Забава
Имате проширени вени? Овие совети се за вас!
Проширените вени се проблем кој измачува огромен дел од популацијата. За многумина овој проблем е од естетска природа, посебно кај женската популација, ја намалува самодовербата и често се прибегнува кон прикривање на нозете. Доколку не се третираат соодветно, проширените вени може да бидат и болни и да доведат до многу посериозни проблеми.
Постојат повеќе корисни совети главно поврзани со промени во животниот стил кои можат да помогнат да се спречи влошување на состојбата со проширените вени. Тоа се пред сè неколку едноставни чекори кои ќе го подобрат протокот на крвта во нозете.
1. Редовна физичка активност!
Мускулите на нозете се вашите најголеми сојузници. Зошто? Тие им помагаат на вените да ја туркаат крвта до срцето. Ова е многу корисно бидејќи мускулите работат против гравитацијата.
Редовната физичка активност овозможува подобра циркулација во нозете што помага во отстранување на насобраната крв во вените.
2. Намалување на телесната тежина!
Луѓето со прекумерна телесна тежина имаат поголем ризик за појава на проширени вени, па оттука многу е значјно да се направат соодветни промени во начинот на исхрана.
3. Избегнувајте да стоите или да седите подолго време!
Одредени професии се поврзани со седење или стоење подолго време, па треба да се има во предвид дека е потребно повремено движење. Се препорачува да се прават паузи на секој половина час и да се прават кратки движења. Ова ги принудува мускулите на нозете да ја движат крвта кон срцето повеќе отколку кога сте во седечка положба. Ако вашата работа бара да стоите долго време, обидете се да закажете слична пауза за да седнете некое време.
4. Не носете тесна облека!
Тесната облека може да изврши поголем притисок врз нозете, што може да ги влоши проширените вени. Потрудете се да носите покомотна гардероба.
5. Држете ги нозете подигнати!
Секогаш кога е возможно, држете ги нозете подигнати во висина на срцето или над него. На тој начин, го намалувате притисокот во вените на нозете, а гравитацијата овојпат ќе ви помогне крвта полесно да се врати до срцето. Со подигнување на нозете, можете веднаш да ја ублажите болката и да го намалите отокот.
6. Носете компресивни чорапи!
Еден од најефикасните начини за самолекување при оваа состојба се компресивните чорапи. Вршејќи притисок на нозете, односно стегајќи ги, компресивните чорапи помагаат вените и мускулите поефикасно да ја испумпуваат крвта ,,нагоре” кон срцето.
7. Практикувајте нежни масажи!
Секоја масажа е одлична за телото, но масажата на нозете има особено големи придобивки бидејќи релаксира, подмладува, го намалува отокот, ја зголемува циркулацијата, го подобрува сонот, ја подобрува функцијата на зглобовите и мускулите и го намалува крвниот притисок.
Со правилно масирање на нозете, ќе има подобрување на болката предизвикана од проширени вени. Сесиите за масажа можат да помогнат во намалување на едемот (оток) преку разни техники и да се истегне кожата околу нозете.
8. Користете ФЛЕБАВЕН!
Флебавен содржи микронизиран диосмин кој ефикасно ги ублажува симптомите, се зема перорално и се користи за да се запре прогресијата на хроничната венска болест и за да се спречат компликациите кои ги придружуваат нејзините први знаци и симптоми.
Микронизираниот диосмин е ефикасен веноактивен лек од природно потекло. Овој лек ги зајакнува и штити вените одвнатре, го подобрува венскиот тонус и ја подобрува микроциркулацијата во вените. Ја ублажува болката во нозете, го намалува чувството на тежина и оток во нозете.
Достапен е без рецепт во аптеките и може да се зема без консултација со лекар.
Ако имате изразени клинички знаци на хронична венска болест, особено на крајот од денот (на пр. оток на нозете, проширени вени, едем на нозете), треба да се консултирате со вашиот лекар. По консултација, вашиот лекар може да ве упати кај специјалист (флеболог, васкуларен хирург, трансфузиолог) за дополнителни испитувања.
За повеќе информации и податоци за ФЛЕБАВЕН прочитајте на следниот линк: https://www.flebaven.mk/
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Бесплатна тетоважа за Пленковиќ; сопственикот на салонот: Ме повикуваат од сите страни
За само еден ден на социјалните мрежи урнебесно се прошири најавата за тетовирање во Пожега. Тие напишаа дека нудат бесплатна тетоважа за Андреј Пленковиќ и покажаа како би изгледала.
Многумина можеби мислат дека ова е добра шега среде избори – но не е. Згора на тоа, сопственикот на салонот за „Индекс“ изјави дека многу луѓе веќе се јавиле за термин.
„Понудата е повеќе од сериозна, што е поткрепено со големиот одѕив на споменатата објава. Ме повикуваат од сите страни. Во мојата долгогодишна работа истетовирав многу личности, а сега решив да направам една тетоважа подарок, со оглед на тоа дека изборите се актуелни“, објасни сопственикот на првото и најстаро студио за тетовирање во Пожега.
View this post on Instagram
Сепак, признава, настанал проблем што повеќе луѓе се пријавиле за тетоважа – многу повеќе отколку што очекувал.
