Забава
Ештон Качер сведочеше против убиецот на поранешната девојка, беа најдени негови отпечатоци
Во средата, 29 мај, Ештон Качер (41) сведочеше на судењето на Мајкл Томас Гаргил (43) обвинет за убиство на поранешната девојка на актерот – студентката и стриптизета Ешли Елерин. Таа вечер, 21 февруари 2001 година, актерот дошол до куќата на 22-годишната Ешли, која сакал да ја одведе на забава по доделувањето на Греми наградите. Но таа не му отворила, ниту му се јавувала на телефонски повици, па актерот мислел дека е лута на него, пишува „Пипл“.
Тој од прозорец видел црвена дамка на килимот и помислил дека тоа е црвено вино, бидејќи неколку дена пред тоа имале домашна забава, така што не се загрижил. Утрото по фатална вечер, телото на Ешли беше откриено од нејзиниот цимер.
Полицијата пронајде примерок од ДНК во 2008 година, кој се поврзува со Михаел Гаргил, сервисер на клима-уреди кој набргу потоа убил уште една жена, а исто така го поврзуваат со убиството во 1993 година, каде што жртвата била избодена. Живеел близу секоја жртва.
Качер не беше осомничен за убиство, но мораше да сведочи на суд бидејќи неговите отпечатоци беа пронајдени на вратата. Кога дозна дека е убиена, Ештон отиде во полиција, загрижен, бидејќи ја фаќал рачката додека се обидувал да ја отвори вратата.
Тој сведочеше околу 40 минути во син костум со кошула и вратоврска. Во судот беше и таткото на Ешли.
Холивудскиот актер е еден од повеќе од сто сведоци кои сведочат на судењето на Мајкл, кој обвинителите го опишаа како сериски убиец кој убива од сексуални побуди. Обвинителите бараат смртна казна за Гаргил, кој себеси не се смета за виновен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Бијонсе ја покажа природната коса: Погрешно е мислењето дека луѓето кои носат перики немаат долга и здрава коса
Најголемата музичка ѕвезда на денешницата, Бијонсе, за прв пат во кариерата ја покажа целосно природната коса, се со цел да ја промовира својата нова линија на производи за коса која ја нарече „Cécred“.
Бијонсе често носи перики и навистина ретко ја покажува својата природна коса, но во видеото кое го објави на Инстаграм го покажа целиот процес од фризерскиот салон.
„Погрешно е мислењето дека луѓето кои носат перики немаат долга и здрава коса“, изјави поп дивата и објасни дека косата ја суши на средна температура и се труди што повеќе да ја спаси од топол воздух. Таа користи четка од стар стил за да ја исправи косата, ја фарба и не користи третмани како минивал и слично.
„Ја чувам мојата природна коса русокоса веќе 25 години и тоа одигра голема улога во идејата за лансирање на овие производи“, објасни Бијонсе.
Нејзиното видео за 24 часа е прегледано два милиони пати.
Забава
Џенифер Лопез за првпат во сосема „обично“ издание
Џенифер Лопез (54) носи беспрекорни фустани на јавната сцена и ја нарекуваат кралица на стилот, а често ги раздвижува модните трендови, па дури и знае совршено да носи необични комбинации.
Нејзиниот фантастичен изглед во шестата деценија се должи на нејзината посветеност на спортот и здравиот начин на живот. Познато е дека латино дивата секој ден оди во теретана и дека цел живот напорно тренира, како и дека папараците будно ја следат, па често ја фаќаат во тренерки и патики кога оди на тренинг.
Меѓутоа, додека ја напуштала луксузната зграда во Њујорк, таа изгледала речиси непрепознатливо, без шминка и со мокра коса. Се качила во луксузен автомобил, а се претпоставува дека одела на адресата каде што ја чекале нејзиниот долгогодишен тим експерти – шминкери, фризери и стилисти , за да може да блесне во изданието на кое сме навикнати од оваа голема ѕвезда.
Забава
Ќерката на познатата актерка блесна во фустанот што го носеше нејзината мајка пред 25 години
Наследничката на славната двојка го прослави својот роденден во она во што порано блескаше нејзината мајка Кетрин Зета Џонс.
Ќерката на познатата актерска двојка Кетрин Зета Џонс и Мајкл Даглас пред неколку дена го прослави својот 21 роденден, а за таа прилика облече прекрасен фустан кој нејзината мајка го носеше дури пред 25 години.
Дека јаболкото не паѓа далеку од дрвото и дека некои парчиња облека се вечни, без разлика на модните трендови, покажала младата и убава Керис Зита Даглас, која не била ни родена кога нејзината мајка ја носела оваа креација од свила и тантела.