Забава
Иконскиот режисер Џон Ву прави акциони филмови во Хонг Конг и Холивуд
Режисерот Џон Ву, кој во петок ќе наполни 74 години, треба да се смета за кум на модерниот акционен филм, пишува „Саут Чајна морнинг пост“.
Со микс на спектакуларни сценографии и сентименталност во филмовите како A Better Tomorrow (1986), The Killer (1989) и Hard Boiled (1992), тој воведе техники кои сега се синоним за жанрот акција.
Ваквите режисерски техники вклучуваат слоу моушн ефект – успорени сцени за подолго уживање – омилена техника на Ву, мексикански стенд-оф, и ликови што пукаат со повеќе пиштоли во исто време. Меѓутоа, повеќекратните сцени со гулаби се лично негова идеја.
Роден во Гуангжу (1946), Ву пораснал во Хонг Конг откако неговото семејство избегало од прогонот на Мао Це Тунг. „Кога бев дете, јас секогаш се чувствував како да живеам во пекол – сиромашните делови на Хонг Конг беа ужасни“, изјави тој за весникот Venice Мagazine. „Јас секогаш сонував да живеам на подобро место, место без злочини и насилство… и тој сон можев да го најдам само во филмовите“.
Оттогаш Ву на големиот екран прикажа возбудливи сцени на криминал, насилство, но и емотивност во својата кариера што ја рефлектира тројната структура на типичен холивудски филм: подем, пад, и триумфално враќање, оценува „Саут Чајна морнинг пост“.
Во 80-тите години на минатиот век, тој го пронајде својот вистински повик – како главен експонент на жанрот херојско крвопролевање.
Дури и ако не го знаете терминот „херојско крвопролевање“ (heroic bloodshed), знаете за каков филм станува збор. Toa се филмови со полицајци и криминалци кои се навистина две различни страни на паричката; „ган фу“ се бори со комбинирање на воени вештини и речиси без никакво огнено оружје; и сето тоа преплетено со длабока доза на емотивност што се крие во ноншалантноста на ликовите.
Ако постои една слика што најдобро го покажува жанрот, тоа е ДВД-омотот на филмот Hard Boiled, на кој едниот лик е во полициска униформа со сачмарка во едната рака, бебе во другата, и завој над едното око.
Жанрот херојско крвопролевање е чисто кино без потреба од дијалог или експозиција, па не е ни чудо што ги премина границите толку лесно, пристигнувајќи во Холивуд со делата на Квентин Тарантино и Роберт Родригез. Ву следеше набргу потоа.
Еден од холивудските блокбастери на Џон Ву е Face Off („Украдено лице“) – акција научна фикција – во кој глумат Џон Траволта и Николас Кејџ како полицаец и негативец кои ги разменуваат идентитетите со трансплантација на лице.
И секако тука е и второто продолжение на Mission Impossible ( „Невозможна мисија 2“) со Том Круз во главната улога.
По „Windtalkers“ (2002) и Paycheck (2003), режисерот реши да се повлече во Азија, но сè не беше изгубено.
„Откако го направив Paycheck („Исплата“), повеќе не добивав добри сценарија“, рече тој за „Тајм аут“. „А, правењето филм во Кина е многу поедноставно. Само одам во студиото и им кажувам: „Сакам да направам филм кој се вика со Red Cliff, и тие велат: Добро, готово е!“
Хонгкошкиот режисер спаѓа во еден од најголемите иноватори на модерната кинематографија. Тој прави комбинација на жанрови и ги спојува со класичните вредности како честа и пријателството, а тука е и кореографијата типична за боречките вештини.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Фотографија од Ристовски и 39 години помладата девојка само во костим за капење, актерот го споредуваат со Џејмс Бонд
Актерот Лазар Ристовски отпатува на Малдивите со својата 39 години помлада девојка, Аница Лазиќ.
Таа на својот инстаграм-профил објави фотографии од споменатиот остров, но сега сподели и една со актерот.
View this post on Instagram
На фотографијата тие двајца излегуваат од кристално чистата вода и се држат за раце уживајќи во љубовта заедно.
„Кога тој води, не прашувам каде“, напиша Аница во описот на објавата.
