Забава
Го достигнаа ли луѓето максималниот животен век?
Дали е достигнат максималниот животен век на човекот е прашањето што често се поставува во научните кругови. Според резултатите од една студија спроведена кај италијански стогодишници, одговорот е – сè уште не.
Во науката веќе долго време се дебатира за тоа дали луѓето го имаат достигнато врвот во поглед на долговечноста. Според истражување објавено во списанието „Натура“ во 2016 година, животниот век на човекот го достигнл зенитот во 1997 година кога Французинката Жанет Калмант умрела на 122 години.
Сепак, нов напис објавен во списанието „Сајанс“ укажува на можноста за продолжување на човечкиот живот. Авторите, всушност, веруваат дека животниот век на човечкиот род станува подолг со текот на времето.
Научниците се повикуваат на податоци собрани од 3.800 стогодишници во Италија кои покажаа дека ризикот од смрт се забавува по 105. година.
„Кога старееме, нашето здравје се влошува, а ризикот од смрт се зголемува. Сепак, во случаи на екстремна старост овој тренд се намалува“, вели коавторот на студијата Кенет Вочер, професор по статистика на Универзитетот „Беркли“ во Калифорнија.
„Не оди најдобро, се разбира, но ризиците престануваат да се зголемуваат и практично се израмнуваат. Ова се нарекува плато на смртноста“, изјави Вочер за АФП.
Истражувачите ги анализирале податоците собрани од сите жители во Италија кои имале над 105 години, во периодот меѓу 2009 и 2015 година, со што со истражувањето биле опфатени 3.836 лица.
Со проучување на стапката на смртност меѓу луѓето на иста возраст научниците откриле дека со текот на времето се бележи мал пад на стапката на смртност.
Притоа научниците потенцираат дека социоекономските фактори и подобрата медицинска грижа може да бидат важни фактори во продолжувањето на човечкиот живот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.
Забава
(Видео) Џорџина и Роналдо објавија видео од плажа, им се допадна на три милиони луѓе
Џорџина Родригез на „Инстаграм“ објави романтично видео на кое ужива на плажа со својот партнер Кристијано Роналдо ставајќи крај на шпекулациите за проблеми во врската.
View this post on Instagram
„Во рајот со тебе“, напиша таа покрај видеото на кое се шетаат на плажа и се бакнуваат, а видеото им се допадна на повеќе од 3 милиони луѓе.
Роналдо на својот „Инстаграм“ сподели и фотографии од одморот, каде што покажа како се забавуваат и напиша: „Среќа“.