Забава
Во Јордан откриени остатоци од леб стар 14 илјади години
Дански археолози открија јагленисани парчиња леб, печени пред 14.400 години во североисточниот дел на Јордан. Лебот беше откриен за време на ископувањата од страна на истражувачите од Универзитетот во Копенхаген, Универзитетот Кембриџ и Универзитетскиот колеџ во Лондон.
Археолозите од Копенхаген ги проучувале остатоците од јагленисана храна во населбата Шубајка 1, каде пред неколку илјади години живееле праисториски племиња, пишува во соопштението на универзитетот од данската престолнина.
Лебот што е пронајден на територијата на денешен Јордан е најстариот леб што некогаш бил откриен, се појаснува во извештајот.
„Сега знаеме дека производи слични на леб биле произведувани многу пред развојот на земјоделството“, вели главниот автор на студијата, научничката Амаија Аранц Отеги.
„Следниот чекор е да се утврди дали производството на ваквиот леб влијаело врз појавата на растителни култури и развојот на земјоделството воопшто“, додава Отеги.
Археолозите сметаат дека долготрајната природа на печење леб со помош на дива пченка, можеби ги охрабрила луѓето од тоа време самите да одгледуваат пченка.
„Начинот на собирање храна од овој период е особено интересен за нас. Тие преживувале и собирале храна во праисторискиот период кога исхраната почнала значително да се менува“, вели археологот Тобиас Рихтер, кој бил дел од археолошките ископувања во Шубајка 1.
„Остатоците од лебот во Шубајка 1 се најстариот доказ за постоење и печење на леб, кој покажува дека печењето е измислено пред садењето на растенија“, додава истражувачот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.
Забава
(Видео) Џорџина и Роналдо објавија видео од плажа, им се допадна на три милиони луѓе
Џорџина Родригез на „Инстаграм“ објави романтично видео на кое ужива на плажа со својот партнер Кристијано Роналдо ставајќи крај на шпекулациите за проблеми во врската.
View this post on Instagram
„Во рајот со тебе“, напиша таа покрај видеото на кое се шетаат на плажа и се бакнуваат, а видеото им се допадна на повеќе од 3 милиони луѓе.
Роналдо на својот „Инстаграм“ сподели и фотографии од одморот, каде што покажа како се забавуваат и напиша: „Среќа“.