Под објавата се појавија коментари, а еден особено го привлече вниманието бидејќи актерот го споредуваат со Џејмс Бонд.
„Се викам Ристовски, Лазар Ристовски“, е само еден од коментарите.
Лазар Ристовски не сака многу да зборува во медиумите за врската со помладата девојка.
Забава
Дали вашето раскинување е запишано во ѕвездите: хороскопски знаци кои најмногу се разведуваат
Понекогаш, врската е едноставно осудена на пропаст затоа што не сте компатибилни. Некои други луѓе едноставно се разделени поради животните околности. Но, постои група на луѓе за кои одржувањето стабилна брачна врска е речиси невозможна мисија. Претставниците на овие знаци можат да ја уништат семејната идила, дури и ако партнерот е многу трпелив и многу ги сака. Зошто, открива хороскопот.
Чии брачни проблеми се запишани во ѕвездите?
Стрелец
Леснотијата и флексибилноста на Стрелецот го привлекува спротивниот пол на почетокот на врската, но со текот на времето овие квалитети исчезнуваат и се открива вистинската суштина на претставникот на знакот. Почнуваат да вршат притисок и да бараат премногу. Притоа, тие категорично не прифаќаат критики на нивна сметка. На луѓето од овој знак им е понижувачко да се справуваат со секојдневните моменти, па нема да стојат зад шпоретот или да перат нечии алишта. Стрелецот најпрво може да поднесе барање за развод, но по долго време страда поради оваа одлука. Особено во моментот кога сфаќаат дека никој друг, освен нивниот поранешен партнер, не се согласува да ги трпи.
Близнаци
Близнаците се стремат кон семејство, брак и деца, но не секогаш успеваат да одржат врска. Тоа е затоа што претставниците на знакот се активни луѓе кои постојано се во потрага по нови емоции. Ваквите ентузијастички природи понекогаш го заморуваат партнерот. Покрај тоа, претставниците на знакот секогаш брзаат, што може да биде многу заморно за другата страна. Затоа, ако партнерот Близнаци сака смиреност и рамнотежа, тогаш тешко дека ќе го издржи ритамот на својата друга половина. Ако на личноста од овој знак им се каже се во лице, сигурно ќе се навреди и разочара. Сепак, Близнаците не треба само да ги прекинуваат сите врски, бидејќи таквата приказна ќе се повторува одново и одново, бидејќи поентата не е во партнерите, туку во самите нив. Затоа, разводот нема да им помогне на таквите луѓе, туку работата на себе.
Девица
Девиците секогаш први поднесуваат барање за развод бидејќи им е тешко да се држат до семејните правила долго време. Почнува да им се чини дека се притиснати и лишени од слободата. Како резултат на тоа, врската почнува да им станува напорна и тешка. Ако партнерот се обиде да ја контролира Девицата, овој хороскопски знак ќе избега. Разводот тогаш е неизбежен.
Јарец
Разводите меѓу Јарците се случуваат поради претерана категоричност. Претставниците на овој знак се многу тврдоглави и веруваат дека се попаметни од сите. За нив е неверојатно тешко да прифатат туѓо мислење, дури и ако тоа е мислење на некој близок. Затоа, бракот со Јарците не е лесна задача. Мора или да ги задоволите сите нивни желби, или да бегате од таква врска. Честопати, партнерите Јарец не можат да го издржат емотивниот брзање и си заминуваат. Оставени сами на себе, претставниците на знакот можеби нема да го признаат поразот долго време.
Рак
Вжештените, самоуверени и тврдоглави Ракови ќе сакаат до последен здив, но доколку се навредат, ќе ја опсипат саканата личност со реципрочни тврдења и ќе ги извадат на виделина сите стари грешки. Во жарот на расправија, тие можат да кажат многу непотребни работи, за инает – а всушност, Раковите можеби не го мислат тоа. Во моментот на бес, нивната главна цел е што повеќе да го повредат партнерот. Во исто време, по конфликт, Раковите не се колебаат први да пристапат и да се помират. Припадниците на овој знак знаат да ги признаат своите грешки и да ги поправат. Затоа, патот од брак до развод во нивниот случај може да биде многу долг.
