Контакт

Забава

Гласањето е почнато, а кој всушност стои зад манифестацијата „Сајт на годината“?

Објавено пред

Гласањето е веќе во тек на www.sajtnagodinata.mk и ќе трае до 4 март, а прогласувањето на победниците во сите категории е на 6 март.

dobivaj vesti na viber

Изборот „Сајт на годината 2021“ се одвива во текот на февруари 2022 година. До пред неколку дена беше активно номинирањето интернет-страници, а сега се гласа за најдобра интернет-страница во дваесетина категории.

Во исчекување на годинешното прогласување на победниците направивме интервју со организаторот на манифестацијата, дигиталната маркетинг-агенција „Медија солутионс“, поточно со Љупчо Ангелов, менаџер на социјални медиуми во „Медија солутионс“.

Кој стои зад изборот Сајт на годината?

Организатор на изборот на Сајт на годината веќе 12 години е дигиталната маркетинг агенција Медиа Солутионс, а зад изборот стојат стотици сајтови кои го збогатиле интернет просторот во Македонија, и илјадници интернет посетители, консументи на содржини и нивни креатори од многу различни аспекти, кои придонеле кон квалитетот на сајтовите и кои гласале низ годините да ги изберат најдобрите.

Која беше идејата за правење на една ваква манифестација и дали сајтовите се стимулирани да учествуваат во изборот? Престиж ли е да се добие титулата Сајт на Годината?

Идејата за организирање на ваква манифестација произлезе од основачите на Медиа Солутионс. Бидејќи Медиа Солутионс е дигитална агенција, таа може да функционира во полн капацитет само во услови на добро развиен интернет простор во Македонија, и добро развиен интернет маркетинг. Целта на оваа манифестација беше преку наградување на најдобрите позитивно да се влијае врз развојот на македонскиот дел од интернетот, и да се подигне на повисоко ниво.

Кои се критериумите за избор и кој се може да учествува? Како оди целиот избор?

Секоја веб страна е уникатна во изгледот, но тоа не е пресудниот елемент. Веб страната треба да е брза и оптимизирана. Навигацијата низ неа треба да биде интуитивна и лесна. Оригиналноста игра огромна улога како и користењето на нови технологии за нејзината изработка. Содржината треба да е корисна и писмена. Што повеќе од овие елементи се опфатени толку страната подобро котира.

Дали се бројат само гласовите од публиката или имате жири комисија?

Даваме ексклузивното право на публиката и посетителите. Сепак тие се оние кои го гледаат и користат финалниот изглед на веб страните. Од секогаш корисниците се најдобриот репер за тоа како е дизајниран продуктот, на изглед, но и во однос на неговата функционалност, заштита, оптимизација и безбедност.

Знаете ли колку нови сајтови никнуваат на годишно ниво во Македонија, и може ли да направите споредба како беше пред 12 години и сега?

Бројот на сајтови кои се креираат на дневно или месечно ниво е голем. Со оглед на тоа што претходните две години поради пандемијата скоро сите компании на некаков начин ги префрлија своите бизниси на интернет, бројот на сајтови е драстично зголемен. Зголемен е и затоа што многу поединци кои претходно не се осмелуваа да започнат свој бизнис или проект сега се осмелија да го направат тоа. Сѐ подостапните CMS системи за изработка на страни придонесоа дури и со многу малку искуство и знаење да се направи солидна веб страна. Заклучокот е дека бројот на веб страни рапидно расте, но прашањето е колку од тие страни се изработени професионално и според висок стандард.

Која е најголемата промена на интернет пазарот во Македонија која можете да ја издвоите?

Како што кажав, префрлањето на бизнисот онлајн е важен акцент во последнава година. Новото пандемско секојдневие наметна нови начини на функционирање и го забрза процесот на дигитализација, а со сето тоа се подигна свесноста за онлајн тргување и направи сериозна промена во однесувањето на интернет корисниците, чијшто број во меѓувреме истотака многу се зголеми. Тоа што до пред некоја година беше незамисливо да се купи или бара на интернет, сега е ставено како прв избор. Со самото тоа што децата почнаа онлајн настава се наметна потреба од дигитално описменување од многу рана возраст и тоа не само со игри туку и информатички содржини и едукација.

Секоја година имате нови категории, кои се новите категории оваа година и зошто се одлучивте за нив?

