Забава
Кој би можел да го замени Даниел Крег како следен Џејмс Бонд?
Иако сè уште не сме сосема сигурни што е Quantum of Solace, знаеме дека Крег ги испорача некои од најдобрите филмови во серијалот 007 и ќе биде тешко да се следи, коментира британски „Би-би-си“.
Тоа ќе биде исклучително важна одлука. Огромен приход од киноблагајните зависи од изборот на вистинскиот актер за улогата.
„Новиот Бонд не е само костум на црвениот тепих“, вели Марк О’Конел, автор на Catching Bullets: Memoirs of a Bond Fan. „Тој мора да биде филмска ѕвезда, амбасадор на серијалот и киното, медиумски дипломат, омилен син на британската култура…“
„Тој мора да биде веднаш препознатлив во сите краеви на светот како Џејмс Бонд. Mора да има добар изглед, да го сака камерата и да доминира на филмски платна со големина на фудбалски терен“.
Меѓу кандидатите за нов Бонд се споменуваат Том Харди, Идрис Елба, Хенри Кавил, Џејмс Нортон, Реге Жан Пејџ, Сем Хуган, но засега нема фаворит.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Салма Хајек никогаш поубава во елегантно издание, ги воодушеви обожавателите, но доби и критики
Салма Хајек е сигурно една од најубавите актерки на денешницата, а сега ги почести своите фанови со малку необично издание.
Имено, Салма на својот инстаграм-профил објави видео, кое е составено од фотографии на кои позира во бел елегантен костим.
Видеото бргу собра речиси 100.000 прегледи, а актерката заработи многубројни комплименти за својот изглед.
View this post on Instagram
Сепак, еден коментар им пречеше на нејзините верни обожаватели.
„Беше толку убава пред 20 години“, гласеше коментарот, кој ги налути фановите на Салма.
„И денес е убава“, „Денес е уште поубава“, „Тоа ги навредува жените“, „Салма никогаш не била поубава“, се само дел од одговорите на споменатиот коментар.
Салма често беше на удар на критики поради тоа што се облекува вулгарно и евтино“, а сега покажа дека е една од најатрактивните холивудски актерки во елегантно издание.
Забава
Кралот Чарлс и Камила прославија годишнина од брак
Британскиот крал Чарлс Трети и кралицата Камила денеска ја слават 19-годишнината од бракот, а нивната врска трае од 70-тите години на минатиот век, пренесува „Скај њуз“.
Се верува дека тогаш принцот Чарлс и ќерката на воениот офицер Камила Шанд се сретнале првпат на поло-натпревар во Лондон во 1970 година, а набргу потоа почнале врска, која траела додека Чарлс не заминал да служи во морнарицата.
Камила се омажи за својот прв сопруг, капетанот на британската армија, Ендрју Паркер Боулс, а Чарлс дипломирал на Универзитетот „Кембриџ“.
Според медиумот, се сметало дека Камила не е соодветна за престолонаследник бидејќи имала минато, односно љубовни врски пред да го запознае Чарлс.
Чарлс почна да се забавува со леди Дијана Спенсер, која подоцна изјави дека Камила, и покрај тоа што е мажена за својот прв сопруг, била третата личност во бракот на кралската двојка.
За ова има и звучна снимка од аферата „Тампонгејт“, која е снимена шест години пред разводот на Камила и Паркер Боулс, а на која се слуша како Чарлс и Камила разменуваат нежности.
Снимката првпат беше објавена во 1993 година, една година по разводот на Чарлс и Дијана.
Поранешниот прес-секретар на кралицата Елизабета Втора, Чарлс Енсон, тврди дека тогашната врска на Чарлс и Камила била нешто со што морало да се постапува деликатно.
„Чарлс секогаш беше иницијатор на нивната врска. Беше среќна што живее на село, со своите деца и ќе беше задоволна ако останеше негова љубовница. Но, за Чарлс немаше сомнеж за тоа, тој мораше да ја има“, вели Енсон.
Распадот на бракот на Чарлс и Дијана некогаш беше една од главните вести, а набргу по нејзината смрт, Чарлс и Камила почнаа постепено да се појавуваат заедно сè повеќе и повеќе во јавноста.
„Сè беше направено постепено, јавноста е свесна за фактот дека тие двајца се заедно“, рече Енсон.
Кралицата Елизабета не присуствуваше на свадбената церемонија, но присуствуваше на приемот во замокот Виндзор бидејќи наводно постоела загриженост дека толпата ќе фрли јајца кон зградата во која се одржала венчавката.
Камила, наводно поради почит кон Дијана, ја зела титулата војвотка од Корнвол, а не принцеза од Велс.
Се вели дека тие двајца со текот на времето доживеале значително зголемување на популарноста меѓу јавноста.
Енсон ја опишува нивната врска како „основа на британската монархија“.
„Тие се поддржуваат еден со друг. Нивното опкружување е прилично тешко за секого, но кралот и кралицата споделуваат добра смисла за хумор, делат добро и лошо“, рече Енсон.
Тој ја опишува кралицата Камила дека има стоички карактер, особено откога се соочила со дијагнозата на кралот дека боледува од рак.
Забава
Бразилски судија почна истрага против Маск: „Зошто го правите тоа?“
Судијата на Врховниот суд на Бразил, Александре де Мораеш, отвори истрага против Илон Маск за попречување на правдата во врска со социјалната мрежа „Икс“, се вели во судски документ.
Маск ја оспорува одлуката на судијата Мораеш да ѝ нареди на неговата платформа за социјални медиуми „Икс“ да блокира одредени сметки.
Маск претходно најави дека „Икс“ ќе ги укине ограничувањата бидејќи тие се неуставни.
Мораеш во својата одлука рече дека „Икс“ ќе се воздржи од непочитување на која било веќе издадена судска наредба, вклучително и повторно активирање на профилот блокиран од Врховниот суд.
Доколку „Икс“ не ја исполни наредбата за блокирање одредени сметки, компанијата ќе биде казнета со 100.000 реали (околу 18.200 евра) дневно, рече судијата, пренесе „Ројтерс“.
Ниту Маск ниту бразилските власти не открија кои сметки на социјалните мрежи се блокирани. „Икс“ првин ја објави наредбата за блокирање во саботата, но не беше веднаш јасно кога е издадена наредбата.