Сепак, таквиот моментум порано или подоцна доведува до разочарување на партнерот – никој не сака да живее на куп експлозиви. Ова го поништува дури и фактот дека во секојдневниот живот со Раковите е многу удобен. Сакаат комфор, готват вкусни вечери и внимаваат сите кошули во куќата да се испеглаат.
Забава
„Сè уште ја сакам таа жена“: Бред Пит не може да заборави поранешна девојка, а таа не е ниту Анџелина Џоли ниту Џенифер Анистон
Бред Пит отсекогаш важел за миленик на жените и за еден од најпосакуваните мажи во светот.
Покрај успешната кариера во Холивуд, Бред Пит можеше да се пофали и со титулата еден од најубавите мажи на светот, а на неговиот шарм не одолеаја многу светски убавици.
Популарниот актер уживаше во романсата со филмските ѕвезди Гвинет Палтроу, Џенифер Анистон и Анџелина Џоли, но кога е во прашање неговиот љубовен живот, познатиот актер ја издвојува врската со актерката Џулиет Луис.
Џулиет и Бред уживаа во романса пред повеќе од три децении. Двојката се запознала во 1990 година на снимањето на заедничкиот филм Too Young to Die, а актерката тогаш имала 17 години. Бред Пит е 10 години постар од Џулиет и во времето кога се запознале имал 27 години, а една деценија разлика не ги спречила на прв поглед да сфатат дека се еден за друг.
Актерската двојка се забавуваше три години, а врската ја прекинаа на почетокот на 1993 година. Години подоцна, кога се навраќаа на љубовната врска, атрактивната бринета изјави дека холивудскиот заводник воопшто „не е во нејзиниот универзум“, а Бред Пит во повеќе наврати зборуваше во медиумите за одличното време поминато заедно.
„Сè уште ја сакам таа жена. Таа е вистински гениј. Прекрасно си поминав со неа“, изјави Бред Пит во интервју за „Венити фер“ и додаде:
„Тоа беше една од најдобрите врски во кои некогаш сум бил. Проблемот е што растеме со визија дека љубовта победува сè, а тоа, едноставно, не е така, нели?’
Во 1993 година, кога се запознаа, Бред Пит и Џулиет Луис снимија уште еден заеднички филм – „Калифорнија“.
Во тоа време, додека зборуваше за својата романса со Бред, кој веќе уживаше огромна популарност во Холивуд, Џулиет призна дека Бред ѝ се допаѓал како актер уште пред почетокот на нивната љубовна приказна.
„Се запознавме на снимањето на филмот и почнавме да излегуваме кога заврши снимањето. „Веќе ми се допадна како актер и мора да почитуваш некој што е во истото поле како тебе“, изјави тогаш Луис.
„Ние сме во момент во љубов кога, едноставно, сакаме да се гледаме секој ден и не ни е досадно кога сме еден со друг, па затоа е навистина, навистина убаво. Исто така, можеме да бидеме заедно кога работиме и разговараме за тоа и соработуваме. Сакаме да работиме заедно повторно, и повторно, и повторно“, ја опиша Џулиет својата врска со популарниот актер за „Лос Анџелес тајмс“.
Години подоцна, актерката повторно се присети на врската со колегата и истакна дека се надева оти Бред Пит ќе ја најде среќата во љубовта бидејќи искрено го сака.
„Тој воопшто не е во мојот универзум сега. Ми се чини како да била средношколска врска за мене бидејќи тој сега е толку славна личност. Ја гледам оваа личност со која имам малку заедничка историја. Се надевам дека ќе најде среќа затоа што јас навистина го сакав. Тој е многу лојален, добро момче“, изјави Џулиет Луис за медиумите.
Години подоцна, во 2009 година, актерката истакна дека единствената причина зошто луѓето ја прашуваат нешто за Бред Пит е затоа што тој има култен статус во Холивуд.
„Луѓето ме прашуваат за него само затоа што е толку познат. Ништо не ме прашуваат за мојот поранешен сопруг, иако тоа секако е многу позначајна врска бидејќи сепак бевме во брак“, изјави актерката.
Џулиет Луис беше во брак од 1999 до 2003 година со професионалниот скејтбордер Стив Бур.