Оваа година воведовме 4 нови категории. Тоа се: Најпопуларна е-атлета – еСпортот како една од најпопуларните нови професии во светот доведе и во Македонија да се појават професионални играчи од светски ранг, Најпопуларен Јутјубер – најактивните креатори на содржини во моментот имаат прегледи повеќе од било кој друг традиционален медиум, Најпопуларен онлајн/хибриден настан – минатите две години се одржаа повеќе настани кои според обемот и големината надминаа настани во живо и Најдобра автоматизирана алатка/чет бот – најновиот тренд на комуникација со клиенти преку чет ботови кои се доведуваат до таква совршеност што корисниците немаат претстава дека разговараат со алгоритам.

Да се навратиме на претходните години, која манифестација ја паметите како нешто посебно, и дали има некои победници кои можете да ги издвоите ( нешто специфично за нив и сл.)

Победник на првиот Сајт на годината во 2010 беше kajgana.com, сајт кој опстојува и се подобрува низ годините. Минатата година, која беше по сите основи нестандардна, година на тешка пандемија, победи сајт кој не е сајт туку Фејсбук група – Ковид19 искуства и совети, која одигра незаменлива улога во првата година од пандемијата, преку здружување, вмрежување и меѓусебна помош на нејзините членови и одреден број на лекари.

Како го гарантирате фер натпреварувањето на оваа манифестација?

Секој корисник мора да гласа со уникатна мејл адреса. Секако дека големината на медиумот има огромна улога во тоа колку корисници ќе гласаат, и лобирањето на сајтовите кај своите читатели да гласаат игра голема улога при освојувањето на местата, вклучително и на најпрестижната награда Сајт на годината 2021.

Какви се плановите за во иднина? Може ли та манифестација да прерасне во престижен настан како Оскари на пример?

Манифестацијата е еден вид оскари за веб сајтови. „Гламурот“, ако може така да се нарече, кој успеавме да го постигнеме пред пандемијата беше на завидно ниво и за многу попопуларни манифестации. Низ текот на годините имавме видни личности кои беа дел од доделувањето. Луѓе како тогашните Претседатели на државата, министри, заменици министри, Претседателот на ИАБ Европа ја поддржаа и препознаа оваа манифестацијата како сериозен акцелератор за подигнување на квалитетот на веб страните и веб културата во Македонија.

И на крајот сакам да ги повикам интернет посетителите од Македонија, кои се денес практично сите граѓани на државата, да го дадат својот глас за своите омилени сајтови и преку тоа да придонесат кон подобар, поубав, поквалитетен, понепристрасен, поедукативен и позабавен интернет во Македонија.

Гласањето е веќе во тек на www.sajtnagodinata.mk и ќе трае до 4-ти март, а прогласувањето на победниците во сите категории е на 6 март.

Забава

Фотографија од Ристовски и 39 години помладата девојка само во костим за капење, актерот го споредуваат со Џејмс Бонд

Објавено пред

Актерот Лазар Ристовски отпатува на Малдивите со својата 39 години помлада девојка, Аница Лазиќ.

dobivaj vesti na viber

Таа на својот инстаграм-профил објави фотографии од споменатиот остров, но сега сподели и една со актерот.

 

View this post on Instagram

 

A post shared by Anica Lazic (@anicalazicofficial)

На фотографијата тие двајца излегуваат од кристално чистата вода и се држат за раце уживајќи во љубовта заедно.

„Кога тој води, не прашувам каде“, напиша Аница во описот на објавата.

Под објавата се појавија коментари, а еден особено го привлече вниманието бидејќи актерот го споредуваат со Џејмс Бонд.

„Се викам Ристовски, Лазар Ристовски“, е само еден од коментарите.

Лазар Ристовски не сака многу да зборува во медиумите за врската со помладата девојка.

Прикажи повеќе...

Забава

Дали вашето раскинување е запишано во ѕвездите: хороскопски знаци кои најмногу се разведуваат

Објавено пред

Понекогаш, врската е едноставно осудена на пропаст затоа што не сте компатибилни. Некои други луѓе едноставно се разделени поради животните околности. Но, постои група на луѓе за кои одржувањето стабилна брачна врска е речиси невозможна мисија. Претставниците на овие знаци можат да ја уништат семејната идила, дури и ако партнерот е многу трпелив и многу ги сака. Зошто, открива хороскопот.

dobivaj vesti na viber

Чии брачни проблеми се запишани во ѕвездите?

