Забава
Инспиративна приказна за убавица од Гана која одбила богаташ, среќата ја пронашла во своето село
Хамамат Монти е инфлуенсерка од Гана, претприемач, поранешен модел и манекенка која победи на изборот за Мис на Африка во 2007 година. Често во медиумите ја нарекуваат африканска божица, опис со кој повеќето ќе се согласат штом ќе видат нејзини фотографии.
Животната приказна на убавата Хамамат е интересна и инспиративна за многу жени и самохрани мајки.
Нејзина фотографија се појави на Инстаграм пред неколку месеци и таблоидите ги привлече несекојдневната убавина – веројатно најшарениот и еден од најубавите профили на оваа социјална мрежа.
Хамамат најчесто објавува фотографии од неа и нејзините две деца, фотографии што го прикажуваат традиционалниот живот во нејзиното родно село. Таа прави путер, фаќа риба, бере овошје, а во исто време изгледа беспрекорно во нејзините весели, шарени фустани, со убава кожа и совршена насмевка.
Хамамат има над милион следачи, поради што дефинитивно спаѓа во категоријата на поуспешни инфлуенсери. Сепак, нејзиниот профил нуди прозорец кон еден поинаков начин на живот кој не често, или воопшто, не го гледаме на социјалните мрежи.
Обично луѓето од африканските села каде што живеат под сламени покриви немаат навика да го споделуваат својот животен стил на социјалните мрежи. Таблоидите ги заитересира која е оваа убавица и инфлуенсерка, која најверојатно сака да може да живее во поекстравагантен стил, типичен кај повеќето инфлуенсери.
Хамамат се занимава со манекенство уште од тинејџерска возраст, а во едно интервју, 33-годишна Африканка од мало село во близина на Болгатанга отворено зборува за тоа како нејзина желба по победата на натпреварот за убавина била да се омажи за богат човек кој ќе ѝ овозможи полуксузен живот.
Набргу по победата на изборот за убавина, таа запознала богат Финец кој веднаш се вљубил во неа. И семејството и пријателите ја убедувале да се омажи за него.
Сепак, и покрај соништата за полуксузен живот, убавата манекенка го одбила милионерот кога ѝ понудил брак. „Едноставно не можев да се ставам во кутијата на африканска жена која се омажила за белец за пари“, вели Хамамат. Подоцна се омажила за друг човек од своето село со кого има две деца.
„Кога се вратив дома, постојано ме потсетуваа дека сум Африканка, дека има некои работи што не треба да ги правам, одредени амбиции со кои не треба да се забавувам. Тоа ми беше проблем бидејќи никогаш за себе не мислев како за Африканка. За мене, граница беше мојот капацитет, мојата способност“, пишаува Хамамат на својот инстаграм-профил.
Таа го лансираше брендот Hamamat African Beauty. Заедно со другите членови на семејството, рачно прави путер и го продава низ целиот свет. Бизнисот напредувал толку брзо што таа дури учествувала и на Африканскиот економски форум.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Бесплатна тетоважа за Пленковиќ; сопственикот на салонот: Ме повикуваат од сите страни
За само еден ден на социјалните мрежи урнебесно се прошири најавата за тетовирање во Пожега. Тие напишаа дека нудат бесплатна тетоважа за Андреј Пленковиќ и покажаа како би изгледала.
Многумина можеби мислат дека ова е добра шега среде избори – но не е. Згора на тоа, сопственикот на салонот за „Индекс“ изјави дека многу луѓе веќе се јавиле за термин.
„Понудата е повеќе од сериозна, што е поткрепено со големиот одѕив на споменатата објава. Ме повикуваат од сите страни. Во мојата долгогодишна работа истетовирав многу личности, а сега решив да направам една тетоважа подарок, со оглед на тоа дека изборите се актуелни“, објасни сопственикот на првото и најстаро студио за тетовирање во Пожега.
View this post on Instagram
Сепак, признава, настанал проблем што повеќе луѓе се пријавиле за тетоважа – многу повеќе отколку што очекувал.
„Ќе треба да подготвам неколку верзии на тетоважата. На пример, лут Пленковиќ, среќен, загрижен Пленковиќ, Пленковиќ во разни пози, варијации во боја или црно-бело“, додал сопственикот, кој, изгледа, ќе има многу повеќе работа овие денови отколку што се надеваше.
„Постојано правам некоја игра со акција или подарок, но овој одговор ме изненади“, заклучил тој.
Забава
Бјелогрлиќ ги откри деталите од третата сезона на „Сенки над Балканот“
Третиот циклус од популарната серија „Сенки над Балканот“, која публиката долго време ја чекаше со големо нетрпение, е во фаза на пишување, а како што најави режисерот и актер Драган Бјелогрлиќ, снимањето ќе почне кон крајот на летото.
