Забава
Додека храбриот мигрант го спасувал неговиот син, таткото играл „Покемон го“ на париските улици
Мигрантот од Мали кој на херојски начин го спаси момчето во Париз деновиве е во фокусот на светската јавност.
Мамоду Гасама неверојатно вешто и брзо успеа да се искачи од надворешната страна на зградата до четвртиот кат за да го спаси четиригодишното момче кое висеше од балконот. Поради неговиот спасоносен подвиг, вчера доби француско државјанство и работа како пожарникар. Цела Франција ја слави наговата постапка, а тој јавно доби благодарност и од семејството на момчето чиј живот успеа да го спаси.
„Тој е вистински херој“, изјави бабата на момчето, а пренесе Би-би-си.
Но оваа приказна има и своја мрачна страна. Станува збор за прашањето како е можно никој да не внимавал на малото дете и како тоа воопшто успеало да дојде до балконот и до ситуација неговиот живот да го спасува случаен минувач.
Имено, таткото на четиригодишно момче го напуштил својот син и го оставил сам во станот за да отиде до продавница. Сега му се заканува тужба за запоставување на детето.
Детето пред околу три недели дошло во Париз од островот Реунион, каде што живеело со својата мајка и баба. Во Париз пристигнало во посета кај таткото, кој работи во главниот град на Франција. Мајката на момчето и нивното второ дете требало да им се придружат во текот на овој месец.
Мајката на детето во интервју за медиумите рекла дека таткото не бил навикнат самостојно да се грижи за својот син и дека и претходно знаел да го остави сам во домот.
„Не можам да го оправдам она што го направил мојот сопруг. Некои ќе речат дека тоа може да му се случи секому и навистина се случувало и претходно. Мојот син имаше неверојатна среќа“, додала таа.
Како што јавува дописникот на Би-би-си од Париз, повикувајќи се на извори во кабинетот на францускиот обвинител, таткото на момчето, откако завршил со пазарењето не се вратил веднаш дома, туку останал на улица за да ја игра популарната игра за мобилни телефони „Покемон го“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Мрачните страни на секој од хороскопските знаци
Секој хороскопски знак носи своја темна страна која може да биде предизвик, но нуди и можност за личен раст и развој. Разбирањето и прифаќањето на овие помалку светли аспекти на нашите астролошки профили може да ни помогне да станеме подобри верзии на себе.
Што се крие во сенката на секој хороскопски знак.
Овен: Импулсивност и агресивност
Овните се познати по својата храброст и енергија, но нивната импулсивност може да ги доведе во неволја. Тие се склони кон ненадејни реакции и понекогаш агресивно однесување кога работите не одат според нивниот план.
Бик: Посесивност и материјализам
Бикот ја цени сигурноста и удобноста, што може да ги доведе до прекумерна посесивност и материјализам. Тие имаат тенденција да акумулираат имот до тој степен што може да ги задуши другите аспекти од нивниот живот.
Близнаци: Неконстантност и дволичност
Близнаците се прилагодливи и комуникативни, но нивната способност да ги гледаат работите од различни перспективи може да ги направи непостојани, а понекогаш и со две лица, збунувајќи ги оние околу нив.
Рак: Преосетливост и манипулативност
Раковите се исклучително емотивни и сочувствителни, но нивната пречувствителност може да ги доведе до емоционална манипулација со цел да го заштитат своето ранливо срце.
Лав: Егоизам и доминација
Лавовите се родени како лидери и сакаат да бидат во центарот на вниманието, но нивното его може да прерасне во себичност и потреба да доминираат, што може да ги отуѓи другите.
Девица: Перфекционизам и критичност
Девиците се познати по тоа што се методички и аналитички настроени, но нивниот перфекционизам може да доведе до парализа на анализата и прекумерна критика кон себе и кон другите.
Вага: Неодлучност
Вагите се стремат кон хармонија и рамнотежа, но нивната потреба да им угодат на сите може да резултира со неодлучност. Исто така, нивната фасцинација со убавината може да ги наведе да прават површни проценки на луѓето и ситуациите.
Шкорпија: Опсесивност и одмаздољубивост
Шкорпиите се интензивни и страсни, но нивните длабоки емоционални вложувања можат да станат опсесивни. Кога се повредени, можат да бидат крајно одмаздољубиви.
Стрелец: Непромисленост и тактичност
Стрелците се познати по својата искреност и оптимизам, но нивната директност може да биде непромислена и да ги повреди другите. Исто така, нивната желба за слобода може да ги доведе до неодговорно однесување.
Јарец: Песимизам и непопустливост
Јарците се дисциплинирани и амбициозни, но нивната тенденција да го гледаат светот црно-бело може да ги направи песимисти и крајно непопустливи.
Водолија: Отсуство и студенило
Водолиите се иновативни и неконвенционални, но нивната потреба за индивидуалност може да ги направи емотивно отсутни и ладни, што го отежнува градењето длабоки врски.
Риби: Се жртвуваат и бегаат од реалноста
Рибите се сочувствителни и интуитивни, но нивната тенденција да се жртвуваат за другите може да ги истроши. Исто така, нивната желба да избегаат од реалноста може да ги доведе до нездрави облици на бегство.
Забава
Во новата сезона на „Симпсонови“ убиен еден од важните ликови од серијата
Серијата „Симпсонови“, која со голем успех се емитува повеќе од триесет години, во новата епизода остана без еден од своите постојани ликови, Лери – редовен гостин во Moe’s Tavern, а Хомер, Мо, Лени и Карл присуствуваа на неговиот погреб.
Тие сфаќаат дека знаеле многу малку за нивното познанство, а Хомер се прашува дали тие можеби се „ужасни луѓе“, особено откога мајката на Лери ги нарекува негови „најдобри пријатели“.
Потоа четворката од таверната има задача да ја однесе пепелта на Лери.
Иако беше тивок лик, кој немаше централна улога во серијата, Лери е редовен гостин во Moe’s Tavern уште од првите епизоди во 1989 година, што ја прави неговата смрт значајна за многу фанови на „Симпсонови“, пишува NME.
Инаку, ова е 35-та сезона на „Симпсонови“, а потврдено е дека ќе се снима и следната.
Забава
(Видео) Бијонсе ја покажа природната коса: Погрешно е мислењето дека луѓето кои носат перики немаат долга и здрава коса
Најголемата музичка ѕвезда на денешницата, Бијонсе, за прв пат во кариерата ја покажа целосно природната коса, се со цел да ја промовира својата нова линија на производи за коса која ја нарече „Cécred“.
Бијонсе често носи перики и навистина ретко ја покажува својата природна коса, но во видеото кое го објави на Инстаграм го покажа целиот процес од фризерскиот салон.
„Погрешно е мислењето дека луѓето кои носат перики немаат долга и здрава коса“, изјави поп дивата и објасни дека косата ја суши на средна температура и се труди што повеќе да ја спаси од топол воздух. Таа користи четка од стар стил за да ја исправи косата, ја фарба и не користи третмани како минивал и слично.
„Ја чувам мојата природна коса русокоса веќе 25 години и тоа одигра голема улога во идејата за лансирање на овие производи“, објасни Бијонсе.
Нејзиното видео за 24 часа е прегледано два милиони пати.