Стрелец
Леснотијата и флексибилноста на Стрелецот го привлекува спротивниот пол на почетокот на врската, но со текот на времето овие квалитети исчезнуваат и се открива вистинската суштина на претставникот на знакот. Почнуваат да вршат притисок и да бараат премногу. Притоа, тие категорично не прифаќаат критики на нивна сметка. На луѓето од овој знак им е понижувачко да се справуваат со секојдневните моменти, па нема да стојат зад шпоретот или да перат нечии алишта. Стрелецот најпрво може да поднесе барање за развод, но по долго време страда поради оваа одлука. Особено во моментот кога сфаќаат дека никој друг, освен нивниот поранешен партнер, не се согласува да ги трпи.

Близнаци
Близнаците се стремат кон семејство, брак и деца, но не секогаш успеваат да одржат врска. Тоа е затоа што претставниците на знакот се активни луѓе кои постојано се во потрага по нови емоции. Ваквите ентузијастички природи понекогаш го заморуваат партнерот. Покрај тоа, претставниците на знакот секогаш брзаат, што може да биде многу заморно за другата страна. Затоа, ако партнерот Близнаци сака смиреност и рамнотежа, тогаш тешко дека ќе го издржи ритамот на својата друга половина. Ако на личноста од овој знак им се каже се во лице, сигурно ќе се навреди и разочара. Сепак, Близнаците не треба само да ги прекинуваат сите врски, бидејќи таквата приказна ќе се повторува одново и одново, бидејќи поентата не е во партнерите, туку во самите нив. Затоа, разводот нема да им помогне на таквите луѓе, туку работата на себе.

Девица
Девиците секогаш први поднесуваат барање за развод бидејќи им е тешко да се држат до семејните правила долго време. Почнува да им се чини дека се притиснати и лишени од слободата. Како резултат на тоа, врската почнува да им станува напорна и тешка. Ако партнерот се обиде да ја контролира Девицата, овој хороскопски знак ќе избега. Разводот тогаш е неизбежен.

Јарец
Разводите меѓу Јарците се случуваат поради претерана категоричност. Претставниците на овој знак се многу тврдоглави и веруваат дека се попаметни од сите. За нив е неверојатно тешко да прифатат туѓо мислење, дури и ако тоа е мислење на некој близок. Затоа, бракот со Јарците не е лесна задача. Мора или да ги задоволите сите нивни желби, или да бегате од таква врска. Честопати, партнерите Јарец не можат да го издржат емотивниот брзање и си заминуваат. Оставени сами на себе, претставниците на знакот можеби нема да го признаат поразот долго време.

Рак
Вжештените, самоуверени и тврдоглави Ракови ќе сакаат до последен здив, но доколку се навредат, ќе ја опсипат саканата личност со реципрочни тврдења и ќе ги извадат на виделина сите стари грешки. Во жарот на расправија, тие можат да кажат многу непотребни работи, за инает – а всушност, Раковите можеби не го мислат тоа. Во моментот на бес, нивната главна цел е што повеќе да го повредат партнерот. Во исто време, по конфликт, Раковите не се колебаат први да пристапат и да се помират. Припадниците на овој знак знаат да ги признаат своите грешки и да ги поправат. Затоа, патот од брак до развод во нивниот случај може да биде многу долг.

Сепак, таквиот моментум порано или подоцна доведува до разочарување на партнерот – никој не сака да живее на куп експлозиви. Ова го поништува дури и фактот дека во секојдневниот живот со Раковите е многу удобен. Сакаат комфор, готват вкусни вечери и внимаваат сите кошули во куќата да се испеглаат.

Прикажи повеќе...

Забава

„Сè уште ја сакам таа жена“: Бред Пит не може да заборави поранешна девојка, а таа не е ниту Анџелина Џоли ниту Џенифер Анистон

Објавено пред

Бред Пит отсекогаш важел за миленик на жените и за еден од најпосакуваните мажи во светот.

dobivaj vesti na viber

Покрај успешната кариера во Холивуд, Бред Пит можеше да се пофали и со титулата еден од најубавите мажи на светот, а на неговиот шарм не одолеаја многу светски убавици.

Популарниот актер уживаше во романсата со филмските ѕвезди Гвинет Палтроу, Џенифер Анистон и Анџелина Џоли, но кога е во прашање неговиот љубовен живот, познатиот актер ја издвојува врската со актерката Џулиет Луис.

Џулиет и Бред уживаа во романса пред повеќе од три децении. Двојката се запознала во 1990 година на снимањето на заедничкиот филм Too Young to Die, а актерката тогаш имала 17 години. Бред Пит е 10 години постар од Џулиет и во времето кога се запознале имал 27 години, а една деценија разлика не ги спречила на прв поглед да сфатат дека се еден за друг.

