Забава
Колку чини чаша пиво во Лас Вегас?
Градот среде пустина отсекогаш бил познат по казината и ноќната забава. Но, дали некогаш сте се прашале колку чини излегувањето или, пак, само едно пиво во Лас Вегас?
Вечера во ресторанот „Омниа“ во Caesar’s Palace чини 2.500 евра, додека пивото во просечен ноќен клуб е околу 9 долари. Имено, за да им помогне на туристите кои го посетуваат во овој град, порталот Casino.org направил калкулатор за цените во некои од најголемите казина и клубови во Лас Вегас.
Со негова помош посетителите можат да видат колку ќе ги чини вечера или, пак, само еден пијалак во хотелите како „Белаџио“ и „Мандалај беј“.
Според овие пресметки, излегување во клубот „1 Оак – Мираж“ ќе ве чини 200 долари, додека нешто поевтино е во „Екс најт клаб“, каде што ќе потрошите 184 долари. Најевтин ноќен клуб во градот на неонските светла е „Тако најт“ каде што едно излегување ќе ве чини околу 114 долари. Наведените цени вклучуваат влез за четири лица и една тура пиво.
Најскапото пиво е исто така во клубот „1 Оак“ и чини околу 15 долари, а најевтиното е во „Мандалај беј“ со цена од „само“ 7 долари.
„Вегас е многу скап град, па затоа сакавме да им помогнеме на туристите да заштедат пари и да си поминат што е можно подобро“, вели Дејвид Шелдон, уредник на страницата.
Инаку, Лас Вегас минатата година го посетиле вкупно 37 милиони туристи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Бијонсе ја покажа природната коса: Погрешно е мислењето дека луѓето кои носат перики немаат долга и здрава коса
Најголемата музичка ѕвезда на денешницата, Бијонсе, за прв пат во кариерата ја покажа целосно природната коса, се со цел да ја промовира својата нова линија на производи за коса која ја нарече „Cécred“.
Бијонсе често носи перики и навистина ретко ја покажува својата природна коса, но во видеото кое го објави на Инстаграм го покажа целиот процес од фризерскиот салон.
„Погрешно е мислењето дека луѓето кои носат перики немаат долга и здрава коса“, изјави поп дивата и објасни дека косата ја суши на средна температура и се труди што повеќе да ја спаси од топол воздух. Таа користи четка од стар стил за да ја исправи косата, ја фарба и не користи третмани како минивал и слично.
„Ја чувам мојата природна коса русокоса веќе 25 години и тоа одигра голема улога во идејата за лансирање на овие производи“, објасни Бијонсе.
Нејзиното видео за 24 часа е прегледано два милиони пати.
Забава
Џенифер Лопез за првпат во сосема „обично“ издание
Џенифер Лопез (54) носи беспрекорни фустани на јавната сцена и ја нарекуваат кралица на стилот, а често ги раздвижува модните трендови, па дури и знае совршено да носи необични комбинации.
Нејзиниот фантастичен изглед во шестата деценија се должи на нејзината посветеност на спортот и здравиот начин на живот. Познато е дека латино дивата секој ден оди во теретана и дека цел живот напорно тренира, како и дека папараците будно ја следат, па често ја фаќаат во тренерки и патики кога оди на тренинг.
Меѓутоа, додека ја напуштала луксузната зграда во Њујорк, таа изгледала речиси непрепознатливо, без шминка и со мокра коса. Се качила во луксузен автомобил, а се претпоставува дека одела на адресата каде што ја чекале нејзиниот долгогодишен тим експерти – шминкери, фризери и стилисти , за да може да блесне во изданието на кое сме навикнати од оваа голема ѕвезда.
Забава
Ќерката на познатата актерка блесна во фустанот што го носеше нејзината мајка пред 25 години
Наследничката на славната двојка го прослави својот роденден во она во што порано блескаше нејзината мајка Кетрин Зета Џонс.
Ќерката на познатата актерска двојка Кетрин Зета Џонс и Мајкл Даглас пред неколку дена го прослави својот 21 роденден, а за таа прилика облече прекрасен фустан кој нејзината мајка го носеше дури пред 25 години.
Дека јаболкото не паѓа далеку од дрвото и дека некои парчиња облека се вечни, без разлика на модните трендови, покажала младата и убава Керис Зита Даглас, која не била ни родена кога нејзината мајка ја носела оваа креација од свила и тантела.