„Ќе треба да подготвам неколку верзии на тетоважата. На пример, лут Пленковиќ, среќен, загрижен Пленковиќ, Пленковиќ во разни пози, варијации во боја или црно-бело“, додал сопственикот, кој, изгледа, ќе има многу повеќе работа овие денови отколку што се надеваше.
„Постојано правам некоја игра со акција или подарок, но овој одговор ме изненади“, заклучил тој.
Забава
Бјелогрлиќ ги откри деталите од третата сезона на „Сенки над Балканот“
Третиот циклус од популарната серија „Сенки над Балканот“, која публиката долго време ја чекаше со големо нетрпение, е во фаза на пишување, а како што најави режисерот и актер Драган Бјелогрлиќ, снимањето ќе почне кон крајот на летото.
Драган Бјелогрлиќ и неговиот тим соработници интензивно работат на сценариото за третата сезона на една од најпопуларните серии на нашите простори – „Сенки над Балканот“, а овој пат актерската екипа ќе ја комплетираат Нина Јанковиќ, Милан Мариќ и Милош Биковиќ во Јосип Броз Тито, пишува Nova.rs.
„Во моментот пишуваме. ‘Сенките’ се многу тежок проект за мене, но страшно инспиративен“, почна Бјелогрлиќ опишувајќи го процесот на создавање:
„Многу се плашам кога влегувам во процесот на пишување, а по процесот на снимање и сѐ друго толку ме обземаат ‘сенките’, што веќе не можам да правам ништо друго и да се занимавам со ништо. Веќе сум на возраст кога би сакал да живеам малку поопуштено, затоа и го одложив. Сепак, влеговме во процесот на пишување, ја напишавме целата приказна, првите две епизоди се завршени, сега ја пишуваме третата. Се надевам дека сѐ ќе биде готово до август и дека снимањето ќе почне во текот на август, дека ќе завршиме до Нова година и дека ќе се емитува напролет“.
Во серијата , покрај стандардните ликови, ќе бидат и Милан Мариќ, Нина Јанковиќ и Милош Биковиќ, а Драган Бјелогрлиќ го откина временскиот период што ќе се прикажува во третиот циклус од популарната серија.
„Имаме работа со периодот од 1939 година, приказната почнува кога Милан Стојадиновиќ распишува избори, тоа беа многу важни избори на кои победи, но не дојде на власт, го наследи принцот Павле. Тоа беше многу значајна година кога на сите им беше јасно дека доаѓа голема војна, дека светот нема да изгледа како порано и дека секој има свои планови. Можам да кажам дека една од најголемите мистерии се случува на панината ‘Ртањ“, ги откри деталите режисерот Драган Бјелогрлиќ и ја заинтригира публиката, која со нетрпение го очекува продолжението на популарната серија.
„Во Србија има многу мистицизам. Го избравме ‘Ртањ од друга причина, а ‘Ртањ е интересен поради легендите, по населението што живее таму и верува во секакви работи и затоа што таму имаше некои рудници“.
Дали овој трет циклус ќе ја заврши приказната останува да видиме. Но, едно е сигурно, а тоа е дека сите со нетрпение ја очекуваат новата и возбудлива приказна за своите омилени херои, кои ги толкуваат: Драган Бјелогрлиќ, Андрија Кузмановиќ, Марија Бергам, Наташа Нинковиќ, Небојша Дугалиќ, Ненад Јездиќ, Срѓан (Жика) Тодоровиќ, Горан Богдан, Јована Стоиљковиќ.
Забава
Фустаните на принцезата Дијана изложени во Хонг Конг пред аукцијата
Светложолтата јакна обложена на рамениците и украсена со блескави златни копчиња, која ја носеше принцезата Дијана на патувањето во Хонг Конг во 1989 година, ќе биде една од шесте нејзини парчиња изложени во поранешната британска колонија пред аукцијата закажана за јуни.
Колекцијата на фустани, чевли и чанти на принцезата од Велс е изложена во трговскиот центар во Хонг Конг во следните 12 дена од четврток пред колекцијата да се пресели во Ирска до аукцијата на 27 јуни. Принцезата Дијана, која загина во сообраќајна несреќа во Париз во 1997 година, ја диктираше модата секогаш кога се облекуваше и излегуваше, рече Мартин Нолан, директор на аукциската куќа „Џулиен“ со седиште во Калифорнија.
Познатата јакна од нарциси на дизајнерката Кетрин Вокер би можела да достигне цена од 50.000 долари, а синиот вечерен фустан со ѕвездички би можел да достигне цена од 400.000 долари. Принцезата го носеше овој фустан од дизајнерот Мареј Арбејд на премиерата на „Фантом од операта“ во 1986 година во Вест Енд, Лондон.
Изложени е и вечерната тоалета со свила и тантела од дизајнерот Виктор Еделштајн и цветната тоалета на Кетрин Вокер, што Дијана ја носеше во 1991 година.
Еден од посетителите, 69-годишниот Фунг, се присетува како толпата се насобрала на улиците на Хонг Конг кога Дијана пристигнала во тој град во 1989 година. „Таа беше харизматична, грижлива и посветена на добротворната работа. Затоа е исклучително почитувана во Хонг Конг“, вели Фунг.
Во 2023 година аукциската куќа „Џулиен“ продаде вечерен фустан на принцезата Дијана за рекордни 1,14 милион долари.