Актерската двојка се забавуваше три години, а врската ја прекинаа на почетокот на 1993 година. Години подоцна, кога се навраќаа на љубовната врска, атрактивната бринета изјави дека холивудскиот заводник воопшто „не е во нејзиниот универзум“, а Бред Пит во повеќе наврати зборуваше во медиумите за одличното време поминато заедно.

„Сè уште ја сакам таа жена. Таа е вистински гениј. Прекрасно си поминав со неа“, изјави Бред Пит во интервју за „Венити фер“ и додаде:

„Тоа беше една од најдобрите врски во кои некогаш сум бил. Проблемот е што растеме со визија дека љубовта победува сè, а тоа, едноставно, не е така, нели?’

Во 1993 година, кога се запознаа, Бред Пит и Џулиет Луис снимија уште еден заеднички филм – „Калифорнија“.

Во тоа време, додека зборуваше за својата романса со Бред, кој веќе уживаше огромна популарност во Холивуд, Џулиет призна дека Бред ѝ се допаѓал како актер уште пред почетокот на нивната љубовна приказна.

„Се запознавме на снимањето на филмот и почнавме да излегуваме кога заврши снимањето. „Веќе ми се допадна како актер и мора да почитуваш некој што е во истото поле како тебе“, изјави тогаш Луис.

„Ние сме во момент во љубов кога, едноставно, сакаме да се гледаме секој ден и не ни е досадно кога сме еден со друг, па затоа е навистина, навистина убаво. Исто така, можеме да бидеме заедно кога работиме и разговараме за тоа и соработуваме. Сакаме да работиме заедно повторно, и повторно, и повторно“, ја опиша Џулиет својата врска со популарниот актер за „Лос Анџелес тајмс“.

Години подоцна, актерката повторно се присети на врската со колегата и истакна дека се надева оти Бред Пит ќе ја најде среќата во љубовта бидејќи искрено го сака.

„Тој воопшто не е во мојот универзум сега. Ми се чини како да била средношколска врска за мене бидејќи тој сега е толку славна личност. Ја гледам оваа личност со која имам малку заедничка историја. Се надевам дека ќе најде среќа затоа што јас навистина го сакав. Тој е многу лојален, добро момче“, изјави Џулиет Луис за медиумите.

Години подоцна, во 2009 година, актерката истакна дека единствената причина зошто луѓето ја прашуваат нешто за Бред Пит е затоа што тој има култен статус во Холивуд.

„Луѓето ме прашуваат за него само затоа што е толку познат. Ништо не ме прашуваат за мојот поранешен сопруг, иако тоа секако е многу позначајна врска бидејќи сепак бевме во брак“, изјави актерката.

Џулиет Луис беше во брак од 1999 до 2003 година со професионалниот скејтбордер Стив Бур.

Прикажи повеќе...

Најново

Економија34 минути

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ2 часа

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија2 часа

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија2 часа

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...

Македонија5 часа

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет5 часа

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет5 часа

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија5 часа

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион6 часа

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет6 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет6 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија20 часа

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија22 часа

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија23 часа

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија1 ден

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...

Македонија1 ден

„Вреди“: Албанците нема да му простат на Бујар Османи за случајот Монструм

Претходно кога објаснувавме кој е Бујар Османи, дојде време да се откриваат неговите корупциски скандали, но и политичките ставови што...

Македонија1 ден

Мицкоски: Имаме принципиелен договор за настап на парламентарните избори врз кој ќе функционираме како идна влада

Ние имаме принципиелни разговори и преговори и принципиелен заеднички договор за настап на следните парламентарни избори и очекуваме понатаму, врз...

Свет1 ден

Бајден: Да ja ​​заштитиме Украина од месарот Путин

Американскиот претседател Џозеф Бајден уште еднаш го навреди рускиот претседател Владимир Путин говорејќи пред гласачите во американската сојузна држава Северна...

Регион1 ден

Вучиќ: Следуваат тешки денови за Србија, не ми е лесно да кажам какви вести добивме

Српскиот претседател Александар Вучиќ синоќа изјави дека пред Србија претстојат тешки денови, пренесува „Нова.рс“. Вучиќ најави дека во наредните денови...

Македонија1 ден

СДСМ: Скопје е запустен град, граѓаните се изневерени, ДПМНЕ нема план за иднината

Платформа од минатиот век се новите лажни ветувања на ДПМНЕ по примерот на Скопје. Откако ги изневерија граѓаните на Скопје,...