Забава
За овие четири хороскопски знаци најважно е задоволството на партнерот во креветот
Кога станува збор за задоволување на сексуалните потреби на партнерот, не е важно само вашето либидо – туку и што сте во хороскоп.
Знаците на зодијакот се единствени, особено кога станува збор за сексот. За некои од нив не е природно да се биде несебичен во креветот. Меѓутоа, давањето задоволство може да биде еднакво пријатно како и примањето, а некои хороскопски знаци, едноставно, се повеќе склони кон сексуална великодушност.
Овие четири хороскопски знаци се фокусираат на задоволството на партнерот во креветот, пишува „Пинквила“.
Овен
Овенот, еден од трите огнени знаци, е страстен и нестрплив и сака на својот партнер да му даде сè најдобро. Тие знаат што сакаат и кога сакаат. Доколку сте она што тие го сакаат, ќе имате партнер кој е исклучиво посветен да ви угоди во креветот – но не очекувајте многу предигра. Луѓето родени во знакот овен ќе го направат вашето искуство во креветот незаборавно.
Бик
Биковите ќе ви овозможат страстен и незаборавен момент и ќе мислат на сè. Под ова се мисли на вашите сетила. Тука спаѓаат свеќи, свилени чаршафи, многу допирање и секс во природа. Овој знак е во хармонија со сите сетила и ќе ве поттикне на секој начин.
Вага
Како знак со кој владее Венера, божицата на љубовта, сексот и убавината, вагите се одлични партнери во креветот. Тие се романтични, приврзани и слатки. Тие се нежни и уживаат во истражувањето на телото на партнерот. Вагата го цени меѓусебното сексуално задоволство. Тие се отворени за сексуални експерименти и барем еднаш ќе пробаат сè.
Скорпија
Скорпиите се емотивни и амбициозни и овие квалитети ги внесуваат во нивното сексуално искуство. Тие може и да почувствуваат кои се вашите потреби. Многу често нурнуваат длабоко во вашата душа за да ги откријат сите ваши скриени желби, само за да ги исполнат со неверојатна вештина.
Скорпиите често се исклучително селективни и имаат високи стандарди, па затоа ќе треба да го балансирате вашиот и нивниот сексуален и емоционален интензитет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Во новата сезона на „Симпсонови“ убиен еден од важните ликови од серијата
Серијата „Симпсонови“, која со голем успех се емитува повеќе од триесет години, во новата епизода остана без еден од своите постојани ликови, Лери – редовен гостин во Moe’s Tavern, а Хомер, Мо, Лени и Карл присуствуваа на неговиот погреб.
Тие сфаќаат дека знаеле многу малку за нивното познанство, а Хомер се прашува дали тие можеби се „ужасни луѓе“, особено откога мајката на Лери ги нарекува негови „најдобри пријатели“.
Потоа четворката од таверната има задача да ја однесе пепелта на Лери.
Иако беше тивок лик, кој немаше централна улога во серијата, Лери е редовен гостин во Moe’s Tavern уште од првите епизоди во 1989 година, што ја прави неговата смрт значајна за многу фанови на „Симпсонови“, пишува NME.
Инаку, ова е 35-та сезона на „Симпсонови“, а потврдено е дека ќе се снима и следната.
Забава
(Видео) Бијонсе ја покажа природната коса: Погрешно е мислењето дека луѓето кои носат перики немаат долга и здрава коса
Најголемата музичка ѕвезда на денешницата, Бијонсе, за прв пат во кариерата ја покажа целосно природната коса, се со цел да ја промовира својата нова линија на производи за коса која ја нарече „Cécred“.
Бијонсе често носи перики и навистина ретко ја покажува својата природна коса, но во видеото кое го објави на Инстаграм го покажа целиот процес од фризерскиот салон.
„Погрешно е мислењето дека луѓето кои носат перики немаат долга и здрава коса“, изјави поп дивата и објасни дека косата ја суши на средна температура и се труди што повеќе да ја спаси од топол воздух. Таа користи четка од стар стил за да ја исправи косата, ја фарба и не користи третмани како минивал и слично.
„Ја чувам мојата природна коса русокоса веќе 25 години и тоа одигра голема улога во идејата за лансирање на овие производи“, објасни Бијонсе.
Нејзиното видео за 24 часа е прегледано два милиони пати.
Забава
Џенифер Лопез за првпат во сосема „обично“ издание
Џенифер Лопез (54) носи беспрекорни фустани на јавната сцена и ја нарекуваат кралица на стилот, а често ги раздвижува модните трендови, па дури и знае совршено да носи необични комбинации.
Нејзиниот фантастичен изглед во шестата деценија се должи на нејзината посветеност на спортот и здравиот начин на живот. Познато е дека латино дивата секој ден оди во теретана и дека цел живот напорно тренира, како и дека папараците будно ја следат, па често ја фаќаат во тренерки и патики кога оди на тренинг.
Меѓутоа, додека ја напуштала луксузната зграда во Њујорк, таа изгледала речиси непрепознатливо, без шминка и со мокра коса. Се качила во луксузен автомобил, а се претпоставува дека одела на адресата каде што ја чекале нејзиниот долгогодишен тим експерти – шминкери, фризери и стилисти , за да може да блесне во изданието на кое сме навикнати од оваа голема ѕвезда.