцoт што поминаа седум месеци затворен на малезиски аеродром бидејќи му ја одбија визата, конечно, доби азил во Канада.
Триесет и едногодишниот Хасан ал-Контар, кој се занимава со маркетинг, седум месеци беше заглавен на аеродромот во Куала Лумпур, поточно од 7 март, кога малезиските власти одбија да го пуштат во земјата.
За тоа време тој привлече голем број обожаватели на социјалната мрежа „Твитер“, каде што го документира своето секојдневие на аеродромот преку снимки и фотографии на кои прикажуваше како се снаоѓа за храна, пиење, па дури и за вежбање. Неговиот визуелен дневник привлече меѓународно внимание, па на социјалната мрежа почнаа да го следат илјадници луѓе. Меѓу нив беше и Лори Купер од Вистлер во Британска Колумбија, која собрала пријатели и познајници за да поведе петиција, која потоа била предадена во канадскиот Центар за имиграции, а со која се барало Контар да добие статус на бегалец.
Преку донации биле собрани и бараните 13.600 долари и останувало да се дочека конечната одлука. Во меѓувреме, Контар не се појавуваше на „Твитер“ неколку недели, па излезе дека бил уапсен бидејќи во еден момент се шетал во забранета зона на аеродромот.
Поради тоа, процесот мораше да се забрза за малезиската полиција да не го депортира во Сирија. Конечно, минатата недела добил порака дека може да го напушти аеродромот.
По неколку недели молк на „Твитер“, се јавил со слика од аеродромот, со таа разлика што сега, конечно, одел некаде.
Во вторникот Сириецот слета во Ванкувер и изрази благодарност до своето семејство, пријателите и голем број непознати луѓе од целиот свет кои одлучиле да му помогнат.
Breaking news ✌✌ pic.twitter.com/o2vQGROBdS
— Hassan Al Kontar (@Kontar81) November 26, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Бијонсе ја покажа природната коса: Погрешно е мислењето дека луѓето кои носат перики немаат долга и здрава коса
Најголемата музичка ѕвезда на денешницата, Бијонсе, за прв пат во кариерата ја покажа целосно природната коса, се со цел да ја промовира својата нова линија на производи за коса која ја нарече „Cécred“.
Бијонсе често носи перики и навистина ретко ја покажува својата природна коса, но во видеото кое го објави на Инстаграм го покажа целиот процес од фризерскиот салон.
„Погрешно е мислењето дека луѓето кои носат перики немаат долга и здрава коса“, изјави поп дивата и објасни дека косата ја суши на средна температура и се труди што повеќе да ја спаси од топол воздух. Таа користи четка од стар стил за да ја исправи косата, ја фарба и не користи третмани како минивал и слично.
„Ја чувам мојата природна коса русокоса веќе 25 години и тоа одигра голема улога во идејата за лансирање на овие производи“, објасни Бијонсе.
Нејзиното видео за 24 часа е прегледано два милиони пати.
Забава
Џенифер Лопез за првпат во сосема „обично“ издание
Џенифер Лопез (54) носи беспрекорни фустани на јавната сцена и ја нарекуваат кралица на стилот, а често ги раздвижува модните трендови, па дури и знае совршено да носи необични комбинации.
Нејзиниот фантастичен изглед во шестата деценија се должи на нејзината посветеност на спортот и здравиот начин на живот. Познато е дека латино дивата секој ден оди во теретана и дека цел живот напорно тренира, како и дека папараците будно ја следат, па често ја фаќаат во тренерки и патики кога оди на тренинг.
Меѓутоа, додека ја напуштала луксузната зграда во Њујорк, таа изгледала речиси непрепознатливо, без шминка и со мокра коса. Се качила во луксузен автомобил, а се претпоставува дека одела на адресата каде што ја чекале нејзиниот долгогодишен тим експерти – шминкери, фризери и стилисти , за да може да блесне во изданието на кое сме навикнати од оваа голема ѕвезда.
Забава
Ќерката на познатата актерка блесна во фустанот што го носеше нејзината мајка пред 25 години
Наследничката на славната двојка го прослави својот роденден во она во што порано блескаше нејзината мајка Кетрин Зета Џонс.
Ќерката на познатата актерска двојка Кетрин Зета Џонс и Мајкл Даглас пред неколку дена го прослави својот 21 роденден, а за таа прилика облече прекрасен фустан кој нејзината мајка го носеше дури пред 25 години.
Дека јаболкото не паѓа далеку од дрвото и дека некои парчиња облека се вечни, без разлика на модните трендови, покажала младата и убава Керис Зита Даглас, која не била ни родена кога нејзината мајка ја носела оваа креација од свила и тантела.