Драган Бјелогрлиќ и неговиот тим соработници интензивно работат на сценариото за третата сезона на една од најпопуларните серии на нашите простори – „Сенки над Балканот“, а овој пат актерската екипа ќе ја комплетираат Нина Јанковиќ, Милан Мариќ и Милош Биковиќ во Јосип Броз Тито, пишува Nova.rs.
„Во моментот пишуваме. ‘Сенките’ се многу тежок проект за мене, но страшно инспиративен“, почна Бјелогрлиќ опишувајќи го процесот на создавање:
„Многу се плашам кога влегувам во процесот на пишување, а по процесот на снимање и сѐ друго толку ме обземаат ‘сенките’, што веќе не можам да правам ништо друго и да се занимавам со ништо. Веќе сум на возраст кога би сакал да живеам малку поопуштено, затоа и го одложив. Сепак, влеговме во процесот на пишување, ја напишавме целата приказна, првите две епизоди се завршени, сега ја пишуваме третата. Се надевам дека сѐ ќе биде готово до август и дека снимањето ќе почне во текот на август, дека ќе завршиме до Нова година и дека ќе се емитува напролет“.
Во серијата , покрај стандардните ликови, ќе бидат и Милан Мариќ, Нина Јанковиќ и Милош Биковиќ, а Драган Бјелогрлиќ го откина временскиот период што ќе се прикажува во третиот циклус од популарната серија.
„Имаме работа со периодот од 1939 година, приказната почнува кога Милан Стојадиновиќ распишува избори, тоа беа многу важни избори на кои победи, но не дојде на власт, го наследи принцот Павле. Тоа беше многу значајна година кога на сите им беше јасно дека доаѓа голема војна, дека светот нема да изгледа како порано и дека секој има свои планови. Можам да кажам дека една од најголемите мистерии се случува на панината ‘Ртањ“, ги откри деталите режисерот Драган Бјелогрлиќ и ја заинтригира публиката, која со нетрпение го очекува продолжението на популарната серија.
„Во Србија има многу мистицизам. Го избравме ‘Ртањ од друга причина, а ‘Ртањ е интересен поради легендите, по населението што живее таму и верува во секакви работи и затоа што таму имаше некои рудници“.
Дали овој трет циклус ќе ја заврши приказната останува да видиме. Но, едно е сигурно, а тоа е дека сите со нетрпение ја очекуваат новата и возбудлива приказна за своите омилени херои, кои ги толкуваат: Драган Бјелогрлиќ, Андрија Кузмановиќ, Марија Бергам, Наташа Нинковиќ, Небојша Дугалиќ, Ненад Јездиќ, Срѓан (Жика) Тодоровиќ, Горан Богдан, Јована Стоиљковиќ.
Забава
Фустаните на принцезата Дијана изложени во Хонг Конг пред аукцијата
Светложолтата јакна обложена на рамениците и украсена со блескави златни копчиња, која ја носеше принцезата Дијана на патувањето во Хонг Конг во 1989 година, ќе биде една од шесте нејзини парчиња изложени во поранешната британска колонија пред аукцијата закажана за јуни.
Колекцијата на фустани, чевли и чанти на принцезата од Велс е изложена во трговскиот центар во Хонг Конг во следните 12 дена од четврток пред колекцијата да се пресели во Ирска до аукцијата на 27 јуни. Принцезата Дијана, која загина во сообраќајна несреќа во Париз во 1997 година, ја диктираше модата секогаш кога се облекуваше и излегуваше, рече Мартин Нолан, директор на аукциската куќа „Џулиен“ со седиште во Калифорнија.
Познатата јакна од нарциси на дизајнерката Кетрин Вокер би можела да достигне цена од 50.000 долари, а синиот вечерен фустан со ѕвездички би можел да достигне цена од 400.000 долари. Принцезата го носеше овој фустан од дизајнерот Мареј Арбејд на премиерата на „Фантом од операта“ во 1986 година во Вест Енд, Лондон.
Изложени е и вечерната тоалета со свила и тантела од дизајнерот Виктор Еделштајн и цветната тоалета на Кетрин Вокер, што Дијана ја носеше во 1991 година.
Еден од посетителите, 69-годишниот Фунг, се присетува како толпата се насобрала на улиците на Хонг Конг кога Дијана пристигнала во тој град во 1989 година. „Таа беше харизматична, грижлива и посветена на добротворната работа. Затоа е исклучително почитувана во Хонг Конг“, вели Фунг.
Во 2023 година аукциската куќа „Џулиен“ продаде вечерен фустан на принцезата Дијана за рекордни 1,14 милион долари.