Hitech
Кинески паметни униформи следат кога учениците доаѓаат на час и им праќаат снимки на родителите
Кинеска компанија разви училишни униформи со чипови за следење на движењето на учениците, пишува британскиот весник „Индипендент“. Тие се нарекуваат паметни униформи, меѓутоа на социјалните мрежи предизвикаа голем број критики. Според најавите, униформите ќе го регистрираат времето кога учениците одат на училиште и ќе снимаат кратки видеа кои родителите ќе можат да ги гледаат преку апликација на своите телефони.
Единаесет училишта во југоисточната провинција Гвижоу ги воведоа униформите произведени од страна на локалната технолошка компанија Guizhou Guanyu Technology.
Доколку ученикот се реши да побегне од час, тоа активира известување кое ги алармира родителите и наставниците дека детето не е во училница. Има и поригиризен режим од овој, па така доколку во одредени ситуации ученикот го напушти училиштето без дозвола, автоматски се активира гласовен аларм.
Ако ученик заспие на час, повторно се активира аларм, а преку униформата родителите ќе може да надгледуваат и што нивното дете купува додека е на училиште. Преку неа тие ќе можат и автоматски да ја лимитираат сумата која ќе дозволат да ја користи детето.
ГПС системот вграден во униформата ќе може да ги следи учениците дури и кога ќе го напуштат училиштето, се додека ја носат истата.
Меѓутоа, Јуан Бичанг, менаџер на проектот, рече дека училиштата ќе го користат следењето надвор од нивната локација само ако се случи некој од учениците да исчезне.
Бичанг за државните медиуми изјави дека учениците поредовно доаѓаат на училиште откако биле воведени новите униформи.
Сепак ова парче на училишна облека наиде на големи критики на социјалните мрежи. „Кој би сакал да го следат 24 часа на ден“, прашал еден корисник.
„Зарем децата немаат човечки права и право на приватност“, истакнал друг.
Лин Зонгву, директор на Училиштето број 11 во Ренхуаи, регион во Гвижоу, рече дека училиштето ја користи оваа технологија само повремено, иако нагласил дека истата е постојано на располагање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Hitech
„Воцап“ воведе суптилна промена, корисниците во светот бесни
Со оглед на тоа дека има две милијарди активни корисници, слободно може да се каже дека „Воцап“ е една од најпопуларните апликации во светот. Но, многумина останаа бесни по новата суптилна промена воведена во платформата за пораки.
Наместо „онлајн“ и „пишува“, зборовите што вообичаено се појавуваат под имињата на луѓето во вашите разговори, сега има големи почетни букви на тие зборови. Иако ова звучи како мала промена, корисниците во светот воопшто не се задоволни поради тоа и се жалат на социјалните мрежи.
The word “online” was capitalized on @WhatsApp this week. Tell me why this is bothering me so much 🫠 pic.twitter.com/SfYqw0JdQ9
— Rebecca Franks (@riggaroo) April 13, 2024
„Дали на некој друг му пречи што наместо ‘онлајн’ и ‘пишува’, ‘Воцап’ сега исфрла големи букви?“, „Ова страшно ме нервира, ме болат очите кога го гледам“, „Воопшто не е некоја промена, но мене ми е неверојатно иритирачки“, пишуваат тие на „Икс“.
@isabellemariewa Wieso schreibt ihr das auf ein mal groß Whatsapp? Ich habe Fragen #fyp #whatsapp #relatable #foryou ♬ Originalton – Isabelle Marie
За жал, се чини дека промената ќе остане, без достапна опција во поставките за враќање на претходната верзија. Меѓутоа, ако новите големи букви навистина ве излудуваат, ќе бидете среќни кога ќе слушнете дека постои лесен начин за решавање. Сè уште има мали букви на WhatsApp Web.
@oicaramba Did whatsapp always capitalize the first letter of “typing” and “online”? #fyp ♬ original sound – oicaramba
@sophiepetrucciohall #whatappstatus #whatsapp anyone else noticed? #fyp #mybrain ♬ оригинальный звук – •🎧🎤•
Hitech
Xiaomi почна да произведува електрични автомобили
Кинескиот Xiaomi ги предупредува потенцијалните купувачи на електричниот седан SU7 дека можеби ќе треба да чекаат четири до седум месеци за нивниот автомобил поради големата побарувачка.
Производителот на паметни телефони и друга електроника за широка потрошувачка почна да прима нарачки за својот модел на електричен автомобил, кој влезе на пазарот во четвртокот и објави дека преднарачките го достигнале бројот 88.898 во првите 24 часа.
Според статусот на апликацијата за нарачки автомобили на Xiaomi, испораките за стандардниот модел SU7, по цена од 215.900 јуани или 29.870 долари, би можеле да траат помеѓу 18 и 21 недела.
Чекањето за испорака на моделот SU7 Pro би можело да трае од 18 до 21 недела, а за најскапиот модел, чија цена е 299.900 јуани или 41,5 илјад долари, може да се протега меѓу 27 и 30 недели.
SU7, чиј дизајн потсетува на моделите на спортски автомобили на Porsche Taycan и Panamera, беше лансиран во услови на жестока ценовна војна на светскиот пазар на автомобили, каде што повеќе од 40 марки се натпреваруваат за вниманието на потрошувачите.
Xiaomi не е без силни средства, забележуваат аналитичарите, кои истакнуваат дека има подлабоки џебови од многу стартапи за електрични возила и дека неговата експертиза во бизнисот со паметни телефони му дава предност во развојот на системи за електронски надзор, карактеристика што ја ценат кинеските потрошувачи.
Hitech
(Видео) Neuralink покажа како човек го движи курсорот на глувчето на екранот со своите мисли
Стартапот на Елон Маск, Neuralink, покажа како 29-годишен неподвижен човек, кому неодамна му бил вграден првиот чип во мозокот, игра шах на интернет преку своите мисли.
Целосно парализираниот Нолад Арбог играше шах на својот лаптоп движејќи го курсорот на глувчето со умот. Имплантот на стартапот на Маск му беше вграден пред два месеца.
— Neuralink (@neuralink) March 20, 2024
„Моето име е Ноланд Арбо, имам 29 години, имав нуркачка несреќа пред осум години и оттогаш сум квадриплегичар. Сакам да играм шах и тоа е една од активностите што ми ги овозможивте, нешто што не можев да го направам во изминатите неколку години, особено не вака. Порано користев глушец, но сега правам сè со мојот мозок“, изјави, меѓу другото, Ноланд.
Чипот на Neuralink е дизајниран да ја чита мозочната активност, да дешифрира какво движење има намера да направи личноста, а потоа да активира команда за извршување на таа акција. Арбо рече дека првично вежбал да се обидува да ја движи раката додека не станало интуитивно да се замисли како го движи курсорот.